A Nanhi a mu Bhanga o Vondadi ia Jihova Lelu?
1. Tua-nda Mateka o ku di longa o kadivulu A Nanhi a mu Bhanga o Vondadi ia Jihova Lelu? mu kizuua kiebhi ni mbote iahi i tua-nda katula?
1 Mu semana ia 28 ia Kamusasadi, tua-nda mateka o ku di longa o kadivulu A Nanhi a mu Bhanga o Vondadi ia Jihova Lelu? mu kilunga. O kadivulu kaka, a ka bhana mu kiônge kia dikota, “Langa o Muxima Uê!” a ka bhange phala ku kuatekesa o maxibulu kuijiia o kilunga kia Jihova. Kioso ki tua-nda di longa o kadivulu kaka, ki tua-nda kuijiia ngó o kilunga kia Jihova, maji ka-nda tu kuatekesa ué kuijiia kiambote o milongi ioso i tuene mu longa mu ukunji uetu.—Jisá. 48:13.
2. Kiebhi ki tua-nda di longa ni kadivulu kaka mu kilunga?
2 Kiebhi ki Tua-nda di Longa: O muendexi ua-nda bhanga ioso phala ku zubha o disá mu kithagnana kia tokala. Mu 28 a madisá, kala kizuua kia ku di longa muéne ua-nda tanga o diambu kála kibhuidisu. Ua-nda bhinga o mutangi ku tanga o kaxi ka dianga phala ku mateka. Mu ku suka-ku o muendexi ua-nda bhanga o kibhuidisu kia pelepalala kiá. O izuelu ia xikatela mu kaxi, a tokala ku i tanga ni ku i jimbulula. Kioso kia-nda tanga o kaxi, o phange ua-nda kuibhula se kiebhi o kaxi ka tambuijila o kibhuidisu kia disá. O ji foto a tokala uâ ku ji jimbulula. Se kithangana ki bhana a tena ku tanga o kibatulu kia Bibidia. Mu disukilu dia disá, o phange ua-nda bhitulula mu ku bhanga o ibhuidisu iala ku disukilu dia disá. Se saí kaxa “Ijiia Dingi,” ua-nda tanga ni kuibhudisa ku jingivuidi se kiebhi o maxibulu mâ kia tena ku katula mbote mu ku kaiela o itendelesu íii. Se kithangana ki bhana, o phange u tena kuibhuidisa o diambu dia disá phala ku bhitulula. Ki ku bhingi ku kaiela o itendelesu íii mu ku di longa ni maxibulu.
3. Kiebhi ki tu tena ku katula mbote mu ku di longa o kadivulu kaka?
3 Phala ku katula mbote ku bhinga ku di pelepalala. Di pelepalale kiambote phala ku tambuijila. Kioso kia-nda mateka o milongi, xinganeka kiebhi o maxibulu kia tena ku katula mbote. Tua mesena kuila o kadivulu kaka, ka tu kuatekesa ku suínisa o maxibulu ku bhanga o vondadi ia Jihova, n’a tambule uâ o muenhu ua kalelaku.—1 Nzu. 2:17.