Kiebhi ki tu Tena ku Kalakala ni Kadivulu A Nanhi a mu Bhanga o Vondadi ia Jihova Lelu?
O Kadivulu ka Ubhe a ka Bhange Phala o Maxibulu a Bibidia Kuijiia o Kilunga kia Nzambi
1. O kadivulu Vondadi ia Jihova a ka bhange phala ihi?
1 O kuila uene mu kalakala kia ni kadivulu A nanhi a mu Bhanga o Vondadi ia Jihova Lelu? A ka bhange (1) phala o maxibulu kuijiia kiambote o mundu ua Nzambi, (2) kuijiia o ikalakalu i tu bhanga, ni (3) kuijiia kiebhi ki kalakala o kilunga kia Jihova. O kadivulu Vondadi ia Jihova, kala ni madisá phala ku longa na-ku o dixibulu mu ithangana itanu mba dikuinhi dia ithangana, ku disukilu dia milongi.
2. Jimbulula ihi i tu sanga mu kadivulu.
2 Ihi i tu Sanga mu Kadivulu: Mu kadivulu tu sanga-mu mbandu jitatu, kala mbandu izuela ia lungu ni jipondo ja lungu ni Jimbangi ja Jihova. Mu kadivulu muala 28 dia madisá, o diambu dia maka kibhuidisu, ni izuelu ia xikatela, mu ku suka-ku o kitambuijilu kia kibhuidisu. Tu sanga-mu 50 a jifoto ja iuka, ja jixi jengi ni izuelu ilondekesa katé kuebhi kua suku kia o kikalakalu kietu kia ku boka. Mu kadivulu koso tu sanga-mu kaxa iambe: “Ijiia Dingi,” tu sanga-mu itendelesu ikuatekesa o dixibulu dietu ku i kaiela.
3. Kiebhi ki tua tokala ku kalakala ni kadivulu Vondadi ia Jihova?
3 Kiebhi ki tu Tena ku Kalakala ni Kadivulu Kaka: Mateka mu ku bhanga o kibhuidisu dia diambu dia disá. Mu ku tanga o disá, jimbulula o izuelu ia xikatela. Mu ku suka-ku bhitulula o ibhuidisu iala ku luiji. U tena ku tanga o disá dioso. Kala ni kilunji kia ku sola kiambote o kibatulu kia Bibidia phala ku ki tanga. Kana ku jimba ku lombolola o jifoto, ni kaxa iambe “Ijiia Dingi.” Mu veji ia mukuá, ua tokala ku kaiela o disá kála kio soneke. Kana ku kala ni hele ia ku matuka disá, phala ku longa disá diéngi diala ku pholo dia tokala o ku kuatekesa o dixibulu. Mu kifika, se o kizuua kia kiônge mba kiônge kia dikota kia zukama, ua tokala ku matuka phala ku longa o disá 11.
4. Mukonda diahi eie ua sanguluka ni kadivulu kaka ka ubhe?
4 Kioso ki tu longa muthu, tu mu kuatekesa phala kuijiia o Tata ietu mu nzumbi. Maji tua tokala ué ku mu longa o “mam’etu” mu nzumbi, o kilunga kia Jihova. (Jisa. 6:20) Tua sanguluka mu kuijiia kuila tu tena ku mu kuatekesa ni kadivulu ka ubhe!