O Kuila u Tena Kuixana Phang’iê?

Mu ilunga iavulu, saí aboki ka tena dingi ku boka kiavulu mukonda dia uhaxi mba dia ku kuka. (2 Kol. 4:16) O kuila u tena kuixana phange ua mu bhita ni maka enhá phala kuia n’eie ku xibulu iê? Se o muboki ka tena ku tunda kubhata, nange u tena kuambata o dixibulu phala ku di longa ku bhata diê. O kuila u tena ku bhanga ioso phala ku boka ni phange ua mu kata, mu ku boka nzo ni inzo mba ku kunda muthu umoxi mba kiaiadi kia athu? O aboki a kuka kiá, ala ni jindunge javulu mu sidivisu ia ku boka. O nguzu ioso i u bhanga ki ia-nda kua suínisa ngó ene, eie ua-nda katula ué mbote iavulu. (Lom. 1:12) Mu kiki, Jihova ua-nda ku besoala kiavulu mukonda dia ku londekesa o henda.—Jisa. 19:17; 1 Nzu. 3:17, 18.