Ku Bandekesa o Uhete Uetu mu Ukunji—Mu ku Suua o Athu

Mukonda Diahi Kima Kiambote ku Bhanga Kiki: Jezú uexile mu suua o athu ni ku a londekesa o henda. Mu kifika, saí kizuua Jezú ua londekesa o henda ku diiala uexile muxilu iú ua mu sake, maji ka ki bhange bhu kaxi ka mundu uavulu. (Mar. 7:31-35) Ua suu o maxibulu mê, mu kuijiia kuila ene keji tena ku bhaka milongi iavulu. (Nzu. 16:12) Né muene kioso kia kexile ku diulu, Jezú uexile mu suua o athu. (2 Tim. 4:17) Tua mesena ku kaiela ué phangu iê. (1 Phe. 2:21; 1 Nzu. 3:16, 18) Tua-nda di tunda kiambote mu ukunji, se tu suua o athu mu ima ia bhanga, ia mesena ni ia bhindamena. Nange ene a-nda tuívua se a mona kuila, ki tu mesena ngó ku boka o njimbu mba ku a bhana madivulu; tua mesena ué o mbote iâ.