Mukanda wa Kibuka Kya Utuminu

“Mwa fwamene kukala kyá mu jimesene ja kulonga.” (Jihe. 5:12) Xinganeka ngó! Jihova—o Mesene ya katunda mu ngongo—wa tu bhana o ujitu wa kulonga akwetu ya lungu ni mwene! Kikalakalu kyoso-kyoso kya kulonga o kidi kya lungu ni Jihova ku akwetu—ki kale ku mwiji, mu kilunga mba mu sidivisu ya kuboka—ujitu wonéne, kikalakalu kya dikota we. Kyebhi ki tu tena kuditunda kyambote?

O kitambwijilu tu ki sanga mu izwelu ya sonekena poxolo Phawulu kwa Timote: “Ta muxima wé mu kutanga o Mikanda ya Ngana bhu pholo ya mundu, ni mu kulombolola o Njimbu Yambote, ni mu kulonga.” Phawulu wambe dingi: “Mu kubhanga kiki, wa-nda kwila ni eye-mwène u bhuluka, ni ene we a bhuluka oso a kwívwa.” (1 Tim. 4:13, 16) Eye wala ni njimbu i bhana mwenyu. Wa tokala ku i tudila o athu. Mu kiki, kima kyambote kubhanga nguzu phala kubandekesa o uhete wé wa kutanga ni kulonga. O kadivulu kaka a ka bhange phala ku kukwatekesa kubhanga kiki. Tala ngó o ima yala mu kadivulu kaka:

Mu jimbandu joso, mu moneka velusu ya Bibidya ya lungu ni pondo ya milongi mba kifika kya lungu ni pondo i wa-nda dilonga

Jihova mwéne o ‘Mulongexi wetu wa Dikota.’ (Iza. 30:20) Sumbala o kadivulu kaka ka-nda ku kwatekesa kubandekesa o uhete wé wa kutanga ni kulonga, kana ku di jimba kwila Jihova mwene o Fixi ya njimbu yetu. Mwene u sunga o athu kokwé. (Nzwá 6:44) Kyenyiki, bhinga o nzumbi ikôla mu musambu, longa ni kikwatekesu kya Mak’â Nzambi mu ithangana yoso. Bhana o kijingu kwa Jihova, kana ku di bhana na-kyu eye. Bhanga yoso phala kukwatekesa o jingivwidi ku mu zola ni muxima woso.

Eye a kusolo phala kulonga o njimbu ya beta o kota ya bhana ku athu. Twa dyelela kwila, se u suluka ni kudyelela mu “nguzu ya mu bhana Nzambi,” wa-nda ditunda kyambote.—1 Phe. 4:11.

Alongexi ni akwenu,

Kibuka kya Utuminu kya Jimbangi ja Jihova