Kyebhi ki tu Tena Kumateka Kubhana Umbangi ni Tumikanda

Tundé ku mbeji ya Katatu ka muvu wa 2018, o minangu yetu ya yônge Ukexilu wa Ukidistá ni Ukunji Wetu, wene mu kwiza ni jindunge phala kubhana umbangi. Ene mu tu swinisa kuzwela dingi ni athu, mu veji dya kwa bhana ngó o madivulu. Phala kukwatekesa o aboki mu kubhana umbangi, o jividyu ja jindunge phala kubhana umbangi, jene mu londekesa kyebhi kya mateka kubhana ngó umbangi ni Bibidya. Maji o kwila kiki kilombolola kwila ki tu tena dingi kubhana umbangi ni madivulu kyoso ki tu boka nzo ni inzo? Kana, ki kyene! Mu kifika, o tumikanda, ndunge yambote phala kumateka kubhana umbangi. Tu tena kukayela o ndunge yala kulwiji, kyoso ki tu bhana umbangi ni tumikanda:

1. Bhinga ku muthu phala kusola kitambwijilu mu ibhwidisu itatu yala mu kamukanda ku mbandu ya dyanga.

2. Mu londekese o kitambwijilu kya Bibidya kyala moxi dya kamukanda mu mbandu ya kayadi. Se o kithangana ki bhana, tanga-n’ê ni ku mu bhanga ibhwidisu ya lungu ni milongi yala mu kamukanda.

3. Bhana o kamukanda ku mukwa dibhata, mu swinise phala kutanga o milongi ya subhuka mu kithangana kya fwama phala mwene.

4. Ande dya ku mu xisa, mu londekese o mbandu “Xinganeka” ni kibhwidisu, mu kusuluka dibakane-n’ê phala ku mu londekesa o kitambwijilu kya Bibidya mu kizuwa kyengi.

Kyoso ki wa-nda vutuka, zwela-n’ê ya lungu ni kibhwidisu ki wa xisa, anga u sola dingi kibhwidisu phala o kizuwa kyengi. Eye u tena kusola o kibhwidisu mu sayite yetu mba mu divulu dya tumbula kudima dya kamukanda. Mu kithangana kya tokala, zwela ya lungu ni divulu, Njimbu Yambote ya Nzambi! Mba divulu dyengi dyala mu Jifalamenda Jetu ja Kulonga