Сәрһати 13

Бьраһиме Һәвале Хԝәде

ПАШИ Селаве мәрийа дәстпекьрьн шәһәра ава кьн у теда бьжин. Йәк жь ван шәһәра Ур бу. Ур шәһәрәки гәлә пешдачуйи бу, ԝе дәре малед бәдәԝ һәбун. Ле щьмәʹта ԝи шәһәри нә мина Нӧһ у Сәм бун, йе кӧ Хԝәдерʹа ԛӧльх дькьрьн. Әԝана мина Бабилонийа сәре хԝә ль бәр хԝәдайед ԛәлп датанин.

Нӧһе һʹәлал у амьн паши Селаве 350 сал әʹмьр кьр. Әԝ мьр дӧ сала паши ԝе йәке, ча мер йе тӧ дь шькьлида дьвини, һатә буйине. Наве ԝи Бьраһим ә. Әԝ гәлә дәлал бу сәва Хԝәде. Әԝ тʹәви нәфәред мала хԝә дь шәһәре Урда дьжит.

Рʹожәке Йаһоԝа готә Бьраһим: «Жь шәһәра Ур дәркʹәвә у бьра-пьзмаме хԝә бьһелә, дәрбази щики дьн бә, йе кӧ әзе тәрʹа бежьм». Гәло Бьраһим гӧрʹа Хԝәде ԝе бькә, әԝ шәһәре хԝәйи хԝәш ԝе бьһелә? Бәле, әԝи ӧса жи кьр. Әԝ һәр гав жи гӧрʹа Хԝәде дькьр, ләма жи ԝи нас дькьн ча һәвале Хԝәде.

Һьнә жь нәфәред мала Бьраһим, шәһәре Ур һиштьн у пәй ԝи чун. Нав ԝанда баве Бьраһим Тераһ бу, ӧса жи жьна Бьраһим Сара у кӧрʹе бьре Бьраһим Лут. Ԝәʹдә шунда әԝана һʹәмушк дь шәһәре Һаранда щиԝар бун, кʹидәре Тераһ мьр. Ԝи чахи әԝана жь шәһәре Ур ида гәлә дур бун.

Паши ве йәке, Бьраһим у малбате ԝи, шәһәре Һаран һиштьн у дәрбази ԝәлате дьне бун, наве кʹижани Кәнан бу. Йаһоԝа готә Бьраһим: «Әви әʹрди әзе бьдьмә зӧрʹәтед тә». Бьраһим дь Кәнанеда ма у дь чадьрада дьжит.

Хԝәде али Бьраһим дькьр у бәрәкʹәт дьда ԝи. Кәрийед пез у һʹәйԝанед ԝи жь бәр һәв зедә дьбун у ԝәкә сәд хӧламед ԝи һәбун. Ле тьштәки ԝан кем бу, зарʹа ԝан тʹӧнә бун.

Чахе Бьраһим 99 сали бу, Йаһоԝа готә ԝи: «Әз соз дьдьмә тә, тӧйе бьби баве гәләк мьләта». Ле әв йәк ԝе ча бьԛәԝьмийа, нә Бьраһим у Сара, сәва кӧ зарʹа биньн ида гәлә кал-пир бун?

Дәстпебун 11:27-32; 12:1-7; 17:1-8, 15-17; 18:9-19.