Һʹәзиран

Бь рʹасти әԝи сози ԝе шанди гәләк бьшьданда! Рʹаст ә ԝана бь тʹәмами фәʹм нәдькьр, ԝәки зутьрәке гәрәке Иса бьмьрә, ле әԝана ԝе бе аликʹари нәмана. Йаһоԝа тʹьме һазьр бу кӧ щаба дӧайед ԝан бьдә, гава ԝанрʹа аликʹари лазьм буйа сәва ве тʹәмийе биньн сери кӧ мьзгинийе бәла кьн. У бь рʹасти ԝәʹдә шунда ԝана тʹәхмин кьр, кӧ ча Йаһоԝа щаба дӧайед ԝан да (Кʹар. Шанд. 4:29, 31). Иро жи ӧса нә. Чахе әм бь сәбьр бәр дьдьн, әм достийа Исада дьминьн. Хенщи ве йәке, әм дькарьн дӧдьли нәбьн, ԝәки гава әм хьзмәтийеда рʹасти чәтьнайа бен у жь Йаһоԝа аликʹарийе бьхԝазьн, әԝ ԝе әʹсә щаба дӧайед мә бьдә (Фили. 4:13). Әм чьԛас рʹази нә кӧ Хԝәде щаба дӧайед мә дьдә у кӧ әм достед Иса нә! Әв пʹешкʹешед жь Йаһоԝа мә ԛәԝи дькьн сәва әм бь сәбьр бәр бьдьн (Аԛуб 1:17). ԝ18.05 21 ¶17-18

Һе пенщ сал дәрбаз нәбу, Мәсиһийед Щьһу кӧ Оршәлимеда дьжитьн, фәʹм кьрьн кӧ «рʹожа Хӧдан» незик ә. Ԝана нишана Иса тедәрхьст кӧ әԝана гәрәке жь шәһәр бьрʹәвьн сәва әʹмьре хԝә хьлаз кьн (Кʹар. Шанд. 2:19, 20; Луԛа 21:20-22). Әв рʹожа Хӧдан һат сала 70 Д.М., гава Рʹомайа Оршәлим кʹӧта кьрьн. Иро жи әм дәрәща ӧсада ньн. Рʹожа Йаһоԝа кӧ «мәзьн у зәʹф тьрсәһез ә», бәр шемике йә (Йоԝл. 2:11). Сефанйа пʹехәмбәр гот: «Рʹожа мәзьн йа Хӧдан нез ә [незик ә], нез ә у зәʹф бьләзи те» (Сефн. 1:14). Әԝ пʹехәмбәрти ӧса жи дәрһәԛа рʹожед мә йә. Ләма жи чаԝа Паԝлос гот, әм гәрәке «бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв» (Ибрн. 10:24). Бәле, илаһи иро әм гәрә һе зедә бона хушк-бьра хәм бькьн, у гава әԝана һʹәԝщә бьн, әм бькарьбьн дьл бьдьнә ԝан. ԝ18.04 20 ¶1-2

Әԝ гьли чьԛас Йешу дьлгәрм кьр! Йаһоԝа әԝ гьли жерʹа гот пешийа кӧ әԝи щьмәʹте бьвьра Әʹрде Создайи. Әԝи бь пʹехәмбәртийе дьл да Щьһуйа, йед кӧ дилтийа Бабилонеда бун. Йаһоԝа готә ԝан: «Тӧ нәтьрсә, жь бәр кӧ әз бь тәрʹа мә; ль дора хԝә нәньһʹерә, жь бәр кӧ Хԝәдайе тә әз ьм; әзе тә зәхм [хԝәй] бькьм; бәле, әзе али тә бькьм; бәле әзе бь дәсте рʹасте дадийа хԝә жь тәрʹа бьбьм аликʹар!» (Иша. 41:10) Ԝәʹдә дәрбаз бу, Йаһоԝа ӧса жи бәрдьли дьда Мәсиһийед ԛьрʹна йәкеда, у иро жи әԝ бәр дьле мәда те (2 Корн. 1:3, 4). Йаһоԝа ӧса жи бәрдьли да кӧрʹе хԝә Иса. Иса ԝәʹде ньхӧмандьна хԝә, жь әзмана дәнг бьһист: «Әв ә Кӧрʹе мьни дәлал, кӧ әз жь ԝи рʹази мә» (Мәт. 3:17). Әԝан гьлийа гәләк Иса шьдандьн ԝәʹде хьзмәтийа ԝийи сәр әʹрде! ԝ18.04 16 ¶3-5

Һьнә мәрьв чахе әве тʹәмийа Йаһоԝа дьхуньн, дьбежьн ԝәки бь ве йәке азайи жь Адәм һатә стандьне у әԝи ида нькарьбу чь дьхԝәст бькьра. Ле әԝ мәрьв фәʹм накьн кӧ чь фьрԛи һәйә ортʹа азайа бьжартьне у изьна кӧ сафи кьн чь ԛәнщ ә у чь хьраб ә. Азайа Адәм у Һеԝайе һәбу, ԝәки бьжберьн гӧрʹа Хԝәде бькьн йан на. Ле йәкә тʹәне изьна Йаһоԝа һәйә сафи кә чь рʹаст ә у чь хьраб ә. «Дара ԛәнщи у хьраби наскьрьне» кӧ бахче Әдәнеда бу, бь симболик әԝ йәк дьһатә һʹәсабе (Дәстп. 2:9). Йаһоԝа бь сайа тʹәмийа хԝә, бь һʹьзкьрьне Адәм у Һеԝа һин кьр, кӧ әԝана ча дькарьн азайа рʹаст бьдьнә хәбате. Ле Адәм у Һеԝайе бьжартьн ԝәки гӧрʹа Хԝәде нәкьн. Гәло бь ве йәке Адәм у Һеԝайе һе зедә азайи стандьн? На. Бьжартьна ԝан әԝ йәк ԝанрʹа нәани. Ԝана дьхԝәст хԝә сәри хԝә бьн, ле бь рʹастийе азайа хԝәйә рʹаст ӧнда кьрьн. ԝ18.04 5-6 ¶9-12

Дьле Йаһоԝа дьшәԝьтә чахе хьзмәткʹаред ԝи кӧл-дәрда дькʹьшиньн, у әԝ пе кьре хԝә әве йәке дьдә кʹьфше, демәк али ԝан дькә. Мәсәлә, чахе Исраели Мьсьреда хӧлам бун у дьчәрчьрин, Йаһоԝа еша дьле ԝан дьдит у хԝәст ԝана жь ве еше аза кә. Йаһоԝа готә Муса: «Бәле мьн щәфе щьмәʹта хԝә . . . дит у ԛарʹә-ԛарʹа ԝан . . . бьһист, . . . әз һаш жь тәнгасийа ԝан һәмә. Әз пәйа бум ԝана жь дәсте мьсьрийа аза кьм» (Дәрк. 3:7, 8). Йаһоԝа гӧне хԝә щьмәʹта хԝә ани, ләма әԝи ԝана жь хӧламтийе аза кьр. Ԛьрʹнә дәрбаз бун, Исраели Әʹрде Создайида кʹәтьнә дәсте дьжмьнед хԝә. Ле Йаһоԝа чь кьр? Дьле Йаһоԝа шәԝьти сәр щьмәʹта ԝи, чьмки әԝана дьнәʹлийан дәсте дьжмьнада у дәсте ԝан мәрьвада йед кӧ нәһәԛи ԝан дькьрьн. Диса жи Йаһоԝа жь дьлшәԝатийа хԝә али щьмәʹта хԝә кьр. Әԝи һʹакьм шандьн, сәва Исраелийа жь дәсте дьжмьнед ԝан хьлаз кә (Һʹакьм. 2:16, 18). ԝ19.03 15 ¶4-5

Дӧ ԛанунед пешьн жь Дәһә Тʹәмийа, жь Исраелийа дәԝа дькьр, ԝәки тʹәне Йаһоԝа бьһʹәбиньн у ԝанрʹа пешда гот, ԝәки сәре хԝә бәр тʹӧ пʹутʹа данәйньн (Дәркʹ. 20:3-6). Ле әԝ тʹәми нә кӧ бона кʹара Йаһоԝа бун, ле бона кʹара ԝан бу. Ле гава чʹәʹв дьданә мьләтед хәриб у хӧданед ԛәлп дьһʹәбандьн, кӧл-дәрд дькʹьшандьн. Ле чахе щьмәʹта Йаһоԝа амьн бу у һьндава һәвда һәԛ у рʹәʹм бун, әԝи әԝана кʹәрәм дькьрьн (1 Пʹадш. 10:4-9). Йаһоԝа нәһәԛ нинә, һәрге кәсәк хԝә һʹәсаб дькә хьзмәткʹаре ԝи, ле принсипед ԝи пьшт гӧһе хԝәва давежә у зийане дьдә щьмәʹта ԝи. Ле Йаһоԝа мә һʹьз дькә у дьвинә чахе һьмбәри мә нәһәԛийе дькьн. Әԝ еша мә һе зедә тʹәхмин дькә, нә кӧ де еша зарʹа хԝә. Рʹаст ә дьбәкә Йаһоԝа дәрберʹа тьштәки нәкә, ле ԝе ԝәʹдәда әʹсә диԝана ԝан хьраба бькә, йед кӧ хьрабийа хԝә һьндава мәрьва тʹобә накьн. ԝ19.02 22 ¶13-15

Һʹәфтийед пешийа Биранине, щьватед мәда әм һе зедә дина хԝә дьдьн мәсәла у мьлуктийа Иса, кӧ әԝи да кʹьфше чахе әʹмьре хԝә да ча ԛӧрбан. Әԝ мьлуктийа ԝи дьле мә дьгьрә у әм дьхԝазьн чʹәʹв бьдьнә ԝи, кӧ ԛьрара Йаһоԝа биньн сери, һәла һе жи чахе мәрʹа чәтьн ә. Әм дьфькьрьн кӧ әԝи ча мерхаси да кʹьфше рʹожед пешийа мьрьна хԝә. Әԝ һаш жь ве йәке һәбу кӧ дьжмьн ԝе зутьрәке ԝи беһӧрмәт кьн, бькʹӧтьн у бькӧжьн (Мәт. 20:17-19). Йәкә әԝ мьрьне нәтьрсийа. Чахе рʹожа мьрьна ԝи һат, әԝи готә шандийед хԝәйи амьн, йед кӧ бахче Гетшәманида тʹәви ԝи бун: «Рʹабьн әм һәрʹьн. Ва йә әԝе кӧ нәмамийа мьн дькә незик бу» (Мәт. 26:36, 46). Һьн жи чахе кʹомәкә мәрьвед бь чʹәка һатьн ԝи бьгьрьн, әԝи хԝә вәнәшарт ле пешда чу, у готә әскәра, ԝәки шандийед ԝи бәрʹдьн (Йуһʹн. 18:3-8). Бәле, Иса мерхасикә мәзьн да кʹьфше! Иро, Мәсиһийед бьжарти у Мәсиһийед жь пәзед дьн, чʹәʹв дьдьнә мерхасийа Иса. ԝ19.01 27-28 ¶7-8

Нәхшкʹар щурʹә-щурʹә рʹәнга дьдә хәбате, сәва тьштәки бәдәԝ бьнәԛьшинә, ӧса жи шкәстибун жь гәләк һʹӧнӧред бәдәԝ ә. Нава ԝан һʹӧнӧрада һәнә мьлукти, гӧһдари, нәрми, у мерхаси. Тʹәне мәрьвед мьлук ԝе гӧрʹа ԛьрара Хԝәде бькьн. Ԛьрара Хԝәде ӧса жи әԝ ә, ԝәки әм нәрм бьн (Мәтʹлк. 29:11; 2 Тимтʹ. 2:24). Чахе әм ԛьрара Хԝәде тиньн сери, әм һерса Шәйтʹан тиньн. Ләма жи чахе әм мьлук у нәрм ьн, әм бәр чʹәʹве мәрьвед ве дьнйа Шәйтʹанда, рʹәш дьбьн (Йуһʹн. 15:18, 19). Бона ве йәке мәрʹа лазьм ә мерхаси, сәва мьԛабьли Шәйтʹан дәрен. Ле мәрьвед кӧ шкәсти ниньн, әԝана ԛӧрә нә, һерса хԝә нагьрьн, у гӧрʹа Йаһоԝа накьн. Әԝ йәк хәйсәте Шәйтʹан рʹьнд әʹйан дькә. Бешьк, мәрьвед шкәсти бәр чʹәʹве Шәйтʹан рʹәш ьн, чьмки һʹӧнӧред ӧса бал ԝи тʹӧнәнә, у әԝана мина ԝи ниньн. Хенщи ве йәке, әԝана избат дькьн кӧ әԝ дәрәԝин ә. Ле чь щурʹәйи? Шәйтʹан чь жи дьбежә йан жи дькә, йәкә әԝ мәрьвед шкәсти насәкьньн у бәрдәԝам дькьн Йаһоԝарʹа хьзмәт дькьн (Иб. 2:3-5). ԝ19.02 8-9 ¶3-5

Йаһоԝа заньбу кӧ ԝе тьрс бькʹәвә нава бьнәлийед Бабилоне. Бабилон гәрәке бьһата зәфткьрьне алийе ордикә ԛәԝида, әԝ һәбу ордийа Мәдийа-Фарьсе. Йаһоԝа ԝе әԝ орди бьда хәбате, сәва щьмәʹта хԝә жь дилтийа Бабилоне аза кьра (Иша. 41:2-4). Щьмәʹта Бабилони у мьләтед майин, чахе педьһʹәсийан ԝәки дьжмьн незик ә у дьхԝәстьн мерхасийе хԝәй кьн, һәвдӧрʹа дьготьн: «Ԛәԝи бә». Ԝана ӧса жи һе зедә хӧданед пʹутʹ чедькьрьн, чьмки ԝана тʹьре кӧ әԝ пʹутʹ ԝе али ԝан бькьн (Иша. 41:5-7). Ле Йаһоԝа дьле ԝан Щьһуйед дил рʹьһʹәт дькьр, бь ԝан гьлийа: «Тӧ, Исраел, хьзмәткʹаре мьн и [нә мина мәрьвед дьн и]. . . . Бәрхԝә нәкʹәвә, чьмки әз ьм Хԝәдайе тә» (Иша. 41:8-10, ДТʹ). Дина хԝә бьдьне Йаһоԝа гот: «Әз ьм Хԝәдайе тә». Бь ԝан гьлийа Йаһоԝа дьл да хьзмәткʹаред хԝә, ԝәки дьлтәнг нәбьн, чьмки әԝи ԝана бир нәкьрьбу, у әԝана диса жи щьмәʹта ԝи бун. Әԝи готә ԝан: «Әзе [тә] һьлгьрьм у хьлаз бькьм». Әԝ гьлийед шәԝат, бешьк ԝе ԝан Щьһуйа ԛәԝи кьрана (Иша. 46:3, 4). ԝ19.01 4 ¶8

Щара пешьн чахе Йаһоԝа жь әʹзмана хәбәр да, кʹьтеба Марԛос 1:9-11-да ньвисар ә. Йаһоԝа гот: «Тӧ йи Кӧрʹе мьни дәлал, әз жь тә рʹази мә». Бьдьнә һʹәсабе хԝә, дьле Иса ча ша бу чахе дәнге Баве хԝә бьһист, кӧ һʹьзкьрьн у итʹбари һьндава ԝида да кʹьфше. Гьлийед Йаһоԝа се тьштед фәрз дәрһәԛа Иса әйан дькьн. Йа пешьн, Иса Кӧрʹе ԝи йә. Йа дӧда, Йаһоԝа Кӧрʹе хԝә һʹьз дькә. У йа сьсийа, Әԝ Кӧрʹе хԝә ԛәбул дькә. Бь ԝан гьлийа, «Тӧ йи Кӧрʹе мьн», Йаһоԝа да кʹьфше, ԝәки Кӧре ԝийи дәлал Иса, кʹәтә һәләԛәтийа тʹәзә тʹәви Ԝи. Чахе Иса сәр әзмана бу, әԝ Кӧрʹе Хԝәдейи рʹӧһʹани бу. Ле паши ньхӧмандьне, әԝ пе рʹӧһʹе пироз һатә кʹьфшкьрьне. Һьнге Хԝәде да кʹьфше, ԝәки Иса чаԝа Кӧрʹе ԝийи бьжарти, ԝе вәгәрʹә ль әʹзмана, сәва бьбә Пʹадша у Сәрәккʹаһин, кʹижан кӧ Хԝәде кʹьфшкьрьбу (Луԛа 1:31-33; Ибрн. 1:8, 9; 2:17). Бәле, фәʹмдари йә кӧ чьрʹа Баве ԝи паши ньхӧмандьна ԝи жерʹа гот: «Тӧ йи Кӧрʹе мьн» (Луԛа 3:22). ԝ19.03 8 ¶3-4

Ширәта хьраб жь ԝәʹде бәре те, жь Шәйтʹан, йе кӧ кәсе пешьн бу кӧ ширәтәкә хьраб да. Әԝи хԝәха бь сәри хԝә, хԝә кьрә ширәткʹар у готә Һеԝайе ԝәки йанчь ԝе әԝ у мере ԝе һе бәхтәԝар бьн, һәрге хԝә сәри хԝә бьн у ча бьхԝазьн ӧса бьжин (Дәстп. 3:1-6). Шәйтʹан жь ԛәлптийа хԝә әԝ ширәт да ԝан. Әԝи дьхԝәст Адәм, Һеԝа у зӧрʹәта ԝанә ахьрийе, гӧрʹа ԝида бьн у ԝи бьһʹәбиньн, нә кӧ Йаһоԝа. Ле Һәр тьштед баш кӧ бал ԝана һәбу Йаһоԝа дабу ԝан, мәсәлә бахче бәдәԝ у сьһʹәт-ԛәԝата бекемаси кӧ ԝе һʹәта-һʹәтайе һәбуйа. Ле йазьх Адәм у Һеԝайе гӧрʹа Хԝәде нәкьрьн, у хԝә жь ԝи ԛәтандьн. У ча әм гьшк заньн, ахьрийа ве йәке гәләк хьраб бу. Мина кӧлиркед ԛәтийайи, әԝана жи һеди-һеди чʹьлмьсин у мьрьн. Зарʹед ԝан жи жь бо гӧнә ахьрийа ӧса стандьн (Рʹом. 5:12). Ле бьдьнә һʹәсабе хԝә, һʹәта иро жи гәләк мәрьв нахԝазьн гӧрʹа Хԝәдеда бьн. Әԝана дьхԝазьн ӧса бьжин ча дьле ԝан дьхԝазә (Әфәс. 2:1-3). Ахьрийа ве йәке әшкәрә дьдә кʹьфше рʹастийа гьлийед рʹеза ве рʹоже. ԝ18.12 20 ¶3-4

Паԝлосе шанди мәрьвәки аԛьл у хԝәнди бу, кʹижан кӧ лап кем сәр 2 зьмана хәбәр дьда (Кʹар. Шанд. 5:34; 21:37, 39; 22:2, 3). Ле чахе әԝи гәрәке бьжбарта чь рʹаст ә у чь на, әԝи нә кӧ фькьред ве дьнйайе һьлдьда һʹәсаб, ле фькьред ԝи сәр һʹиме Хәбәра Хԝәде бун (Кʹар. Шанд. 17:2; 1 Корн. 2:6, 7). Бь сайа ве йәке, Паԝлос хьзмәтийеда гәләк пешдачуйи бу у хәлата жийина һʹәта-һʹәтайе станд (2 Тимтʹ. 4:8). Әшкәрә йә, фькьред Йаһоԝа жь йа ве дьнйайе бьльндтьр ьн. Һәрге әм анәгори фькьрандьна ԝи бьжин, әме бәхтәԝар у пешдачуйи бьн. Ле Йаһоԝа тʹӧ щар зоре мә накә, ԝәки мина ԝи бьфькьрьн. Нә «хӧламе амьн у сәрԝахт» у нә жи рʹуспи, фькьред мә контрол накьн (Мәт. 24:45; 2 Корн. 1:24). Һәр кәс жь мә щабдар ә, ԝәки фькьрандьна хԝә ль гора фькьрандьна Хԝәде бьгӧһезә. ԝ18.11 20-21 ¶12-13

Хԝәде бь Ишайа пʹехәмбәрти кьр, ԝәки паши ве йәке кӧ щьмәʹта Ԝи вәгәрʹә ԝәлате хԝә, ԝе әʹдьлайеда бьжи. Тӧ кәс ԝе нәтьрсә кӧ ԝе бе зерандьне алийе һʹәйԝанада йан жи мәрьвед хьрабда. Һәр кәсе щаһьл у әʹмьрда мәзьн ԝе хԝәйкьри бә (Иша. 11:6-9; 35:5-10; 51:3). Ве пʹехәмбәртийа Ишайада ӧса жи һатә готьне, ԝәки нә кӧ тʹәне щьмәʹта Исраеле, ле тʹәмамийа әʹрд ԝе «чаԝа ав бәре дьгьрьн, . . . бь занина Хӧданва тʹьжи бьбә». Дина хԝә бьдьне, Ишайа пʹехәмбәрти кьр ԝәки чахе Исраели жь дилтийа Бабилоне вәгәрʹийана, тʹӧ зийане ԝе нәстандана, нә жь мәрьва нә жи жь һʹәйԝана. Әʹрде ԝан ԝе хԝарьне тʹер-тʹьжә бьда, чьмки ав ԝе зәʹф һәбуйа, чаԝа бахче Еденеда (Дәстп. 2:10-14; Йерәм. 31:12). Ле гәло әв пʹехәмбәрти тʹәне сәр Исраелийа гәрәке бьһата сери? Ԝан рʹезада те готьне, ԝәки мәрьв ԝе бь кʹәрәмәт ԛәнщ бьн, мәсәлә кор диса бьвинә. Ле әԝ кʹәрәмәт сәр Исраелийа нәһатьнә сери. Әԝ йәк дьдә кʹьфше, кӧ әԝ пʹехәмбәрти ԝе ахьрийеда бе сери у Хԝәде ԝе мәрьва жь һʹәму нәхԝәшийа ԛәнщ кә. ԝ18.12 5 ¶11-12

Әм гәрәке һʹәта-һʹәтайе рʹастийеда һәрʹьн. Ле чь ԝе али мә бькә һе зедә хԝә ль ве рʹе бьгьрьн у дур нәкʹәвьн? Бәрдәԝам кьн Хәбәра Хԝәдеда рʹастийед ԛимәт леколин бькьн у сәр бьфькьрьн. Бона ве йәке тʹьме ԝәʹдә хԝәрʹа башԛә кьн. Ԝи щурʹәйи һуне һе зәʹф рʹастийе ԛимәт кьн у дьле хԝәда сафи кьн, ԝәки тʹӧ щар рʹастийе нәфьрошьн. Хенщи кʹьрʹина рʹастийе, Мәтʹәлок 23:23-да те готьне, ԝәки әм гәрәке ӧса жи «сәрԝахтийе, ширәта у фәʹмкарийе, (ДТʹ)» бькʹьрʹьн. Бәле, тʹәне занәбун бәс нинә. Әм гәрәке рʹастийе әʹмьре хԝәда биньн сери. Фәʹмкʹари али мә дькә, ԝәки тедәрхьн һәр готьнед Йаһоԝа. Сәрԝахти али мә дькә, кӧ ль горʹа занәбуне бьжин. Щара рʹасти мә ширәт дькә, сәва кӧ чьда әм гәрәке хԝә бьгӧһезьн. Әм гәрәке тʹьме гӧһ бьдьнә ԝан ширәта, чьмки әԝ жь зив ԛимәттьр ьн (Мәтʹлк. 8:10). ԝ18.11 9 ¶3; 11 ¶13-14

Әʹмьре ԝәда тьште лапи ԛимәт чь йә? Һуне ԝи тьшти тʹәви тьштәки нә ӧса ԛимәт, бьгӧһезьн? Хьзмәткʹаред Йаһоԝа щаба ве пьрсе дькарьн һеса бьдьн. Тьште мәйи лапи ԛимәт, әԝ һәйә һәләԛәтийа мә тʹәви Йаһоԝа, кʹижан кӧ әм тʹәви тӧ тьшти нагӧһезьн. Әм ӧса жи гәләк ԛимәт дькьн рʹастийа жь Кʹьтеба Пироз, чьмки әм бь сайа ве незики Баве хԝәйи әʹзмана дьбьн (Колс. 1:9, 10). Бьфькьрьн кӧ Йаһоԝа Мамостайе Мәзьн чь мә һин дькә бь сайа Хәбәра хԝә, демәк Кʹьтеба Пироз! Әԝ мәрʹа наве хԝә әʹйан дькә, кʹижан кӧ гәләк фәрз ә, у ӧса жи дәрһәԛа һʹӧнӧред хԝәйи баш. Әԝ ӧса жи мәрʹа дьбежә кӧ чьԛас мә һʹьз дькә, чьмки Кӧрʹе хԝәйи тайе тʹәне Иса, бона мә бәрва да. Йаһоԝа ӧса жи мә һин дькә дәрһәԛа Пʹадшатийа Мәсиһити у әԝ соз дьдә мә кӧ жийина Щьнәтеда сәр әʹрде бьдә мә. Әԝ мә ширәт дькә кӧ әм ча гәрәке бьжин. Әм ԝан рʹастийа гәләк ԛимәт дькьн, чьмки әԝана мә һе незики Әʹфьрандаре мә дькьн у әʹмьре мә бәхтәԝар дькьн. ԝ18.11 3 ¶1-2

Мәрьвед ԛәлп нькарьн тьштәки жь Йаһоԝа вәшерьн, чьмки «һәр тьшт ль бәр чʹәʹве ԝи вәкьри у ашкәрә йә» (Ибрн. 4:13). Мәсәлә, Һананийа у Саферийа кӧ ԛьрʹна йәкеда дьжитьн, хԝәстьн шандийа бьхапиньн. Ԝана һьнә һәбука хԝә фьротьн, ле һьнә пʹәрә жь шандийа вәшартьн. Әԝ жьн-мер дьхԝәстьн щьватеда наве хԝә бьльнд кьн, йанчь әԝана гәләк мәрʹд ьн кӧ гәләк пʹәрә ԛӧрбан кьрьн. Ле Йаһоԝа дәрәԝийа ԝан дит, у анәгори ве йәке әԝана щәза кьрьн (Кʹар. Шанд. 5:1-10). Йаһоԝа ча дьньһерʹә сәр дәрәԝийе? Шәйтʹан у һʹәмуйед кӧ чʹәʹв дьдьнә ԝи у һʹәмде хԝә дәрәԝа дькьн у гӧне хԝә найньн рʹуйе хԝә, ԝе ахьрийеда бькʹәвьнә «гола агьр» (Әʹйан. 20:10; 21:8; Зәб. 5:6). Әм заньн ԝәки Йаһоԝа «нә инсан ә кӧ дәрәԝа бькә». Бь рʹасти, «набә кӧ әԝ дәрәԝ дәре» (Жьмар 23:19; Ибрн. 6:18). Бәр Йаһоԝа «һʹәрам ьн . . . зьмане дәрәԝин» (Мәтʹлк. 6:16, 17). Сәва әԝ мә ԛәбул кә, әм гәрәке бьжин ль гора принсипед ԝийә рʹастийе. ԝ18.10 8 ¶10-13

Бьдьнә бәр чʹәʹве хԝә, мәзьне хәбата ԝә дьбежә, ԝәки пʹәрә те тʹопкьрьне бона щәжьне, йа кӧ религийа ԛәлпва гьредайи йә. Һуне чь бькьн? Дәԝса кӧ һивийе бьн кʹәнге әԝ дәрәщә рʹасти ԝә бе, һе баш ә ньһа ида пешда бьфькьрьн һәла Йаһоԝа ча дьньһерʹә сәр ԝан тьшта. Һәрге һун ӧса бькьн, һьнге рʹасти чь дәрәща жи бен, ида һуне бьзаньбьн ча рʹаст бькьн у ча рʹаст бежьн. Һәрге әм пешда сәр ньһерʹандьна Йаһоԝа бьфькьрьн, әԝ йәк ԝе ӧса жи али мә бькә гава мәрʹа ләз аликʹарийа һʹәким лазьм бә. Фәʹмдари йә әм инкʹар дькьн кӧ хуне у чар фраксийед ԝе бәри хԝә дьн. Ле дәрһәԛа хуне һәнә дәрәщед ӧса жи, кӧ Мәсиһи гәрәке сәр һʹиме принсипед Кʹьтеба Пироз хԝәха сафикьрьне бькә (Кʹар. Шанд. 15:28, 29). Сәр ԝан пьрса әм гәрәке нә кӧ нәхԝәшханеда бьфькьрьн, чахе мәсәлә әм бетʹаԛәт ьн у зоре мә дькьн зузу сафикьрьне бькьн. Әм ньһада ида гәрәке ԝәʹдә хԝәрʹа бьвиньн кӧ леколина бькьн, документа хуне тʹьжә кьн, кʹидәре һур бь һур те готьне әм чь дьхԝазьн, у тʹәви һʹәкиме хԝә хәбәр дьн. ԝ18.11 24 ¶5; 26 ¶15-16

Йаһоԝа мина шьване һʹьзкьри хәм дькә бона щьмәʹта хԝә у мьԛати ԝан дьбә. Әԝ ԝана жь дьжмьна хԝәй дькә. Әԝ йәк рʹасти жи чьԛас мә ԛәԝи дькә, чьмки әм гәләк незики ахьрийа ве дьнйайе нә. Йаһоԝа ԝәʹде тәнгасийа мәзьн жи, кӧ ида бәр шемике йә, ԝе бона щьмәʹта хԝә хәм бькә (Әʹйан. 7:9, 10). Ԝи ԝәʹдәйи, фьрԛи тʹӧнә щаһьл йан әʹмьрда мәзьн, сьһʹәт-ԛәԝат йан жи сәԛәт, щьмәʹта Хԝәде ԝе нәкʹәвә панике у ԝе нәтьрсә. Һьнге әв гьлийед Иса Мәсиһ ԝе бькʹәвә бира ԝан: «Рʹабьн сәре хԝә бьльнд кьн, чьмки азабуна ԝә иди незик ә» (Луԛа 21:28). Ӧса жи әме баԝәрийа хԝә ӧнда нәкьн кӧ Хԝәде ԝе мә хьлаз кә, гава Гог, демәк коалисйа дәԝләта ԝе пәй мә кʹәвә (Һәзԛл. 38:2, 14-16). Ле чьрʹа щьмәʹта Хԝәде ԝе ӧса дьлрʹьһʹәт бә? Чьмки әԝана заньн кӧ Йаһоԝа найе гӧһастьне. Әԝе тʹьме бьбә Хьлазкʹаре ԛәнщ, кʹижан кӧ ԝе хәм бькә бона щьмәʹта хԝә (Иша. 26:20). ԝ18.09 26 ¶15-16

Бьдьнә бәр чʹәʹве хԝә, кӧ дьле Исраелийед амьн чьԛас рʹьһʹәт бу, гава ԝана әԝ гьлийед Йаһоԝа бьһистьн кӧ ве рʹеза рʹожеда ньвисар ә. Һун хьзмәткʹаред Йаһоԝа нә, ләма жи тʹӧ щар дӧдьли нәбьн, ԝәки әԝ ԝә гәләк һʹьз дькә. Хәбәра Хԝәде соз дьдә: «Йе ԛәԝат, ԝе тә хьлаз кә. Әԝе тәрʹа ша бә» (Сефн. 3:16, 17, ДТʹ). Щьмәʹта Йаһоԝа рʹасти чь чәтьнайа жи бе, әԝ соз дьдә ԝәки ԝе ԝана ԛәԝи кә у дьл бьдә ԝан. Әԝи бь ԝан гьлийа да кʹьфше, кӧ һьндава щьмәʹта хԝә әԝ ча нә: «Ԝе ԝә һʹәмеза хԝәда бьвьн у сәр чока тʹимар кьн. Чаԝа кӧ де бәрдьлийе дьдә кӧрʹе хԝә, ӧса жи әзе бәрдьлийе бьдьмә ԝә» (Иша. 66:12, 13, ДТʹ). Бьфькьрьн, әԝ мәсәләкә чьԛас ԛәԝи йә. Бьдьнә бәр чʹәʹве хԝә, де кӧ зарʹа хԝәйә вьрʹни дьдә бәр дьле хԝә у зарʹ хԝә ча хԝәйкьри тʹәхмин дькә. Йаһоԝа ԝи щурʹәйи һʹьзкьрьна хԝәйә назьк һьндава хьзмәткʹаред хԝә әʹйан дькә. Тʹӧ щар дӧдьли нәбьн, ԝәки хут һун бона Йаһоԝа ԛимәт ьн у дәлал ьн (Йерәм. 31:3). ԝ18.09 13 ¶6-7

Ԝәʹде бәре, Исраеледа щурʹә-щурʹә дәрәщада лазьм бу бь рʹәзәдьли шьхӧл бькьн (Дәркʹ. 36:2; Нәһәм. 11:2). Иро жи гәләк мәщалед ԝә һәнә кӧ ԝәʹдә, һәбук, у фәрәсәтед хԝә бь рʹәзәдьли бьдьнә хәбате, сәва аликʹарийе бьдьнә хушк-бьра. У һуне гәләк шабуне у кʹәрәма бьстиньн сәва хирәта хԝә. Әԝед кӧ бь рʹәзәдьли проектед тʹәшкиләта мәда дьхәбьтьн, һәвалед тʹәзә хԝәрʹа дьвиньн. Дина хԝә бьдьнә мәсәла хушкәке бь наве Марже, йа кӧ 18 сала авакьрьна Одед Щьватада дьхәбьтә. Нава ԝан салада, әԝе чәнд хушкед щаһьл кьрә бьн пʹәре хԝә у ԝана һин дькьр. Әԝе дит кӧ әԝ йәк мәщале дьдә, ԝәки алийе рʹӧһʹанида дьл бьдьнә һәв (Рʹом. 1:12). Чахе Марже рʹасти тәнгасийа һат, әԝ һәвалед ԝе, кӧ ԝәʹде авакьрьне һәврʹа бунә нас, али ԝе дькьрьн у ле дьшьдандьн. Ле һун ԛә бь рʹәзәдьли хәбьтинә сәр проектед авакьрьне? ԝ18.08 25 ¶9, 11

Чахе Паԝлос әԝ гьли ньвиси, һьнге Тимотʹейо дьбәкә ԝәкә 30 сали бу, ле йәкә Паԝлос щабдарийед мәзьн да ԝи. Әԝ йәк дәрсәкә фәрз мә һин дькә. Әм гәрәке сәр бьред щаһьл анәгори салед ԝан нәньһерʹьн. Ԝе баш бә әм бир нәкьн, ԝәки һәла һе Иса жи чахе ԝәкә 30 сали бу, хьзмәтийа хԝәйә сәр әʹрде ани сери. Ле дьбәкә нав мьләте ԝәда хәйсәт ә кӧ меред щаһьл ньмьз һʹәсаб кьн. Һәрге ӧса нә, рʹуспи дьԛәԝьмә хԝә паш хьн у бьред щаһьл кʹьфш нәкьн ча бәрдәстийед щьвате йан жи рʹуспи, йед кӧ мәсәлед баш ьн. Ле һʹәму рʹуспи гәрәке бир нәкьн, кӧ Кʹьтеба Пирозда найе готьне мер гәрәке чәнд сали бә, сәва бьбә бәрдәстийе щьвате йан жи рʹуспи (1 Тимтʹ. 3:1-10, 12, 13; Тито 1:5-9). ԝ18.08 11-12 ¶15-16

Сәва кӧ сафикьрьнед рʹаст бькьн, мәрʹа избаткьрьнед рʹаст лазьм ьн. Ләма жи әм гәрәке фәсал бьжберьн кӧ чь информасийа бьхуньн (Фили. 4:8, 9). Әм гәрәке ԝәʹде хԝә бадиһәԝа хәрщ нәкьн сәр нучейед Интернетеда йан жи әʹламәтийед пе емаиле, кʹижан кӧ әм сәд сәләфи ньзаньн рʹаст ьн йан на. Илаһи гәләк фәрз ә нәкʹәвьнә ԝан малпәра, кʹидәре кӧ рʹабәр фькьред хԝә бәла дькьн. Әԝана дьхԝазьн баԝәрийа щьмәʹта Хԝәде сьст кьн у рʹастийе дәрәԝ дәрхьн. Информасийа нәрʹаст дькарә мә бәрбь сафикьрьнед нәрʹаст бьвә. Тӧ щар нәфькьрьн кӧ информасийа ԛәлп ԝе сәр һʹьш у дьле ԝә һʹӧкӧм нәкә. Дина хԝә бьдьне кӧ чь ԛәԝьми ԝәʹде Мусада, чахе жь 12 щәсуса 10 щәсуса дәрһәԛа Әʹрде Создайи әʹламәтийа нәрʹаст дан (Жьмар 13:25-33). Әԝ әʹламәти бь тʹәмами рʹаст нибу у щьмәʹта Йаһоԝа да тьрсандьне (Жьмар 14:1-4, 6-10). Дәԝса кӧ избаткьрьна пебьһʹәсьн у итʹбарийа хԝә Йаһоԝа биньн, ԝана гӧһ да әʹламәтийа хьраб. ԝ18.08 4 ¶4-5

Бал гәләк мәрьва хәйсәт-һʹӧнӧред баш һәнә, у мәрьвед кӧ хьзмәткʹаред Йаһоԝа ниньн жи дькарьн тьштед хьраб нәкьн. Дьбәк һун мәрьвед ӧса нас дькьн, ле гәло әԝ те һʹәсабе ԝәки һәвалти тʹәви ԝан ԝе кʹаре мәрʹа бинә? Пьрсед ӧса бьдьнә хԝә: «Һәвалтийа тʹәви ԝан ча ԝе һʹӧкӧм кә сәр һәләԛәтийа мьн тʹәви Йаһоԝа? Гәло дьле ԝанда чь йә? Әԝана һе зәʹф дәрһәԛа чь хәбәр дьдьн? Дьбә кӧ әԝана тʹьме дәрһәԛа моде, пʹәра, тьштед әләктроник, ԝәʹдәдәрбазкьрьне у тьштед дьн хәбәр дьдьн? Йан дьбәкә хәбәрданеда ԛәрфа мәрьва дькьн, йан жи һәнәкед нәщайиз дькьн?». Иса рʹастә-рʹаст гот: «Чь кӧ дьлада һәйә зарʹ жи ԝе дьбежә» (Мәт. 12:34). Һәрге һун дьвиньн, ԝәки һәвалед ԝә нәбаш һʹӧкӧм дькьн сәр һәләԛәтийа ԝә тʹәви Йаһоԝа, дәрберʹа тьштәки бькьн, ԝәки һе кем тʹәви ԝан ԝәʹдә дәрбаз кьн, у һәрге лазьм бә жи һәвалтийа тʹәви ԝан бьԛәтиньн (Мәтʹлк. 13:20). ԝ18.07 19 ¶11

Чахе Муса 80 сали бу, Йаһоԝа щабдарийа мәзьн да ԝи кӧ щьмәʹта Исраел жь дилтийа Мьсьре дәрхьста (Дәркʹ. 3:10). Чәнд щара Муса инкʹар дькьр ве йәке, ле йәкә Йаһоԝа диса жи һьндава Муса бь сәбьр бу. Әԝи һәла һе жи ԛәԝат да Муса, ԝәки кʹәрәма бькә (Дәркʹ. 4:2-9, 21). Йаһоԝа дькарьбу Муса бьда тьрсандьне у зоре ԝи бькьра, кӧ гӧрʹа ԝи бькә. Ле Хԝәде ӧса нәкьр, әԝ һьндава ԝи бь сәбьр у нәрм бу. Һьн жи Хԝәде готә Муса кӧ әԝ тʹәви ԝи йә, у бь ве йәке дьл да хьзмәткʹаре хԝәйи мьлук у шкәсти. Ле гәло әԝе йәке тьштәкида кʹар ани? Бәле! Муса ахьрийеда бу рʹебәре гәләк баш, у һьндава щьмәʹтеда бь сәбьр у нәрм бу, чаԝа Хԝәде тʹәви ԝи бу. Һәрге һʹӧкӧме ԝә һәйә гәләк фәрз ә, ԝәки һун чʹәʹв бьдьнә Йаһоԝа кӧ бь фәʹмдарийе, нәрм у бь сәбьр бьн һьндава ԝанда, бона кʹе жи һун щабдар ьн (Колс. 3:19-21; 1 Пәт. 5:1-3). Һәрге һун чʹәʹв бьдьнә Йаһоԝа у Иса Мәсиһ, мәрьв ԝе бьхԝазьн тʹәви ԝә һәвалтийе бькьн у тʹәви ԝә незик бьн. Ӧса һуне бькарьбьн ԝана гәш кьн (Мәт. 11:28, 29). ԝ18.09 24-25 ¶7-10

Әм дькарьн хушк-бьра ԛәԝи кьн у гәш кьн, гава ԝанрʹа һʹәйф у нәрм бьн. Ԝи щурʹәйи йәктийа щьвате ԛәԝи дьбә. Һәрге һун ида ӧса дькьн, һун һежайи пʹайа нә. Ԝе керһати бә һун тʹәви щурʹә-щурʹә хушк-бьра һәвалтийе бькьн у һе рʹьнд ԝана нас кьн (2 Корн. 6:11-13). Һун ӧса жи дькарьн шәԝԛ бьдьн нава щинаред хԝәда. Гьли у кьред ԝәйә баш дькарьн ԝана бәрбь рʹастийе бькʹьшиньн. Пьрсе бьдьнә хԝә: «Щинаред мьн дәрһәԛа мьн чь дьфькьрьн? Мала мьн у дор бәре мала мьн тʹәмьз у тʹәрбәт ә? Әз аликʹарийе дьдьмә щинаред хԝә?» Жь хушк-бьред дьн бьпьрсьн кӧ ԛәнщийа ԝан у рʹабун-рʹуньштьна ԝан, ча һʹӧкӧм дькә сәр мәрьвед ԝани незик, щинар, һәвалхәбатчи йан жи һәвалдәрсханед ԝан. Бешьк, һуне жь ԝана ԛәԝьмандьнед баш бьбьһен (Әфәс. 5:9). ԝ18.06 24 ¶13-14

Бь рʹасти тьштед ӧса ԛәԝьмин. Мәсәлә мәрьвед кӧ Стәйфан кӧштьн у ӧса жи һьнәкед мина ԝан, дьфькьрин кӧ бона Хԝәде ве йәке дькьн (Кʹар. Шанд. 6:8, 12; 7:54-60). Рʹасти жи чьԛас әʹщеб ә, кӧ фанатикед религийа пе зӧлмийа ӧса ча меркӧжи, ԛануна ԝи Хԝәдейи дьтʹәрʹьбиньн, кʹижан кӧ дьһʹәбиньн (Дәркʹ. 20:13). Әшкәрә йә, исафа ԝан рʹебәре гәләк хьраб ә! Ле ча әм дькарьн тедәрхьн һәла исафа мә рʹаст дьхәбьтә йан на? Ԛанун у принсипед жь Хәбәра Хԝәде керһати нә «бона һинкьрьне, леһьлатьне, рʹасткьрьне у ширәткьрьна жийина рʹастийеда» (2 Тимтʹ. 3:16). Бәле, әм гәрәке Кʹьтеба Пироз леколин бькьн, сәр бьфькьрьн, у әʹмьре хԝәда бьдьнә хәбате. Ӧса әме һин бьн мина Йаһоԝа бьфькьрьн, у исафа мә жи ида ԝе мәрʹа бьбә рʹебәре баш. ԝ18.06 16-17 ¶3-4

Шуре кӧ әскәред Рʹомайи ԝәʹде Паԝлосда дьданә хәбате, дьрежайа ԝи ԝәкә 50 сантиметр бу. Хәбьтандьна шурда әԝ әскәр һостә бун, чьмки әԝана һәр рʹож һин дьбун. Паԝлос Хәбәра Хԝәде бәрамбәри шур дькә кӧ Йаһоԝа дайә мә. Ле әм гәрәке рʹьнд һин бьн сәва әԝ шур бь һостәти бьдьнә хәбате, чахе дәрһәԛа баԝәрийа хԝә шәʹдәтийе дьдьн, йан жи чахе лазьм ә тьштәкида фькьр у ньһерʹандьна хԝә бьгӧһезьн (2 Корн. 10:4, 5; 2 Тимтʹ. 2:15). Бәле, Шәйтʹан у щьн ԛәԝат ьн, ле йәкә әм дькарьн сәркʹәвьн. Һьн жи һьндьк майә кӧ әԝана ида тʹӧнә бьн. Зутьрәке, ԝәʹде Һʹәзарсалийа Сәрԝертийа Мәсиһ, әԝана ԝе бенә гьредане, у паши ве йәке ԝе бь тʹәмами ԛьрʹа ԝан бе (Әʹйан. 20:1-3, 7-10). Әм һаш жь дьжмьне хԝә, жь тʹәльк, у нетед ԝи һәнә. Пе аликʹарийа Йаһоԝа әм дькарьн ԛәԝи мьԛабьли ԝи бьсәкьньн у сәркʹәвьн! ԝ18.05 30 ¶15; 31 ¶19-21

Бешьк, Адәм заньбу ԝәки мәʹр нькарьн хәбәр дьн. Ләма жи дьбәкә әԝ дьфькьри, ԝәки әʹфьринәки рʹӧһʹани бь ви мәʹри тʹәви Һеԝайе хәбәр дайә (Дәстп. 3:1-6). Дькарьн бежьн, ԝәки Адәм у Һеԝайе дәрһәԛа ԝи кәсе рʹӧһʹани тьштәк ньзаньбун. Йәкә, Адәм бь һʹәмде хԝә бьжарт кӧ пьшта хԝә бьдә Баве хԝәйи әʹзмана у тʹәви ԝи кәсе нәнас бу йәк, чьмки мьԛабьли ԛьрара Хԝәде дәркʹәт (1 Тимтʹ. 2:14). Ле Йаһоԝа дәрберʹа дәстпекьр дәрһәԛа ԝи дьжмьне кӧ Адәм у Һеԝа хальфандьн, һе зедә тьшт әйан кә у соз да, ԝәки ԝе ахьрийеда ԝи кʹӧта кә. Ле Йаһоԝа ӧса жи пешда гот, ԝәки әԝ әʹфьрине рʹӧһʹани кӧ бь мәʹр хәбәр да, ԝе мьԛабьли ԝан дәре, йед кӧ Хԝәде һʹьз дькьн (Дәстп. 3:15). Йаһоԝа наве ԝи мьлйакʹәте кӧ мьԛабьли ԝи рʹабу, тʹӧ щар әʹйан нәкьрьбу. У тʹәне паши ԝәкә 2 500 сала Хԝәде сафи кьр, ԝәки сәрнаве ԝи дьжмьни әʹйан кә (Иб. 1:6). ԝ18.05 22 ¶1-2

Һәрге һун бәрхԝә дькʹәвьн, чьмки щийе кӧ һун хьзмәт дькьн мәрьв кем гӧһ дьдьн мьзгинийе, бь рʹасти һун тʹәне ниньн, Паԝлос жи щара бәрхԝә дькʹәт бона ве йәке. Әԝи ԝәкә 30 салед хьзмәтийа хԝәда гәләк мәрьв кьрә шагьртед Мәсиһ (Кʹар. Шанд. 14:21; 2 Корн. 3:2, 3). Әԝи ӧса жи дьхԝәст гәләк Щьһуйа жи бинә сәр рийа рʹастийе, ле әԝ йәк дәсте ԝи нә дьһат. Гәләк жь ԝана Паԝлос ԛәбул нәдькьрьн, у һьнәка һәла һе жи ԝи дьзерандьн у пәй ԝи дькʹәтьн (Кʹар. Шанд. 14:19; 17:1, 4, 5, 13). Ле әв кьред ԝан һьндава Паԝлос гәло ча сәр ԝи һʹӧкӧм дьбу? Әԝи гот: «Әз бь Мәсиһ бе хельф рʹаст дьбежьм . . . әз гәләки бәр хԝә дькʹәвьм у кӧла дьле мьн жи кʹур ә» (Рʹом. 9:1-3). Чьрʹа Паԝлос ӧса хԝә тʹәхмин дькьр? Чьмки дьле ԝи сәр шьхӧле бәлакьрьна мьзгинийе бу. Әԝи Щьһуйарʹа мьзгини гьли дькьр, чьмки бона ԝан хәм дькьр у дьле ԝи дьшәԝьти бона ԝан. Ләма жи чахе Паԝлос дьдит кӧ әԝана рʹәʹма Хԝәде ԛәбул накьн, дьле ԝи дьешийа. Әм жи мина Паԝлос мәрьварʹа мьзгинийе гьли дькьн, чьмки дьле мә сәр ԝан дьшәԝьтә у әм дьхԝазьн али ԝан бькьн (Мәт. 22:39; 1 Корн. 11:1). ԝ18.05 13 ¶4-5

Паԝлос да кʹьфше, ԝәки һәла һе жи әԝе кӧ щабдар ә һелана бьдә мәрьва, әԝ жи һʹәԝще дьлдайине йә. Әԝи Мәсиһийед Рʹомерʹа ньвиси: «Әз гәләки һʹәйра дитьна ԝәда мә, ԝәки пʹешкʹешәкә рʹӧһʹани бьгьһиньмә ԝә, кӧ һун баԝәрийеда бьшьдьн. Аԝа готи әз жи тʹәви ԝә, әм дьл бьдьн бәр һәв, бь ԝе баԝәрийа мьн у ԝәйә һәр дӧ алийава» (Рʹом. 1:11, 12). Бәле, Паԝлос кӧ мәсәла мәзьн һишт дьлдайинеда, щара хԝәха жи һʹәԝще ве йәке бу (Рʹом. 15:30-32). Әԝед кӧ сәва хьзмәтийа һәртʹьм ԛӧрбана дькьн, һежайи пʹайа нә. Хушк-бьред кӧ азәп дьминьн чьмки гӧрʹа ве тʹәмийе дькьн кӧ «тʹәне баԝәрмәнде Хӧдан» бьстиньн, әԝана жи һежайи дьлдайине нә (1 Корн. 7:39). Һьн жи хушк-бьред кӧ ԝәʹде пәйкʹәтьнада йан жи чахе нәхԝәш ьн, Хԝәдерʹа амьн дьминьн, һʹәԝще дьлдайине нә (2 Тʹеслн. 1:3-5). ԝ18.04 21 ¶3-5