Нисан

Иса бь дьл һазьр бу ԝәки әʹмьре хԝә бона мә ԛӧрбан кә, у бь ве йәке әԝи һʹьзкьрьнәкә мәзьн нишан кьр (Йуһʹәнна 15:13). Һәмьки әме тʹӧ щар нькарьбьн бьн ԛәнщийа Йаһоԝа у Иса дәрен, ле әм дькарьн һәр рʹож пе рʹабун-рʹуньштьна хԝә ԝанрʹа рʹазибуне бьдьнә кʹьфше (Колоси 3:15). Ԛӧрбан бона кәсед бь рʹӧһʹ кʹьфшкьри гәләк ԛимәт ә, чьмки бь сайа ԛӧрбане, әԝ бунә хԝәйе һевикә мәхсус (Мәтта 20:28). Әԝана баԝәрийа хԝә ԛӧрбана Иса тиньн, ләма жи Йаһоԝа ԝана ча кәсед рʹаст һʹәсаб дькә у ча зарʹед хԝә ԛәбул дькә (Рʹомайи 5:1; 8:15-17, 23). Пәзед дьн жи бона ԛӧрбане рʹази нә. Сәр һʹиме баԝәрийа ԝан һьндава Иса, Хԝәде ԝана ча кәсед бе ләкʹә ԛәбул дькә, у һевийе дьдә ԝан, кӧ әԝана ԝе ԝәʹде «тәнгасийа мәзьн» сах бьминьн (Әʹйанти 7:13-15). Һәр сал, әԝ һәрдӧ кʹом бона Биранине һазьр дьбьн у бь ве йәке нишан дькьн, ԝәки бона ԛӧрбане рʹази нә. w22.01 23 ¶14-15

Бона Иса Мәсиһ чәтьн әв бу кӧ әԝе бь чь сәбәбе бьһата кӧштьн. Әԝ ԝе ча кәсәки кӧ кʹьфьр кьр у наве Хԝәде беһӧрмәт кьр, һат сущдаркьрьн (Мәтта 26:64-66). Ләма, дьле Иса һаԛас дәрд у кʹәдәр бу кӧ жь Баве хԝә ӧса лава кьр: «Һәгәр дьбә, бьра әв кʹаса щәфе сәр мьнрʹа дәрбаз бә» (Мәтта 26:38, 39, 42). Лазьм бу кӧ Иса сәр стуне бьһата дардакьрьн, сәва кӧ Щьһуйа жь ньфьрʹе хьлаз бькә (Галати 3:10). Мьләте Исраел соз дабу кӧ әԝана ԝе гӧһ бьдьн Ԛануна Хԝәде, ле ԝана созе хԝә нәанибу сери у ләма жи ньфьрʹ ль ԝан һат кьрьн. Демәк, әԝана нә тʹәне сәва гӧне Адәм һежайи мьрьне бун, ле чьмки әв ньфьрʹ жи сәр ԝан бу (Рʹомайи 5:12). Ль гора Ԛануна Хԝәде, бәдәна мәрьвәки кӧ сәва гӧнәки гьран һатьбу нәһәԛкьрьне, гәрәке ль сәр стуне бьһата дардакьрьне (Ԛануна Дӧщари 21:22, 23; 27:26). Ләма жи, гава Иса Мәсиһ ль сәр стуна щәфайе һат мьхкьрьн, әԝи рʹе вәкьр ԝәки әв мьләте кӧ әԝ ԛәбул нәкьрьбу жь ԛӧрбанбуна ԝи кʹаре бьстинә. w21.04 16 ¶5-6

Рʹожа хьлазийейә пешийа мьрьна Иса Мәсиһ бинә бәр чʹәʹве хԝә. Әскәред Рʹомайи ԝи гьредан у данә бәр ԛамчийа (Мәтта 26:52-54; Йуһʹәнна 18:3; 19:1). Әскәра гоште бәдәна ԝи бь ԛамчийа рʹакьрьн. Паше, ԝана стуна гьран ль сәр пьшта ԝийә бьриндар бар кьр. Иса һеди-һеди бәрбь щийе дардакьрьна хԝә дьмәшийа, ле паше, Рʹомайа гази мерәки дьн кьр у әʹмьр дан, ԝәки әԝ ве стуна щәфайе дәԝса Иса һьлгьрʹә бьвә (Мәтта 27:32). Гава Иса гьһишт ви щийи, әскәра дәст у пʹийед ԝи ль сәр стуна щәфайе мьх кьрьн. Гава стун һьлбьрʹандьн, гьранийа бәдәна Иса бьринед ԝи дьһа зедә дешандьн. Достед Иса сәва һʹале ԝи гәләк хәмгин бун у дийа ԝи дьгьрийа, ле сәрԝеред Щьһуйа ԛәрфед хԝә бь ԝи дькьрьн (Луԛа 23:32-38; Йуһʹәнна 19:25). Чәрчьрандьна Иса чәнд сьһʹәта бәрдәԝам кьр. Дьле ԝи чьԛас дьчу тәнг дьбу, у жерʹа ида гәләк зор бу кӧ бина хԝә бькʹьшинә. Иса заньбу кӧ әԝ амьн ма у пешийа мьрьна хԝә дӧайе пашьн гот. Паше, әԝи сәре хԝә бәржер кьр у мьр (Марԛос 15:37; Луԛа 23:46; Йуһʹәнна 10:18; 19:30). Бәле, мьрьна Иса гәләк бь еш у щәфа бу! w21.04 16 ¶4

Иса нан у шәрав да 11 шандийа, у әԝи ԝанрʹа бәʹса дӧ пәймана кьр, пәймана ну у пәймана Пʹадшатийе (Луԛа 22:20, 28-30). Ван пәймана рʹе вәкьр, ԝәки шандийед амьн у кәсед дьн, сәр әʹзмана бьбьн пʹадша у кʹаһин (Әʹйанти 5:10; 14:1). Тʹәне мәрьвед бь рʹӧһʹ кʹьфшкьри, йед кӧ һе сәр әʹрде нә у ван дӧ пәйманада ньн, гәрәке сәр Биранине нан бьхԝьн у шәраве вәхԝьн. Һевийа ԝан әв ә кӧ сәр әʹзмана һʹәта-һʹәтайе бьжин, тʹәви Иса у бьжартийед дьн пʹадшатийе бькьн, у хенщи ве йәке, әԝана ԝе Йаһоԝа Хԝәде бьвиньн! (1 Корьнтʹи 15:51-53; 1 Йуһʹәнна 3:2) Мәсиһийед бьжарти фәʹм дькьн, ԝәки әԝана гәрәке һʹәта мьрьне амьн бьминьн (2 Тимотʹейо 4:7, 8). w22.01 21 ¶4-5

Дӧ меред дьн жи ль кʹеләка Иса Мәсиһ һатьн дардакьрьн (Луԛа 23:40, 41). Йәки жь ԝан Исарʹа ӧса гот: «Иса, мьн бир бини, гава бь Пʹадшатийа хԝәва бейи!» (Луԛа 23:42). Иса заньбу кӧ Хԝәде гәләк дьлрʹәʹм ә, ләма жи әԝи дьле ви ԛачахи бь готьнед хԝә рʹьһʹәт кьр (Зәбур 103:8; Ибрани 1:3). Йаһоԝа һазьр ә кӧ бьбахшинә мә. Жь бо ве йәке, һьлбәт лазьм ә кӧ әм сәва шашийед хԝә жь дьл пʹошман бьн у баԝәр бькьн кӧ әм дькарьн бь сайа ԛӧрбана Иса бенә бахшандьне (1 Йуһʹәнна 1:7). Һьнә кәс дьбәкә дьфькьрьн кӧ Йаһоԝа ԝе тʹӧ щар нәбахшинә ԝан. Һәгәр тӧ жи щар щара ӧса дьфькьри, ве йәке бинә бира хԝә: Мере кӧ кʹеләка Иса Мәсиһрʹа дардакьри бу, тʹәзә баԝәрийа хԝә Иса ани. Һәгәр дьле Иса сәр мәрьвәки ӧса дьшәԝьти, илаһи дьле Йаһоԝа чьԛас дьшәԝьтә сәр хьзмәткʹаред ԝийә амьн (Зәбур 51:1; 1 Йуһʹәнна 2:1, 2). w21.04 9 ¶5-6

Иса Мәсиһ избат кьр кӧ Шәйтʹан дәрәԝин ә у кӧ инсанәки беԛьсур дькарә һʹәта мьрьне беԛьсуртийа хԝә хԝәй бькә у амьн бьминә. Ӧса жи, әԝи әʹмьре хԝә ча кʹьрʹин да. Бь сайа ԛӧрбанбуна ԝи, инсанед гӧнәкʹар дькарьн жь алийе Хԝәдева ча кәсед рʹаст бенә һʹәсабе у бьгьһижьн жийина һʹәта-һʹәтайе. Хенщи ве йәке, Иса Мәсиһ избат кьр кӧ Йаһоԝа һʹӧкӧмдаре һәри баш ә, у әԝи наве Хԝәде рʹумәт кьр. Бәле, ԝәрә әм рʹож бь рʹож ӧса бьжин кӧ те бежи рʹасти әв рʹож мәщала мәйә пашьн ә ԝәки әм амьнийа хԝә избат кьн! Бь ви аԝайи, һәгәр әм ль бәр мьрьне бьн жи, әме бь рʹьһʹәти бькарьбьн бежьн: «Йаһоԝа, мьн чь жь дәсте мьн дьһат дькьр ԝәки амьн бьминьм, избат бькьм кӧ Шәйтʹан дәрәԝин ә, наве тә пироз бькьм у пьштгьрийа сәрԝертийа тә бькьм!» w21.04 12 ¶13-14

Иса жь алийе мәрьвед зӧлмва, бь дәрәԝа һатә нәһәԛ кьрьн. Паше, ԝана ԛәрфед хԝә бь ԝи кьр, ԝи берʹәʹмти данә чәрчьрандьне у ль сәр стуне дардакьрьн. Дәст у пʹийед ԝи мьх кьрьн. Һәр хәбәра кӧ әԝ дьбежә, еша ԝи дьһа зедә дькә. Диса жи, гәрәке әԝ һьнә тьштед фәрз бежә. Готьнед хьлазийе йед Иса дәрсед гәләк фәрз мә һин дькьн. Әм  фәʹм дькьн кӧ гәрәке әм бьбахшиньн кәсед дьн у баԝәр бьн кӧ Йаһоԝа ԝе бьбахшинә мә. Әм гәләк ша нә кӧ хушк у бьред мә һәнә, йед кӧ һазьр ьн али мә бькьн. Гава әм һʹәԝщә нә, һьлбәт лазьм ә кӧ әм рʹастә-рʹаст аликʹарийе бьхԝазьн. Мә дит кӧ һәгәр әм рʹасти тәнгасийа бен, Йаһоԝа ԝе али мә бькә. Ӧса жи, мә дит кӧ гәрәке әм рʹож бь рʹож ӧса бьжин, те бежи әв рʹож мәщала пашьн ә ԝәки әм амьнийа хԝә избат кьн, у әм дькарьн баԝәр бьн кӧ һәгәр әм бьмьрьн жи, Йаһоԝа ԝе мә жь мьрьне рʹакә. w21.04 8 ¶1; 13 ¶17

Һәгәр әм ль сәр пʹегәһа Исада һәрʹьн, әме жийина һʹәта-һʹәтайе бьстиньн. Щарәке, гава хортәки дәԝләмәнд пьрси кӧ әԝ гәрәке чь бькә ԝәки жийина һәрһәйи бьстинә, Иса Мәсиһ ӧса щаб да: «Пәй мьн ԝәрә» (Мәтта 19:16-21). Гава һьнә Щьһуйа баԝәр нәдькьр кӧ Иса бь рʹасти Мәсиһе создайи йә, әԝи ԝанрʹа гот: «Пәзед мьн . . . пәй мьн тен. Әз жийина һʹәта-һʹәтайе дьдьмә ԝан» (Йуһʹәнна 10:24-29). Гава әм ль гора мәсәлә у һинкьрьнед Иса Мәсиһ дьжин, әм нишан дькьн кӧ әм баԝәрийа хԝә ԝи тиньн. Һәгәр әм ӧса бькьн, әме ль сәр рʹийа жийина һʹәта-һʹәтайе бьминьн (Мәтта 7:14). Сәва кӧ әм бькарьбьн пʹегәһа Исада һәрʹьн, гәрәке әм ԝи рʹьнд нас бькьн. Пʹьрʹ фәрз ә кӧ әм ԝи дьһа баш нас бькьн у дәрһәԛа һʹӧнӧр, фькьр у принсипед ԝи һин бьн. Фьрԛи тʹӧнә кӧ әм чәнд сал сәр рʹийа рʹастийе нә, гәрәке әм бәрдәԝам кьн хирәт бькьн кӧ Йаһоԝа у Кӧрʹе ԝи рʹьнд нас бькьн. w21.04 4 ¶9-10

Һәбу ԝәʹдә гава Паԝлосе шанди сәва гӧнед хԝә йед бәре әʹщьз дьбу. Әԝи сәр хԝә гот кӧ йе һәри гӧнәкʹар әԝ ә (1 Тимотʹейо 1:15). Бь рʹасти жи, пешийа кӧ Паԝлос һат сәр рʹийа рʹастийе, әԝи гәләк бажарада шагьртед Иса Мәсиһ дьзерандьн. Әԝи һьнәка жь ԝан давитьн кәле у кӧштьна ԝан ԛәбул дькьр (Кʹаред Шандийа 26:10, 11). Бьдә бәр чʹәʹве хԝә кӧ Паԝлос рʹасти бьраки щаһьл һат, йе кӧ жь бо зерандьна Паԝлос де-баве хԝә ӧнда кьрьбу. Фәʹмдари йә Паԝлос ԝе гәләк хәмгин буйа. Бәле, Паԝлос жь шашийед хԝә йед бәре пʹошман бу, ле әԝи нькарьбу тьштед кӧ ида ԛәԝьмибун бьгӧһезә. Әԝ баԝәр бу кӧ Иса Мәсиһ әʹмьре хԝә бона ԝи дабу, у әԝи ньвиси: «Әз бь кʹәрәма Хԝәде мә чь жи һәмә» (1 Корьнтʹи 15:3, 10). Әм дькарьн жь ве йәке чь һин бьн? Ԛәбул бькә кӧ Иса Мәсиһ әʹмьре хԝә бона тә кьрә ԛӧрбан у рʹе вәкьрийә ԝәки тӧ бьби досте Йаһоԝа (Кʹаред Шандийа 3:19). Бона Хԝәде тьште фәрз нә әв ә кӧ мә бәре чь кьрийә, ле әв ә кӧ әм ньһа чь дькьн у ахьрийеда әме чь бькьн (Ишайа 1:18). w21.04 23 ¶11

Ль рʹожед Иса Мәсиһ, гәләк Щьһуйа фәʹм нәдькьрьн кӧ гәрәке Мәсиһ бьмьрә. Ле Ньвисаред Пироз жь бәрева дәрһәԛа Мәсиһ пʹехәмбәрти кьрьбу: «Жь бәр кӧ щане хԝә мьрьнерʹа рʹьжанд у бь гӧнәкʹарарʹа һатә һʹәсьбандьн; суще гәләка ԝи кʹьшанд у бона гӧнәкʹара лава кьр» (Ишайа 53:12). Ләма, гава Иса Мәсиһ ча гӧнәкʹар һатә кӧштьн, әв йәк гәрәке Щьһуйарʹа нәбуйа лькʹӧмандьн. Сәва кӧ әм нәлькʹӧмьн, гәрәке әм избатийа пебьһʹәсьн. Иса Мәсиһ гӧһдаред хԝәрʹа готьбу кӧ мәрьв ԝе «һәр щурʹә бӧхдан» бавежьнә ԝан (Мәтта 5:11). Канийа ван дәрәԝа, Шәйтʹан ә. Әԝ ль сәр дьжмьна һʹӧкӧм дькә, ԝәки әԝана бӧхдана бавежьн сәр хьзмәткʹаред Йаһоԝа (Әʹйанти 12:9, 10). Гәрәке әм дәрәԝед ӧса рʹәд бькьн у тʹӧ щара изне нәдьн кӧ әԝ мә бьтьрсиньн йан баԝәрийа мә сьст бькьн. w21.05 11 ¶14; 12 ¶16

Али хԝәндәкʹаре хԝә бькә кӧ әԝ итʹбарийа хԝә Йаһоԝа бинә. Иса Мәсиһ шагьртед хԝәрʹа гот кӧ Йаһоԝа ԝе али ԝан бькә, чьмки әԝ ԝана һʹьз дькә (Мәтта 10:19, 20, 29, 30). Бинә бира хԝәндәкʹаре хԝә кӧ Йаһоԝа ԝе али ԝи жи бькә. Сәва кӧ әԝ хԝә бьсперә Йаһоԝа, тʹәви ԝи дәрһәԛа нетед ԝи дӧа бькә. Бьраки бь наве Франческ, йе кӧ ль Полонйайе дьжи, ӧса дьбежә: «Дәрсдаре мьн гәләк щар дӧайед хԝәда бәʹса нетед мьн дькьр. Гава мьн дьдит кӧ Йаһоԝа ча щаба дӧайед дәрсдаре мьн дьдә, мьн жи дәстпекьр дӧа бькьм. Мьн хәбата тʹәзә дәстпекьрьбу, у һәр щара гава мьн жь мәзьне хәбате хԝә изьн дьхԝәст ԝәки һәрʹьм щьвина у щьватед мәзьн, мьн аликʹарийа Йаһоԝа дьдит». Йаһоԝа бона хԝәндәкʹаред мә хәм дькә. Гава әм али мәрьва дькьн кӧ әԝана дьһа незики ԝи бьн, әԝ хирәта мә ԛимәт дькә (Ишайа 52:7). Һәгәр хԝәндәкʹаре тә тʹӧнә бә жи, тӧ дькари тʹәви мьзгинванед дьн һәри сәр һинбунед ԝан у али хԝәндәкʹаред ԝан бьки, ԝәки әԝана бәрбь ньхӧмандьне пешда һәрʹьн. w21.06 7 ¶17-18

Әв йәк кӧ дәсте мәда Хәбәра Хԝәде һәйә, кʹәрәмәкә мәзьн ә! Ләма жи гәрәке әм леколина  Кʹьтеба Пироз паш нәхьн у һивийа ԝәʹдәки дьһа баш нибьн, ле һәр рʹож бьхуньн. Һәрге графика мәйә хԝәндьна Кʹьтеба Пироз һәйә у әм хԝә ль ве графике дьгьрьн, әме бькарьбьн баԝәрийа хԝә ԛәԝи хԝәй кьн. Баԝәрийа мә сәр һʹиме избатед жь Хәбәра Хԝәде йә. Ләма жи әм мина ‹зана у биланед› ве дьнйайе, ниньн (Мәтта 11:25, 26). Жь леколина Кʹьтеба Пироз, әм заньн кӧ чьрʹа һʹале дьнйайе чьԛас дьчә дьһа хьраб дьбә, у Йаһоԝа ви һʹале хьраб ԝе ча рʹаст бькә. Ләма, ԝәрә әм баԝәрийа хԝә һе ԛәԝи бькьн у али кәсед дьн бькьн ԝәки әԝана жи баԝәрийа хԝә Хԝәде биньн (1 Тимотʹейо 2:3, 4). Әм һивийа ԝе рʹоже нә, гава һәр кәс ԝе ван готьнед жь Әʹйанти 4:11 бежә: «Йа Хӧдан Хԝәдейе мә, тӧ һежа йи кӧ рʹумәт, һӧрмәте у ԛәԝате бьстини . . . чьмки тә һәр тьшт әʹфьрандьн». w21.08 19 ¶18-20

Рʹуспи ча шьванед щьвате һатьнә кʹьфшкьрьне. Ләма жи әԝана щабдар ьн, ԝәки ширәта бьдьнә хушк-бьра, гава һʹәԝщәти һәйә. Әԝана гәрәке ширәтед ӧса бьдьн, йед кӧ керһати нә, һелане дьдьн у дьле мәрьва «ша дькьн» (Мәтʹәлок 27:9). Рʹуспи хушк-бьра һʹьз дькьн. Ләма жи гава әԝана дьвиньн, ԝәки кәсәк кʹәтийә сәр рʹекә шаш, әԝана бь һʹьзкьрьне ширәте дьдьн ԝи (Галати 6:1). Ле пешийа кӧ рʹуспи тʹәви ԝи хушк йан бьрайи хәбәр дьн, ԝе баш бә ԝәки әԝана һʹӧнӧред кӧ жь һʹьзкьрьне тен, әʹйан кьн: «Һʹьзкьрьн думькдьреж у ширьн ә . . . һәр гав дадьхә, һәр гав баԝәр дькә, һәр гав хԝәйигӧман ә, һәр гав сәбьр дькә» (1 Корьнтʹи 13:4, 7). Ԝе баш бә кӧ рʹуспи сәр ван рʹеза кʹур бьфькьрьн, ԝәки тедәрхьн бь чь нете әԝана дьхԝазьн ширәте бьдьн у чь щурʹәйи. Чьрʹа әԝ йәк фәрз ә? Гава кәсе кӧ ширәте дьстинә дьвинә ԝәки рʹуспи бона ԝи хәм дькә у ԝи һʹьз дькә, ԝирʹа ԝе дьһа һеса бә ширәте ԛәбул кә. w22.02 14 ¶3; 15 ¶5

Гава мәләк у инсан һатьн әʹфьрандьн, әԝ кʹамьл у беԛьсур бун. Ле паше, мәләкәк һьмбәри Йаһоԝа дәркʹәт у бу Шәйтʹан (демәк «Мьԛабьл»). Ӧса жи, әԝи инсанед кʹамьл Адәм у Һеԝа дәʹф дан кӧ әԝана жи мьԛабьли Йаһоԝа рʹабьн. Ԝәʹдә шунда, мәләк у мәрьвед дьн жи мьԛабьли Йаһоԝа рʹабун (Щьһуда 6). Ве йәке дьле Йаһоԝа гәләк дешанд. Йаһоԝа һʹәта ньһа сәбьр кьрийә, у әԝе диса бь сәбьр һивийе бьсәкьнә, һʹәта кӧ ԝәхта кʹьфшкьри бе гава әԝ һʹәму дьжмьнед хԝә ԛьрʹ бькә у хьзмәткʹаред хԝә йед амьн жь ве дьнйа хьраб хьлаз кә! Гава Мире-щьна хьзмәткʹаре Йаһоԝа Ибо сущдар дькьр, әԝи бь рʹасти дьгот кӧ һʹәму хьзмәткʹаред Йаһоԝа тʹәне бона кʹара хԝә Хԝәдерʹа хьзмәт дькьн (Ибо 1:8-11; 2:3-5). Һʹәта иро жи, Мире-щьна дәрәԝа бәла дькә у бӧхдана давежә сәр хьзмәткʹаред ԝи (Әʹйанти 12:10). Гава әм һьмбәри тәнгасийа сәбьр дькьн у Йаһоԝарʹа амьн дьминьн, чьмки әм ԝи һʹьз дькьн, әм избат дькьн кӧ готьнед Мире-щьна дәрәԝ ьн. w21.07 9 ¶7-8

Паԝлосе шанди бь сайа мәсәләкә баш нишан кьр, кӧ гәрәке әм жийина хԝә чаԝа бьгӧһезьн. Әԝи гот, кӧ гәрәке әм «мәрьве кәвьн» ‹ль сәр стуне мьх бькьн› (Рʹомайи 6:6). Демәк, әм гәрәке чʹәʹв бьдьнә Иса. Гәрәке әм һʹәму фькьр у кьред кӧ Йаһоԝа нәфрʹәт дькә, ча бежи бькӧжьн, ԝәки исафа мә паԛьж бә у рʹийа жийина һәрһәйи ль бәр мә вәбә (Йуһʹәнна 17:3; 1 Пәтрус 3:21). Йаһоԝа ԝе тʹӧ щар сәва хатьре мә ԛанун у принсипед хԝә нәгӧһезә. Гәрәке әм хԝә бьгӧһезьн у ль гора ԛанунед ԝи бьжин (Ишайа 1:17, 18; 55:9). Паши ньхӧмандьне жи, ԝе лазьм бә кӧ тӧ мьԛабьли хԝәстьнед бәдәне шәрʹ бьки. Жь Йаһоԝа аликʹарийе бьхԝазә у хԝә нәсперә ԛәԝата хԝә, ле хԝә бьсперә рʹӧһʹе ԝи (Галати 5:22; Филипи 4:6). Гәрәке әм хирәт бькьн кӧ «мәрьве кәвьн» жь хԝә бехьн у дури ве йәке бьн. w22.03 6 ¶15-17

Йаһоԝа соз дьдә кӧ һәгәр әм бәри пешьн Пʹадшатийа ԝи бьгәрʹьн у ль гора принсипед ԝи бьжин, әԝе хԝарьн, кʹьнщ у щи-сьтʹар бьдә мә (Мәтта 6:33). Һәгәр әм ве йәке бира хԝәда хԝәй кьн, әме һевийа хԝә һәбуна ве дьнйайева гьре нәдьн у нәфькьрьн ԝәки әв дьнйа дькарә мә бьпарезә у бәхтәԝарийе бьдә мә. Әм заньн сәва кӧ әм әʹдьлайа дьл бьстиньн, гәрәке әм ԛьрара Йаһоԝа биньн сери (Филипи 4:6, 7). Һәгәр дәсте мәда һәбә кӧ гәләк тьшта хԝәрʹа бькʹьрʹьн жи, ԝе баш бә кӧ әм жь хԝә бьпьрсьн гәло һежа йә кӧ әм ԝәхт у ԛәԝата хԝә бь зедәйи сәр ԝан тьшта хәрщ бькьн. Ӧса жи, ԝе баш бә кӧ әм жь хԝә бьпьрсьн гәло дьле мә тьштед материалива чьԛас гьредайи йә. Бир нәкьн кӧ Хԝәде шьхӧләки фәрз дайә мә. Демәк, әм гәрәке изне нәдьн кӧ һʹьше-аԛле мә бь зедәйи сәр тьштед дьн бә. Әм һьлбәт нахԝазьн бьбьн мина ԝи мәрьви, йе кӧ дькарьбу Йаһоԝарʹа хьзмәт бькә у бьбә кӧрʹе ԝи, ле әԝи ве мәщале рʹәт кьр, чьмки тьштед материали дьһа зедә һʹьз дькьр (Марԛос 10:17-22). w21.08 6 ¶17

Чахе тӧ Кʹьтеба Пирозда дәрһәԛа хәйсәт-һʹӧнӧред Йаһоԝа бьхуни, тӧйе бьвини кӧ тʹәбийәтеда жи әв һʹӧнӧред ԝи әʹйан дьбьн. Бәле, чахе әм дәрһәԛа һʹӧнӧред Йаһоԝа һин дьбьн, әм фәʹм дькьн ԝәки әԝ кәсе реали йә у бь рʹасти һәйә (Дәркʹәтьн 34:6, 7; Зәбур 145:8, 9). Чьԛас тӧ Йаһоԝа баштьр нас бьки, баԝәрийа тә ԝе дьһа  ԛәԝи бә, тӧйе ԝи һе ԛайим һʹьз бьки у достийа тә тʹәви ԝи ԝе һе незик бә. Дәрһәԛа баԝәрийа хԝә һьндава Хԝәде мәрьварʹа гьли кә. Ле һәгәр кәсәк дьпьрсә һәла чь избаткьрьн һәнә ԝәки Хԝәде һәйә, у тӧ ньзани  чь щабе бьди, тӧ дькари чь бьки? Әʹдәбйәтед мәда щабе бьгәрʹә у ве информасийайе ԝирʹа бежә. Ӧса жи, тӧ дькари жь хушк йан бьраки щерʹьбанди аликʹарийе бьхԝази. Һәгәр кәсе нәбаԝәрмәнд щабед жь Кʹьтеба Пироз ԛәбул нәкә, тӧйе диса жи жь леколине кʹаре бьстини, у баԝәрийа тә ԝе дьһа ԛәԝи бә. w21.08 18 ¶14-15

Сәва кӧ әм дьле Йаһоԝа ша кьн, нә лазьм ә әм тʹәрка һәр тьшти бьдьн, чь кӧ әм һʹьз дькьн (Ԝаиз 5:19, 20). Ле һәгәр әм хьзмәта хԝә зедә накьн, чьмки һазьр ниньн ԛӧрбана бькьн, әм дькарьн бьбьнә мина мәрьве жь мәсәла Иса, йе кӧ бь жийинәкә рʹьһʹәт дьжит, ле Хԝәде нә хәма ԝи бу (Луԛа 12:16-21). Гава әм рʹасти тәнгасийа тен, гәрәке әм дӧа бькьн у рʹьнд бьфькьрьн, һәла әм дькарьн ве дәрәщеда чь бькьн (Мәтʹәлок 3:21). Йаһоԝа мә бь гәләк щурʹа кʹәрәм дькә. Сәва кӧ әм рʹазибуна хԝә бона ԝан кʹәрәма нишан кьн, ԝе баш бә чь жь дәсте мә те бькьн, ԝәки пәсне ԝи бьдьн (Ибрани 13:15). Мәсәлә, лазьм ә бьфькьрьн һәла әм чаԝа дькарьн хьзмәта хԝә зедә бькьн. Бь ви щурʹәйи, әме кʹәрәмед дьн жи бьстиньн. Бәле, гәрәке әм мәщалед тʹәзә бьгәрʹьн ԝәки «тәʹм кьн у бьзаньбьн кӧ Хӧдан ча ԛәнщ ә» (Зәбур 34:8). Һьнге, әме жи мина Иса бежьн: «Хԝарьна мьн әԝ ә, кӧ әз хԝәстьна йе кӧ әз шандьмә бькьм у шьхӧлед ԝи биньмә сери» (Йуһʹәнна 4:34). w21.08 30-31 ¶16-19

Мире-щьна дьхԝазә кӧ ԛӧрʹәти бькʹәвә дьле мә. Әԝ занә кӧ һәгәр әм мина ԝи ԛӧрʹә бьн, әме нькарьбьн жийина һәрһәйи бьстиньн. Ләма жи, Паԝлосе шанди гот кӧ кәсе ԛӧрʹә ԝе мина Мире-щьна бе диԝанкьрьне (1 Тимотʹейо 3:6, 7). Фьрԛи тʹӧнә кӧ әм тʹәзә һатьнә сәр рʹийа рʹастийе йан ида гәләк сал ә әм Йаһоԝарʹа хьзмәт дькьн, лазьм ә кӧ әм гьшк һаш жь хԝә һәбьн ԝәки нәкʹәвьн ве тʹәльке. Мәрьвед ԛӧрʹә һәри зедә хԝә һʹьз дькьн. Мире-щьна дьхԝазә кӧ әм һәри зедә нә кӧ Йаһоԝа, ле хԝә һʹьз бькьн – илаһи гава әм рʹасти тәнгасийа тен. Мәсәлә, гәло ԛә бӧхдан авитьнә тә? Гәло тӧ ԛәт рʹасти нәһәԛийе һатьбуйи? Мире-щьна дьхԝазә кӧ тӧ сәва тьштед ӧса Йаһоԝа йан хушк у бьра нәһәԛ бьки у һерс кʹәви. Ӧса жи, Мире-щьна дьхԝазә кӧ тӧ бьфькьри ԝәки лазьм ә тӧ ве проблеме нә ль гора рʹебәрийа Кʹьтеба Пироз, ле ль гора аԛле хԝә сафи ки (Ԝаиз 7:16, 20). w21.06 15 ¶4-5

Һагай пʹехәмбәр жь Йаһоԝа Хԝәде шьхӧләки гәләк фәрз стандьбу. Те кʹьфше кӧ Һагай йәк жь ԝан мәрьва бу, йед кӧ сала 537-да Б.Д.М., жь дилтийа Бабилоне вәгәрʹийанә Оршәлиме. Ԝәхтәкә кьн паши кӧ хьзмәткʹаред Йаһоԝа гьһиштьбун ԝәлате хԝә, ԝана авакьрьна пʹарьстгәһе дәстпекьрьн (Әзра 3:8, 10). Ле гәләк ԝәхт дәрбаз нәбу кӧ жь бо мьԛабьлибуне, ԝана мерхасийа хԝә ӧнда кьр у шьхӧле авакьрьне данә сәкьнандьне (Әзра 4:4; Һагай 1:1, 2). Ләма сала 520-да Б.Д.М., Йаһоԝа Һагай пʹехәмбәр шандә бал ԝан кӧ хирәт у хԝәстьна ԝан зедә бькә, ԝәки әԝана авакьрьна пʹарьстгәһе хьлаз кьн (Әзра 6:14, 15). Нета әʹламәтийа Һагай әв бу, ԝәки баԝәрийа щьмәʹте һьндава Йаһоԝа дьһа ԛәԝи бькә. Бәле, Йаһоԝа Хԝәдейе Һьмзор ә, демәк ԛәԝата ԝи дьгьһижә һәр тьшти бькә, у бьн сәрԝертийа ԝида бь милйона мәләк һәнә, йед кӧ әскәред ԛәԝи нә. Ләма жи лазьм бу, ԝәки Щьһуйа итʹбарийа хԝә Йаһоԝа бьанийана, сәва кӧ пешдачуйи буна. w21.09 15 ¶4-5

Иро, сәр тʹәмамийа дьнйайе нав Шәʹдед Йаһоԝада һʹьзкьрьн һәйә. Әм жь һʹәму религийед дьн щӧда нә, чьмки нав мәда йәкти һәйә у әм фьрԛийе накьн нав мәрьвада жь бо мьләт, култур, йан жи дәсте ԝанда чьԛас һәйә. Мәсәлә, әм ве һʹьзкьрьна рʹаст щьватед хԝәда дьвиньн. Әв һʹьзкьрьн баԝәрийа мә зедә дькә кӧ Йаһоԝа жь һʹәбандьна мә рʹази йә (Йуһʹәнна 13:34). Кʹьтеба Пироз мәрʹа дьбежә: «Бәри һәр тьшти, һʹьзкьрьна ԝә һьндава һәвда бь дьл у щан бә» (1 Пәтрус 4:8). Әм һәвдӧ һʹьз дькьн, ләма жи әм һәвдӧ дьбахшиньн у кемасийед һәвдӧ сәбьр дькьн. Ӧса жи, әм мәщала дьгәрʹьн ԝәки һʹәму хушк-бьрарʹа, һәла һе йед кӧ дьле мә ешандьнә жи, дәствәкьри у меванһʹьз бьн (Колоси 3:12-14). Бәле, һʹьзкьрьн бь рʹасти жи нишана сәрәкә йа Мәсиһийед рʹаст ә. w21.10 22 ¶13-14

Гәло әв йәк кӧ кәсәк жь щьвате те дәрхьстьне дькарә али ԝи бькә, ԝәки әԝ тʹобә бькә у хԝә рʹаст бькә? Бәле. Гәләк кәсед кӧ гӧнед гьран кьрьнә, бь сайа дәрхьстьна жь щьвате, сәр һʹьше хԝәда һатьнә, жийина хԝә гӧһастьнә у вәгәрʹийанә бьн сийа пʹәре Йаһоԝа (Ибрани 12:5, 6). Ве мәсәле бинә бәр чʹәʹве хԝә: Шьван дьвинә ԝәки бәрхәкә ԝи нәхԝәш ә. Әԝ занә кӧ бона ԛәнщкьрьна ве нәхԝәшийе, лазьм ә ве бәрха нәхԝәш жь кәри башԛә бькә. Бәрх дьхԝазьн нав кәрида бьн, у гава әԝ тен башԛәкьрьн, әԝ әʹщьз дьбьн. Гәло әв йәк кӧ шьван бәрха хԝә жь кәри дур дьхә, те һʹәсабе кӧ әԝ йәки берʹәʹм  ә? Һьлбәт на. Шьван занә кӧ һәгәр бәрха нәхԝәш нав кәрида бьминә, нәхԝәши ԝе бәла бә у зьраре бьдә пәзед дьн. Ләма шьван бәрха нәхԝәш башԛә дькә, ԝәки кәри бе парастьн. w21.10 10 ¶9-10

Әва ԛәдьрәки мәзьн ә кӧ әм пʹара малбәта һʹәмдьнйайе нә, кʹидәре гьшк һәвдӧ һʹьз дькьн. Әм дьхԝазьн ԝәки кәсед дьн жи тʹәви мә Йаһоԝа бьһʹәбиньн. Ләма жи гәрәке әм һаш жь хԝә һәбьн, ԝәки бь рʹабун-рʹуньштьна хԝә ләкʹә нәйньн сәр наве Йаһоԝа у тʹәшкиләта ԝи. Әм дьхԝазьн кӧ мәрьв бь сайа кьред мәйә ԛәнщ, бьхԝазьн Йаһоԝа нас кьн у ԝирʹа хьзмәт кьн. Һьнә кәс ԛәрфед хԝә мә дькьн йан мә дьзериньн, чьмки әм гӧһ дьдьн Баве хԝәйи әʹзмана. Диса жи, әм гәрәке нәтьрсьн кӧ мәрьварʹа бәʹса баԝәрийа хԝә бькьн, чьмки Йаһоԝа у Иса ԝе али мә бькьн. Иса шагьртед хԝәрʹа ӧса гот: «Тьштед кӧ һуне хәбәр дьн, ԝе дәме ԝәрʹа ԝе бе дайине». Гәло чьрʹа? Иса ӧса шьровәкьр: «Чьмки нә кӧ һуне хәбәр дьн, ле рʹӧһʹе Баве ԝәйи кӧ нава ԝәда йә ԝе хәбәр дә» (Мәтта 10:19, 20). w21.09 24 ¶17-18

Муса пʹехәмбәр жи готьбу кӧ Йаһоԝа «сьтʹар» ә (Зәбур 90:1). Ӧса жи, гава Муса ида кал бу, әԝи гот: «Хԝәдейе һʹәта-һʹәтайе кәлайә, мьлед ԝийә һʹәта-һʹәтайе аликʹар ьн» (Ԛануна Дӧщари 33:27). Гәло готьна «мьлед ԝийә һʹәта-һʹәтайе аликʹар ьн», дәрһәԛа Йаһоԝа чь мәрʹа нишан дькьн? Чахе Йаһоԝа бона мә Сьтʹар ә, әм хԝә бехоф у дьлрʹьһʹәт тʹәхмин дькьн. Диса жи, дьбәкә әм хԝә щарна сьст тʹәхмин бькьн. Ԝи чахи, гәло Йаһоԝа ԝе ча али мә бькә? (Зәбур 136:23). Әԝе пе мьлед хԝәйә ԛәԝат али мә бькә рʹабьн сәр пʹийа (Зәбур 28:9; 94:18). Әм заньн ԝәки әм һәртʹьм дькарьн аликʹарийе жь Хԝәде бьстиньн. Әв йәк али мә дькә дӧ тьшта бир нәкьн: Йа йәке, әм кʹидәре бьн жи, сьтʹара мә һәйә. Йа дӧда, Баве мәйи һʹьзкьри бона мә хәм дькә. w21.11 6 ¶15-16

Иса заньбу, ԝәки шагьртед ԝи ԝе рʹасти нәһәԛийа бен, у әв йәк ԝе баԝәрийа ԝан бьщерʹьбинә. Сәва кӧ али ԝан бькә һьмбәри нәһәԛийа сәбьр бькьн, Иса бәʹса жьнәбике кьр, йа кӧ тʹьме дьһат бал һʹакьмәки нәһәԛ у ԝирʹа дьгот: «Һәԛийе бькә, мьн жь дәсте нәйаре мьн хьлаз кә». Жьнәби баԝәр бу кӧ һәгәр әԝ сәбьр кә, зу йан дәрәнг әԝе һәԛийе бьвинә. Ахьрийа-ахьрийе, һʹакьм ль гора рʹәща ԝе кьр. Жь ве мәсәле әм дькарьн чь дәрс һин бьн? Йаһоԝа мина ԝи һʹакьмәки нәһәԛ нинә. Ләма Иса гот: «Гәло Хԝәде жи бьжартийед хԝәрʹа ԝе һәԛийе нәкә, йед кӧ шәв у рʹож һәԝара хԝә ԝи датиньн?» (Луԛа 18:1-8). Паше, Иса гот: «Гава Кӧрʹе Инсан бе, гәло сәр дьне ԝе баԝәрийе бьбинә?» Гава әм рʹасти нәһәԛийе тен, гәрәке әм бь сәбьра хԝә нишан кьн, ԝәки баԝәрийа мә мина баԝәрийа ве жьнәбийе ԛәԝи йә. Һәгәр баԝәрийа мә ӧса бә, әме дӧдьли нәбьн ԝәки ԝәхте хԝәда Йаһоԝа ԝе али мә бькә. Хенщи ве йәке, гәрәке әм баԝәр бьн, ԝәки ԛәԝата дӧа гәләк мәзьн ә. w21.11 23 ¶12; 24 ¶14

Щаһьлно, гәло һун щарна дьфькьрьн кӧ ԛанунед Йаһоԝа бь зедәйи сәрт ьн? Мире-щьна дьхԝазә ԝәки һун ӧса бьфькьрьн. Әԝ дьхԝазә кӧ һун һʹьш-аԛьле хԝә бьдьн сәр мәрьвед кӧ сәр рʹийа фьрә нә у хԝәзийа хԝә ԝан биньн. Әԝ дьхԝазә ԝәки һун дина хԝә бьдьне кӧ ча һәвалдәрсханед ԝә кʹефе дьстиньн, йан жи ԝәки Интернетеда тьштед ӧса бьвиньн, кӧ бьфькьрьн йанчь һун жийина баш дәсте хԝә дькьн у жь бо ԝан фькьра хԝә һесир тʹәхмин кьн. Мире-щьна дьхԝазә ԝә бьдә баԝәркьрьне кӧ ԛанунед Йаһоԝа рʹийа ԝә дьгьрьн жь жийине ләзәте бьстиньн. Ле бир нәкьн, Мире-щьна нахԝазә ԝәки мәрьвед кӧ рʹийа фьрәда дьчьн, фәʹм кьн кӧ әв рʹе бәрбь кʹидәре дьбә (Мәтта 7:13, 14). Жь алийе дьнва, Йаһоԝа зәлал нишани ԝә дькә, ԝәки ахьрийа кәсед кӧ жь рʹийа жийине дәрнайен, ԝе чаԝа бә (Зәбур 37:29; Ишайа 35:5, 6; 65:21-23). w21.12 23 ¶6-7

Әм һьлбәт заньн кӧ гәрәке әм бьбахшиньн кәсед дьн. Диса жи, әв йәк дьбәкә щарна мәрʹа чәтьн ә. Ча те кʹьфше Пәтрусе шандирʹа жи щарна зор бу кӧ бьбахшинә кәсед дьн (Мәтта 18:21, 22). Гәло чь дькарә али мә бькә кӧ әм бьбахшиньн кәсед дьн? Йа йәке, бьфькьрә кӧ Йаһоԝа чәнд щара бахшандийә тә (Мәтта 18:32, 33). Әм һежайи бахшандьна ԝи ниньн, ле әԝ диса жи жь дьл дьбахшинә мә (Зәбур 103:8-10). Һәрге Йаһоԝа мә һаԛас һʹьз дькә, демәк «гәрәке әм жи һәвдӧ һʹьз бькьн». Бәле, әм мәщбур ьн кӧ хушк у бьра һʹьз бькьн (1 Йуһʹәнна 4:11). Йа дӧда, бьфькьрә кӧ бахшандьн чьԛас кʹаре тинә. Бь сайа бахшандьне әм дькарьн али кәсе кӧ дьле мә ешандийә бькьн, ӧса жи әме әʹдьлайе бькьнә щьвате, достийа хԝә тʹәви Йаһоԝа хԝәй кьн у жь барәки гьран хьлаз бьн (2 Корьнтʹи 2:7; Колоси 3:14). Йаһоԝа, йе кӧ дьхԝазә ԝәки әм бьбахшиньн һәвдӧ, һазьр ә али мә бькә. Ләма жи ԝирʹа дӧа бькә. Изне нәдә кӧ Мире-щьна әʹдьлайа нав мәда хьраб кә (Әфәси 4:26, 27). Сәва кӧ әм хԝә жь тʹәлька Мире-щьна хԝәй бькьн, әм һʹәԝще аликʹарийа Йаһоԝа нә. w21.06 22 ¶11; 23 ¶14

Даԝьд жь Шаԝул Пʹадша дьрʹәвийа, йе кӧ ԝи нәфрʹәт дькьр у дьхԝәст әԝ бькӧшта. Гава Даԝьд һʹәԝще хԝарьне бу, әԝи бажаре Нобеда пенщ нан хԝәстьн (1 Самуйел 21:1, 3). Паше, әԝи тʹәви һәвалед хԝә, шкәфтәкеда хԝә вәшарт (1 Самуйел 22:1). Гәло Даԝьд чьрʹа кʹәтә һʹаләки ӧса зор? Шаԝул һʹәвсудийа Даԝьд дькьр, чьмки щьмәʹте ԝи һʹьз дькьр у әԝ әскәрәки гәләк пешдачуйи бу. Ӧса жи, Шаԝул заньбу кӧ жь бо нәгӧһдарибуна ԝи Йаһоԝа әԝ инкʹар кьрьбу у дәԝса ԝи Даԝьд ча пʹадше Исраеле бьжартьбу (1 Самуйел 23:16, 17). Ле һе чаԝа пʹадше Исраеле, ордикә мәзьн у гәләк кәсед дьн пьштгьрийа Шаԝул дькьрьн, ләма жи Даԝьд мәщбур бу кӧ бьрʹәвә. Гәло Шаԝул бь рʹасти дьфькьри, кӧ дькарә рʹийа Хԝәде бьгьрә, ԝәки Әԝ ԛьрара хԝә һьндава Даԝьд бинә сери? (Ишайа 55:11) Кʹьтеба Пироз щаба ве пьрсе надә, ле ча те кʹьфше Шаԝул сәре хԝә кьрә бәлайе, чьмки кәсед кӧ мьԛабьли Хԝәде шәрʹ дькьн, тʹьме дьдьнә дәр! w22.01 2 ¶1-2

Иса бь дьл у щан хьзмәт дькьр. Әԝи һәр мәщал дьда хәбате, ԝәки мәрьва һин кә. Бь ви щурʹәйи, әԝи нишан дькьр кӧ ԝана һʹьз дькә (Луԛа 19:47, 48). Гәло чьрʹа? Чьмки дьле ԝи сәр мәрьва дьшәԝьти. Щарна мәрьвед кӧ дьхԝәстьн гӧһ бьдана Иса ӧса зәʹф бун, ԝәки әԝ у шандийед ԝи «нькарьбун нане хԝә жи бьхԝарана» (Марԛос 3:20). Иса һәла һе шәв жи һазьр бу гӧһ бьдә мәрьва. Мәсәлә, чахе мерәки хԝәст ниве шәве тʹәви Иса хәбәр дә, Иса хԝәстьна ԝи ԛәбул кьр. Гәләк мәрьвед кӧ серида гӧһ дьданә Иса, паше нәбун шагьртед ԝи. Ле йәкә ԝанрʹа шәʹдәтикә баш һатә дайине. Иро, әм жи дьхԝазьн мәщале бьдьн һʹәму мәрьва, ԝәки мьзгинийа Пʹадшатийе бьбьһен (Кʹаред Шандийа 10:42). Сәва ве йәке, әм гәрәке методед хьзмәтийе щара бьгӧһезьн. Дәԝса кӧ ви чахи хьзмәт кьн гава мәрʹа дәст дьдә, ԝе баш бә ԝәки әм графика хԝә ӧса бьгӧһезьн, кӧ мьзгинийе бьгьһиньн һе зедә мәрьва. Һәгәр әм ӧса бькьн, әм дькарьн баԝәр бьн, ԝәки дьле Йаһоԝа ԝе ша бә. w22.01 17 ¶13-14

Гәләк кәс итʹбарийа хԝә кәсед хԝәйиһʹӧкӧм найньн. Гәло чьрʹа? Чьмки ԝана дитийә кӧ системед ԛануни у политики һе зедә алийе кәсед дәԝләмәнд у кәсед бь нав у дәнг дьгьрьн, нә кӧ али кʹәсиба дькьн. Сәрда жи, һьнә сәрԝеред религи кьред нә баш дькьн. Жь бо ве йәке һьнә кәс баԝәрийа хԝә һьндава Хԝәде ӧнда кьрьнә. Ләма, гава әм тʹәви кәсәки һинбуна Кʹьтеба Пироз дәстпедькьн, гәрәке әм али ԝи бькьн кӧ әԝ итʹбарийа хԝә Йаһоԝа у бьред щабдар бинә, йед кӧ алийе Ԝида һатьнә кʹьфшкьрьне. Һәмьки нә тʹәне хԝәндәкʹаред Кʹьтеба Пироз гәрәке итʹбарийа хԝә Йаһоԝа у тʹәшкиләта ԝи биньн. Кәсед кӧ гәләк сала Йаһоԝарʹа хьзмәт дькьн жи, гәрәке тʹӧ щар бир нәкьн ԝәки сафикьрьнед Йаһоԝа һәртʹьм рʹаст ьн. w22.02 2 ¶1-2