ПЬРСЕД КʹЬТЕБА ПИРОЗВА ГЬРЕДАЙИ

Гәло гӧне мә дькарьн бенә афукьрьне?

Чаԝа Кʹьтеба Пирозда те готьне һәр мәрьв гӧнәкʹар ә. Нәԛәдандибуна мәрьве пешьн Адәм, дәрбази мә һʹәмуйа бу. Ләма жи әм щарна тьштед нәрʹаст дькьн у ахьрийе дьԛәԝьмә пʹошман дьбьн. Кӧрʹе Хԝәде Иса Мәсиһ, әʹмьре хԝә да бона гӧнед мә. Бь сайа ԛӧрбана ԝи мә мәщала бахшандьне станд. Әԝ йәк пʹешкʹеша жь Хԝәде йә (Бьхунә Рʹомайи 3:23, 24).

Һьнә мәрьв гӧне гьран кьрьнә у щәм ԝан пьрс пешда те, кӧ Хԝәде ԝе ԝана бьбахшинә? Хәбәра Хԝәде ӧса дьбежә: «Хуна Исайе Кӧрʹе ԝи ԝе мә жь һʹәму гӧна паԛьж кә» (1 Йуһʹәнна 1:7). Йаһоԝа бь дьл у щан дьбахшинә һәла һе гӧнед гьран жи, һәрге мәрьв хԝә дьгӧһезә у гӧне хԝә дьдә рʹуйе хԝә (Бьхунә Ишайа 1:18).

Чь әм гәрәке бькьн ԝәки бенә бахшандьне?

Һәрге әм дьхԝазьн кӧ Йаһоԝа Хԝәде мә бьбахшинә, әм гәрәке дәрһәԛа ԝи пебьһʹәсьн, рʹейед ԝи фәʹм бькьн, ширәтед ԝи ԛәбул кьн у тʹәмийед ԝи биньн сери (Йуһʹәнна 17:3). Йаһоԝа хԝә паш нахә жь ԝе йәке, кӧ бьбахшинә ԝан мәрьва йед кӧ тʹобә дькьн у дьхԝазьн бенә гӧһастьне (Бьхунә Кʹаред Шандийа 3:19).

Чәтьн нинә бахшандьне жь Хԝәде бьстиньн. Йаһоԝа занә сьстбунед мә чьда нә. Әԝ йәки ԛәнщ ә у дьлрʹәʹм ә. Гәло һʹьзкьрьна ԝи тә һелан накә, кӧ һе зедә пебьһʹәси дәрһәԛа ԝе йәке, ча тӧ дькари пе кьред хԝәйә рʹаст дьле ԝи ша ки? (Бьхунә Зәбур 103:13, 14).