Пьрсед Кʹьтеба Пирозва Гьредайи
Гәло әм дькарьн рʹасти дәрһәԛа Хԝәде пебьһʹәсьн?
Чьрʹа хԝәде дьхԝазә кӧ әм рʹасти пебьһʹәсьн? Бьхунә Йуһʹәнна 17:3
Хԝәде тʹәви инсанәте хәбәрдьда. Әԝи бь рʹӧһʹе хԝәйи пироз, демәк бь ԛәԝата хԝә, фькьред хԝә кьрә һʹьше ньвискʹаред Кʹьтеба Пироз (2 Пәтрус 1:20, 21). Әм дькарьн рʹасти дәрһәԛа Хԝәде нас кьн, бь хԝәндьна Кʹьтеба Пироз. (Бьхунә Йуһʹәнна 17:17; 2 Тимотʹейо 3:16.)
Дь Кʹьтеба Пирозда, Хԝәде гәләк тьшт дәрһәԛа хԝә гьли дькә. Әԝ мәрʹа әʹйан дькә кӧ чьрʹа әԝи мәрьв әʹфьрандьн, ахьрийеда әԝ ԝе чь бькә бона инсанәте, у әԝ ча дьхԝазә кӧ әм бьжин (Кʹаред Шандийа 17:24-27). Йаһоԝа Хԝәде дьхԝазә кӧ әм дәрһәԛа ԝи рʹасти бьзаньбьн. (Бьхунә 1 Тимотʹейо 2:3, 4.)
Чьрʹа Хԝәде ԝан мәрьва тʹәглиф дькә йед кӧ рʹастийе һʹьз дькьн?
Йаһоԝа Хԝәдайе рʹастийейә, у әԝи Кӧрʹе хԝә шандә сәр әʹрде сәва кӧ инсанәте рʹастийе һин кә. Ләма, әԝед кӧ рʹастийе һʹьз дькьн Иса баԝәр дькьн (Йуһʹәнна 18:37). У Хԝәде дьхԝазә кӧ мәрьвед ӧса ԝи бьһʹәбиньн. (Бьхунә Йуһʹәнна 4:23, 24.)
Шәйтʹан Мире-щьна гәләк мәрьв бь һинкьрьнед дәрәԝ дәрһәԛа Хԝәде хальфанд, у нә һишт кӧ әԝана Хԝәде нас кьн (2 Корьнтʹи 4:3, 4). У мәрьвед кӧ ԛәнщийе һʹьз накьн әԝан һинкьрьнед ԛәлп баԝәр дькьн (Рʹомайи 1:25). Ле милйон мәрьвед дьлсах рʹасти дәрһәԛа Хԝәде бь һинбуна Кʹьтеба Пироз дитьнә. (Бьхунә Кʹаред Шандийа 17:11.)