К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • wp16 № 5 рʹупʹ. 13
  • Даwьд у Голйатʹ; әw йәк бь Рʹасти Qәwьми?

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Даwьд у Голйатʹ; әw йәк бь Рʹасти Qәwьми?
  • Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
  • Т′емед Мина Wе
  • Әва Шәрʹе Йаһоwа йә
    Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
  • Даԝьд У Голйатʹ
    Сәрһатийед Кʹьтеба Пироз
  • Даԝьд у Голйатʹ
    Дәрсед ԛимәт жь Хәбәра Хԝәде
  • Даwьд нә Дьтьрсийа
    Зарʹед Хԝә Һин кьн
Һе Зедә Бьньһер′ә
Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
wp16 № 5 рʹупʹ. 13
Дәшта Әлайе

Дәшта Әлайе

Даwьд у Голйатʹ; Әw Йәк бь Рʹасти Qәwьми?

Һьнә мәрьв дькʹәвьнә шьке: «Гәло qәwьмандьна дәрһәqа Даwьд у Голйатʹ рʹасти qәwьмийә йан әw чʹирок ә?» Чахе wә готар дәрһәqа Даwьд у Голйатʹ хwәнд, дьбәкә пьрсед ви щурʹәйи щәм wә жи пешда һатьн. Wәрен әм се пьрса шәwьркьн.

1 | Гәло бь рʹасти бьльндайа бәндә дькарә wәкә 3 метр бә?

Шькьла кʹидәре кö бәжна Голйатʹе тәрьки, тʹәви әскәрәк те һьмбәриһәвкьрьне

Кʹьтеба Пироз дьбежә кö бьльндайа Голйатʹ wәкә 3 метр бу (1 Самуйел 17:4). Һьнәк мәрьв баwәр накьн кö Голйатʹ һаqас бьльнд бу. Ле һун заньн wәки ль горʹа леколине һатә кʹьфше кö дәwрана мәда жи мәрьве лапи бьльнд һәбу у бьльндайа wи 2.7 метр зедәтьр бу. Ләма жи әм дькарьн баwәр бьн кö Голйатʹ жи гәләк бьльнд бу. Әw жь рькʹьнйата Рʹьфайи бу йед кö бәжбьльндайа хwәда гәләк әʹйан бун. Документед Мьсьрйада, йа qьрна 13 Б.Д.М. һатьбу готьне, кö һәрәма Кәнанеда әʹскәред хоф һәбун, бьльндайа кʹижана кö 2.4 метр зедәтьр бу. Ләма жи әм дькарьн бежьн, кö бь рʹасти Голйат йәки гәләк бьльнд буйә.

2 | Гәло Сәрһатийа Дәрһәqа Даwьд чʹирок ә?

Һәбун зандаред öса, йед кö дьхwәстьн избат кьн кö сәрһатийа дәрһәqа Даwьд Пʹадша тәне чʹирок ә. Ле щәм wана дәрнәкʹәт. Чьмки археолога, ньвисара кәwьн дьтьн кʹидәре кö һатьбу ньвисандьне «Мала Даwьд». Хенщи wе йекә Иса Мәсиһ жи дәрһәqа Даwьд хәбәр дьда (Мәтта 12:3; 22:43-45). Ль гора рькʹьнйата Даwьд жи, избат дьбе кö Иса һәйә Мәсиһ. Чьмки рькʹьнйата Иса, жь дö алийава әʹйан дькә кö әw жь Даwьд Пʹадша йә (Мәтта 1:6-16; Луqа 3:23-31). Демәк сәрһатийа дәрһәqа Даwьд чʹирок нинә.

3 | Гәло әw щи, кʹидәре кö шәрʹе ортʹа Даwьд у Голйатʹ qәwими, бь рʹасти һәйә?

Кʹьтеба Пироз дьбежә кö әw шәрʹ ль Дәшта Әлайеда qәwьми. Ле әв öса жи әʹламәтийа һур бь һур дьдә дәрһәqа ве йәке. Мәсәлә кö ордийа Фьльстийана ль тʹәпә щиwар бьбу, әw тʹәпә ортʹа дö шәһәрада бу, демәк Соһо у Азәкайе. Ле Исраели щиwар бьбун ль алийе дьне һьмбәри Фьльстийа. Гәло әв щи бь рʹасти һәбу?

Дина хwә бьдьн кö мәрьвәки кö чубу ль wан щийа бьгәрʹә, чь готьбу: «Рʹебәре мә, йе кö хwәденас нибу, мә бьрә Дәшта Әлайе. Әм һьлдькʹшийан ль сәр тʹәпә щийе бьльнд. Чахе әм гьһиштьнә щи мә дор-бәре хwә ньһерʹи у дит дәшта Әлайе. Һьнге рʹебәр мәрʹа хwәнд 1 Самуйел 17:1-3. Паше әw дина мә да ве дәште у гот: ‹Алийе чʹәпе, кәвьр-кочʹькед Соһойе нә. Ле алийе рʹасте кәвьр-кочʹькед Азәкайе нә. Фьльстийан щиwар бьбун ортʹа ван дö шәһәра, щики ль сәр wан тʹәпа, кʹижана кö һун бәр хwә дьбиньн. У дьбәкә әм ньһа ль сәр ви щи сәкьнинә кʹидәре кö ордийа Исраелийа щьwар бьбу›. Мьн да бәр чʹәʹве хwә кö Шаwул у Даwьд һәма ль wи щийи сәкьни буйә, кʹидәре кö әз сәкьни бум. Паше әм пәйа бун, у бәр чʹәмәкирʹа дәрбаз бун, кö зьһа бьбу у тʹьжә кәвьр бун. Мьн диса жи да бәр чʹәве хwә, кö чаwа Даwьд ль ви щийи сәкьнийә, хwә куз кьрийә, у пенщ кәвьред пән һьлдайә, бь кʹижани әwи гәрәке Голйатʹ бькöшта». Әв мәрьв, мина гәләк мәрьвед дьн, әʹщебмайи мабу жь бо ве йәке, кö Кʹьтеба Пироз дәрһәqа тьштед öса, әʹламәтийа чьqас рʹаст у һур бь һур дьдә.

Ләма жи мәʹнийед мә тʹöнәнә, кö әм бькʹәвьнә бьн шьке у бьфькьрьн кö qәwьмандьна дәрһәqа Даwьд у Голйатʹ, чʹирок ә. Щи у мәрьвед ве qәwьмандьне, бь рʹасти жи һәбун. Ле һе фәрз әw ә, кö дәрһәqа ве qәwьмандьне дь Хәбәра Хwәдеда һатә ньвисаре. Демәк әв әʹламәти жь Хwәдейе рʹастийе йә. У әw «Хwәдейе хwәйе готьна» хwә йә у нькарә дәрәwа бькә (Тито 1:2; 2 Тимотʹейо 3:16).

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн