ЧАԜА НӘФРʹӘТИЙЕ ЖЬ ДЬЛЕ ХԜӘ ДӘРХЬН?
3 | Нәфрʹәтийе жь Һʹьше Хԝә Дәрхә
Һинкьрьна Кʹьтеба Пироз:
«Сәр һʹьше хԝәда ԝәрьн, нет-фькьред ԝә бьра ну бьн, ԝәки бьзаньбьн чь йә ԛьрара Хԝәде, кӧ ԛәнщи, хԝәши у кʹамьли йә» (РʹОМАЙИ 12:2).
Әв Чь Те Һʹәсабе:
Бона Хԝәде фәрз ә кӧ әм дәрһәԛа чь дьфькьрьн (Йерәмйа 17:10). Әм гәрәке нә кӧ тʹәне хԝә жь гьли у кьред бь нәфрʹәтийе тʹьжә, дур бьгьрьн, ле һе зедә тьшт лазьм ә бькьн. Нәфрʹәти жь дьл у һʹьше мәрьва пешда те. Әм гәрәке һʹәму һәст у фькьред нәфрʹәтийева гьредайи, дәрберʹа жь һʹьше хԝә дур хьн. Тʹәне ԝи чахи әме бькарьбьн бь рʹасти нәфрʹәтийе кʹокева жь дьле хԝә дәрхьн.
Әԝ Һинкьрьн Ча Дькарә Али Тә Бькә:
Бь һʹәлали дьле хԝә бьщерʹьбинә, һәла тӧ ча дьньһерʹи сәр мәрьвед жь ԝәлат у мьләтед дьн. Пьрса бьдә хԝә: «Әз дәрһәԛа ԝан чь дьфькьрьм? Ньһерʹандьна мьн дәрһәԛа ԝан тʹәне сәр һʹиме занәбуна мьн ә? Йан әв сәр һʹиме хәбәрдана нәрʹаст ә йа мәрьвед дәр-дор?» Хԝә дур бьгьрә жь бәрнамед телевизийоне, синәм йан ԝәʹдәдәрбазкьрьнед ӧса, кӧ нәфрʹәтийе у зӧлмийе пешда тиньн.
Хәбәра Хԝәде дькарә али мә бькә, ԝәки нәфрʹәтийе, кʹижан кӧ кʹур дьл у һʹьше мәда рʹуньштийә, кʹокева дәрхьн
Һеса нинә бь һʹәлали һәст у фькьред хԝә әʹнәнә кьн, кӧ тедәрхьн һәла нәфрʹәти нав мәда һәйә йан на. Ле Хәбәра Хԝәде дькарә ве йәкеда али мә бькә, чьмки әԝ «нет у фькьред дьла жи әʹнәнә дькә» (Ибрани 4:12). Ләма жи тʹьме Кʹьтеба Пироз леколин бькә. Һинкьрьнед ԝе бәрамбәри фькьред хԝә бькә у һәр тьшти бькә, сәва кӧ фькьред тә Хԝәде хԝәш бен. Хәбәра Хԝәде дькарә али мә бькә, ԝәки нәфрʹәтийе, кʹижан кӧ кʹур дьл у һʹьше мәда рʹуньштийә, кʹокева дәрхьн (2 Корьнтʹи 10:4, 5).