Пʹешкʹеша Хԝәйә Рʹӧһʹани Бьдьнә Хәбате

Әм гәләк ԛимәт дькьн гава хушк-бьра һелане дьдьнә мә у мә ԛәԝи дькьн. Ле сәва кӧ әм һелане бьдьн у бьстиньн, бәс нинә кӧ әм тʹәне тʹәвайи ԝәʹдә дәрбаз кьн. Кʹьтеба Пирозда сәр ви фәрәсәти, кӧ һәвдӧ ԛәԝи кьн, те готьне «пʹешкʹешәкә рʹӧһʹани» (Рʹомайи 1:11, 12). Гәло әм ча дькарьн ве пʹешкʹеше бь щурʹе лапи баш бьдьнә хәбате?

Пе хәбәрдана хԝә дьле мәрьва ԛәԝи кә. Мәсәлә, гава әм щьватеда щаба хԝә дьдьн, ԝәрә әм дина гӧһдара бькʹьшиньн нә кӧ сәр хԝә, ле сәр Йаһоԝа, сәр Хәбәра ԝи у ӧса жи сәр хьзмәткʹаред ԝи. Гава әм тʹәви хушк-бьра хәбәр дьдьн, ԝе баш бә ԝәки әм дәрһәԛа тʹемед ӧса хәбәр дьн, йед кӧ дьле ԝан ԛәԝи дькьн.

Дьле кәсед дьн бь сафикьрьн у кьред хԝә ԛәԝи кә. Мәсәлә, һьнә хушк-бьра гава рʹасти проблема тен, диса жи тʹәрка хьзмәтийа һәртʹьм надьн. Һьнә кәс жи жь бо хәбата хԝә гәләк дьԝәстьн, йан сьһʹәт-ԛәԝата ԝан баш нинә, ле диса жи әԝана бәрдәԝам дькьн дьчьн щьвата.

Гәло тӧ дьле хушк-бьра пе гьли у кьред хԝә ԛәԝи дьки? Гәло тӧ жи һазьр и пʹешкʹешед рʹӧһʹани жь хушк-бьра ԛәбул ки?