ПʹАРА 2
Жь Селаве һʹәта дәркʹәтьна жь Мьсьре
Жь Селава Дьнйайе тʹәне һʹәйшт мәри хьлаз бун. Ле ԝәʹдә дәрбаз бу у жь ԝана һʹәзар-һʹәзара мәри пешда һатьн. Паши Селаве 352 сал дәрбаз бу у мерәк бь наве Бьраһим һатә буйине. Әме пебьһʹәсьн кӧ Йаһоԝа ча созе хԝә ани сәри бь ԝе йәке, кӧ кӧрʹәк да Бьраһим, наве кʹижани Исһаԛ бу. Паше жь дӧ кӧрʹед Исһаԛ Хԝәде Аԛуб дьжберә.
Аԛуб бу хԝәйе малбате мәзьн, 12 кӧрʹед ԝи у чәнд ԛизед ԝи һәбун. 10 кӧрʹед Аԛуб һʹәвсудийе бьре хԝә Усьв дькьрьн у әԝ фьротьн Мьсьре ча дил. Ԝәʹдә шунда Усьв дь Мьсьреда дьбә мәрики мәзьн у сәркʹаре гьринг. Чахе бьрчибун дәстпебу, Усьв щерʹьбанд бьред хԝә кӧ те дәрхә һәла ԝана хԝә рʹаст кьрийә йане на. Хьлазийе тʹәмамийа малбате Аԛуб, демәк Исраел, дәрбази Мьсьре дьбә. Әв йәк 290 сала паши буйина Бьраһим ԛәԝьми.
215 сала исраели дь Мьсьреда дьжитьн у паши ԝе йәке ча Усьв мьр әԝана бунә дил. Ԝәʹдә шунда Муса һатә буйине у Хԝәде ԝи да хәвате кӧ исраелийа дәрхә жь Мьсьре. Дь Пʹара ДӦДАДА те гьли кьрьне дәрһәԛа 857 сале тʹәрихийа ԝан мәрийа.