ПʹАРА 5
Жь дилтийа Бабилоне һʹәта авакьрьна диԝаред Оршәлиме
Ԝәʹде дилтйа ль Бабилоне баԝәрийа щьмәʹта Исраел гәлә щар һатә щерʹьбандьне. Шәдрак, Мәшак у Абәд-Нәго һатьн авитьне нав фьрʹна гӧр вехьсти. Ле Йаһоԝа ԝана хьлаз дькә. Ԝәʹдә шунда, гава Бабилон бь дәсте Мәда у Фарьса һатә зәфт кьрьне, Данийел авитьнә бире тʹәви шера. Ле Йаһоԝа дәве шера да гьртьне у Данийел хьлаз кьр.
Пашԝәхтийе, Корәш пʹадше Фарьстане исраелийа жь дил гьртьне аза кьр. Паши 70 сала дилтийе, щьмәʹта Исраел вәгәрʹийан ԝәлате хԝәйә һʹәлал. Тьштед пешьн, йе кӧ ԝана дь Оршәлимеда кьр, әв авакьрьна пʹарьстгәһа Йаһоԝа бу. Ле дьжмьнед ԝан авакьрьн данә сәкьнандьне. Ләма жи авакьрьна пʹарьстгәһе жь вәгәрʹандьна Оршәлиме паши 22 сала һатә хьлаз кьрьне.
Паши авакьрьна пʹарьстгәһе ԝәкә 47 сал дәрбаз дьбә, у Әзра вәдьгәрʹә Оршәлиме, сәва кӧ пʹарьстгәһе тʹәзә кә у бәдәԝ кә. Паши һатьна Әзра ԝәкә 13 сал дәрбаз дьбә, у ньһа Нәһәмийа те Оршәлиме, ԝәки али ԝан бькә диԝаред Оршәлиме ава кьн. Дь Пʹара ПЕНЩАДА те гьли кьрьне дәрһәԛа 152 салед тʹәрихийа исраелийа.