Чь wе бьqәwьмә тʹәви һʹәму религийед qәлп?

1. Гәло һʹәму религийед мәрийа рʹаст ьн?

Дь һʹәму религийада һәнә мәрийед һʹәлал, ләма жи сәва мә мьзгиникә ша йә, кӧ Йаһоwа дьбинә ван мәрийа у дәрһәqа wан хәм дькә. Ле сәд һʹәйф, кӧ жь бо религийа у бь дәсте религийа гәләк зӧлми у нәһәqи тенә кьрьне (2 Корьнтʹи 4:3, 4; 11:13-15). Иро әм тьштед ӧса педьһʹәсьн, кӧ һьнә религийа гьредайи нә тʹәви тероризме, геносиде, шәрʹкьрьне, у ӧса жи тʹәви зарʹа зьнекʹарикьрьне. Мәрийед һʹәлал у дьлсах жь бо ван әʹламәтийа гәләк бәрхwәдькʹәвьн. Бьхунә Мәтта 24:3-5, 11, 12.

Иро һʹәбандьна рʹаст наве Хwәде һӧрмәт дькә, ле һʹәбандьнед qәлп пашопе дькьн, әwана һерса Хwәде ль сәр хwә тиньн. Әwана тьштед нәрʹаст һин дькьн, тьштед ӧса чь кӧ мьqабьли Кʹьтеба Пироз дәрдькʹәвә. Мәсәлә, әwана нәрʹастийе дәрһәqа Хwәде у һʹале мьрийа һин дькьн. Ле Йаһоwа Хwәде дьхwазә, wәки мәрьв бьзаньбьн рʹастийе дәрһәqа wи. Бьхунә Һәзәqел 18:4; 1 Тимотʹейо 2:3-5.

2. Чь wе бьqәwьмә тʹәви религийед qәлп?

Әм гәләк ша нә кӧ Хwәде найе хапандьне бь wан религийа, баwәрмәндед кʹижани кӧ дьбежьн, wәки Хwәде һʹәз дькьн ле бь рʹастийе дьнйа Шәйтʹан һʹәз дькьн (Аqуб 4:4). Паши селава дь рʹожед Нӧһда, дь шәһәре Бабилонеда пешда һатьн религийед, һʹәбандьнед у динед qәлп. Дь Хәбәра Хwәдеда һʹәму религийед qәлп тʹәвайи тенә навкьрьне «Бабилона Мәзьн». Ле Хwәде wе зутьрәке һʹәму религийед qәлп, йед кӧ мәрийа дьхапиньн у дьдьнә щәфе, бьдә һьлдане. Бьхунә Әʹйанти 17:1, 2, 5, 16, 17; 18:8.

Ле гәло чь wе бьqәwьмә тʹәви һьнә мәрьвед һʹәлал йед кӧ дь ван религийед qәлпда ньн? Йаһоwа Хwәде дәрһәqа wан тʹӧ щар бир накә. Йаһоwа әʹсәйи wе wана рʹастийе һин бькә у бь ве йәке wе wана жь религийед qәлп дәрхә. Бьхунә Миха 4:2, 5.

3. Чь гәрәке бькьн мәрийед һʹәлал?

Йаһоwа Хwәде хәм дькә дәрһәqа wан мәрийа кʹи кӧ дьхwазә пебьһʹәсә рʹастийе у дьхwазә qәнщийе бькә. Йаһоwа ӧса жи һелана дьдә wан, wәки әwана пьшта хwә бьдьнә рʹелигийед qәлп. У әw мәрьв кʹи кӧ Хwәде һʹәз дькьн, тʹьме һазьр ьн әʹмьре хwә бьдьн гӧһастьне, сәва кӧ Хwәде хwәш бен. Бьхунә Әʹйанти 18:4.

Дь qӧрʹна йәкеда, чахе мәрийед һʹәлал мьзгинийа Хwәде жь шагьртед Иса Мәсиһ дьбьһистьн, әwана рʹази дьбун у әwе мьзгинийе qәбул дькьрьн. Wана рʹийа жийинәкә гәләк баш хwәрʹа дит, рʹе кʹижан кӧ Йаһоwа Хwәде wана һин кьр у кʹижан кӧ гӧмане дьдә мәрийа. Wана qьрара Йаһоwа дани ль сәр щийе пешьн, у мәсәләкә баш мәрʹа һиштьн, wәки әм жи мьзгинийа Йаһоwа Хwәде бьстиньн, qәбул кьн у qьрара wи дайньн щийе пешьн. Бьхунә 1 Тʹесалоники 1:8, 9; 2:13.

Йаһоwа Хwәде һәр кәса кʹи кӧ религийа qәлп һиштийә, тʹәглифи мала хwә дькә, wәки әwана жи тʹәви qӧлхкʹаред рʹаст бьбьнә йәк. Һәгәр тӧ тʹәглифкьрьна Хwәде qәбул ки, тӧйе бькарьби бьби һәвале wи, тӧйе тʹәви qӧльхкʹаред Хwәдейи рʹаст бьби ча нәфәре маләке, у ӧса жи әʹмьре һʹәта-һʹәтайе бьстини. Бьхунә Марqос 10:29, 30; 2 Корьнтʹи 6:17, 18.

4. Йаһоwа Хwәде wе чаwа мәрийед ль нав тʹәмамийа дьнйайе бәхтәwар кә?

Әw йәк кӧ зутьрәке хьлазийа һʹәму религийед qәлп wе бе, рʹасти жи мьзгиникә гәләк баш ә. Бь ве йәке тʹәмамийа дьне wе жь бинтәнгийе у зорбәтийе хьлаз бә. Ида тʹӧ щар динед qәлп wе мәрийа нәдьнә хапандьне у wе инсанәте щӧда нәкьн. Һʹәму мәрьв ль нав тʹәмамийа дьнйайе wе Хwәдайе рʹастрʹа qӧльх бькьн, у дь нав qӧльхкьрьнеда бьбьнә йәк. Бьхунә Әʹйанти 18:20, 21; 21:3, 4.