Религийед Ԛәлп Нәрʹаст Хԝәде Әʹйан Дькьн

Һәрге Хԝәде һʹьзкьрьн ә, ле чьрʹа әԝ религийед кӧ дәрһәԛа Хԝәде мәрьва һин дькьн, һаԛас зӧлмийе дькьн? Чьмки әԝ религийа ԛәлп ьн. Әԝана пе кьред хԝә у готьнед хԝә мәрьва һелан дькьн, ԝәки мәри дәрәԝед ԝан баԝәр кьн. Ле әԝана әве йәке ча дькьн? Хԝәде жь бо ԝе йәке чь сәр хԝә тʹәхмин дькә? У әԝе сәва ве йәке чь бькә?

1. Әԝана пе һинкьрьнед хԝә Хԝәде ча әʹйан дькьн?

Религийед ԛәлп «рʹастийа Хԝәде дәрәԝийерʹа гӧһерʹин» (Рʹомайи 1:25). Мәсәлә, гәләк религийа пәйчуйед хԝәрʹа наве Хԝәде әʹйан накьн. Ле Кʹьтеба Пирозда те готьне кӧ гәрәке наве Хԝәде бьдьнә хәбате (Рʹомайи 10:13, 14). Чахе тьштәки зӧлм дьԛәԝьмә, һьнә сәрԝеред религийа дьбежьн, ԝәки әԝ ԛьрара Хԝәде йә. Ле әԝ йәк дәрәԝ ә. Хԝәде канийа зӧлмийе у хьрабийе нинә (Бьхунә Аԛуб 1:13.) Ле йазьх, религийед ԛәлп пе дәрәԝед хԝә мәрьва жь Хԝәде дур дьхьн.

2. Әԝана пе кьред хԝә Хԝәде ча әʹйан дькьн?

Религийед ԛәлп һьндава мәрьвада ӧса ниньн чаԝа Йаһоԝа. Кʹьтеба Пироз дьбежә кӧ «гӧнед ԝе сәр һәв щи бунә гьһиштьнә һʹәта әʹзмен» (Әʹйанти 18:5). Ида бь ԛьрʹна сәрԝеред дәԝләта чь кӧ дькьн, бьн һʹӧкӧме религийада дькьн. Һьнә сәрԝеред религийа дьхԝазьн дәԝләти бьн, у жь пәйчуйед хԝә пʹәра дәʹԝа дькьн. Әԝ кьред ԝан дьдьнә кʹьфше ԝәки әԝана Хԝәде нас накьн, ләма жи изьна ԝана тʹӧнә дәрһәԛа Ԝи һин кьн (Бьхунә 1 Йуһʹәнна 4:8.)

3. Хԝәде ча хԝә тʹәхмин дькә жь бо кьред религийед ԛәлп?

Һәрге тӧ һерс дькʹәви чахе дьвини религийед ԛәлп чь дькьн, тӧ ча дьфькьри, ле Хԝәде ча хԝә тʹәхмин дькә? Әԝ мәрьва һʹьз дькә, ле һерс дькʹәвә сәр сәрԝеред религийед ԛәлп, йед кӧ дәрһәԛа ԝи нәрʹастийе һин дькьн у һьндава пәйчуйед хԝә хьраб ьн. Әԝ соз дьдә, ԝәки религийед ԛәлп ԝе бенә һьлдане «у иди тʹӧ щар» ԝе хӧйа нәбьн (Әʹйанти 18:21). Зутьрәке Хԝәде ԝе һʹәму религийед ԛәлп кʹӧта кә (Әʹйанти 18:8).

КʹУР ЛЕКОЛИН КӘ

4. Хԝәде нә һʹәму религийа ԛәбул дькә

Гәләк мәри баԝәр ьн, ԝәки религийа мина щурʹә-щурʹә рʹийа нә, кʹижан кӧ дьбьн бәрбь Хԝәде. Ле гәло әԝ йәк рʹаст ә? Бьхунә Мәтта 7:13, 14, у паше әве пьрсе шеԝьр кә:

• Кʹьтеба Пироз чь дьбежә дәрһәԛа ԝе рʹе, кʹижан кӧ дьбә бәрбь жийине?

Вехә ВИДЕО, у паше әве пьрсе шеԝьр кә:

ВИДЕО: «Гәло Һʹәму Религийа Хԝәде Хԝәш Тен?»; Пʹарәк (3:22)

• Гәло Кʹьтеба Пирозда те готьне кӧ Хԝәде һʹәму религийа ԛәбул дькә?

5. Религийед ԛәлп һʹьзкьрьна Хԝәде әʹйан накьн

Религийед ԛәлп дәрһәԛа Хԝәде пе щурʹә-щурʹә метода нәрʹастийе һин дькьн. Методәкә гәләк хьраб әԝ ә, кӧ әԝана пьштгьрийа шәрʹа дькьн. Сәва кӧ мәсәләке бьвиньн, вехә ВИДЕО, у паше ван пьрса шеԝьр кә:

ВИДЕО: «Рола Дера Ԝәʹде Шәрʹе Һʹәмдьнйайейә II» (2:22)

• Ԝәʹде Шәрʹе Һʹәмдьнйайейә II, гәләк религийа пьштгьрийа чь дькьрьн?

• Тӧ чь дьфькьри дәрһәԛа ԝе йәке, кӧ дер пьштгьрийа чь дькьрьн?

Бьхунә Йуһʹәнна 13:34, 35; 17:16, у паше ван пьрса шеԝьр кә:

• Тӧ ча дьфькьри, Йаһоԝа чь сәр хԝә тʹәхмин дькә, чахе религийа пьштгьрийа шәрʹа дькьн?

• Религийед ԛәлп сәбәбед гәләк тьштед хьраб ьн. Бь ньһерʹандьна тә, жь чь те кʹьфше, ԝәки религийед ԛәлп һʹьзкьрьна Хԝәде әʹйан накьн?

6. Хԝәде дьхԝазә мәрийа жь религийед ԛәлп аза кә

Бьхунә Әʹйанти 18:4,a у паше әве пьрсе шеԝьр кә:

• Ча сәр тә һʹӧкӧм дьбә занәбуна ԝе йәке, кӧ Хԝәде дьхԝазә али ԝан мәрьва бькә, йед кӧ алийе религийа ԛәлпда һатьнә хальфандьне?

7. Бәрдәԝам кә дәрһәԛа Хԝәдейе рʹаст пебьһʹәсә

Чьма тӧ гәрәке жь бо кьред религийа ԛәлп, баԝәрийа хԝә һьндава Хԝәдеда ӧнда нәки? Бьдә бәр чʹәʹве хԝә, ԝәки кӧрʹ ширәта баве һьлнадә һʹәсаб, жь мал дьчә у дькʹәвә сәр рʹийа хьрабийе. Бав кьред кӧрʹе хԝә ԛәбул накә. Чьма ԝе нәрʹаст бә, ԝәки бав нәһәԛ кьн ԝе йәкеда, кӧ чь һатә сәре кӧрʹе ԝи?

• Чьма ԝе нәрʹаст бә әм Йаһоԝа нәһәԛ кьн жь бо кьред религийед ԛәлп у чьма әм гәрәке бәрдәԝам кьн һе незики Йаһоԝа бьн?

ТʹӘМАМКЬРЬН

Жь бо һинкьрьн у кьред религийед ԛәлп, мәрьв дәстпедькьн дәрһәԛа Хԝәде нәрʹаст бьфькьрьн. Хԝәде ԝе религийа ԛәлп кʹӧта кә.

Ԝәкʹьландьн

• Тӧ дәрһәԛа һинкьрьн у кьред религийа ԛәлп чь дьфькьри?

• Йаһоԝа сәр религийа ԛәлп ча дьньһерʹә?

• Ахьрийа религийа ԛәлп ԝе ча бә?

ҺЕ ЗЕДӘ ПЕБЬҺʹӘСӘ

Пебьһʹәсә, кӧ чьма һʹәму религийа, Хԝәде хԝәш найен.

«Гәло Һʹәму Религийа Йәк ьн? Гәло Һʹәму Религийа Мә Незики Хԝәде Дькьн?» (Готара жь малпәре)

Чьма Йаһоԝа дьхԝазә ԝәки әм тʹәви ԝан мәрьва ԝи бьһʹәбиньн, йед кӧ ԝирʹа хьзмәт дькьн?

«Гәло Әʹсә йә кӧ Баԝәрмәнд Әндәме Тʹәшкиләта Религи бә?» (Готара жь малпәре)

Кʹәшишәк религийа хԝәда кʹәтә шьке. Ле әве йәке рʹийа ԝи нәгьрт, ԝәки дәрһәԛа Хԝәде рʹастийе пебьһʹәсә.

«Чьма Кʹәшиш Дер Һишт» («Һʹьшйар Бьн!», Сьбат, 2015)

Бь сәда сала религийа тьштед нәрʹаст дәрһәԛа Хԝәде һин дькьн, жь бо чь жи гәләк мәрьва тʹьре, Хԝәде йәки зӧлм ә у бона мә хәм накә. Пебьһʹәсә, ԝәки дәрһәԛа Хԝәде кʹижан дәрәԝа бәла дькьн.

«Дәрәԝ, жь бо Кʹижани Чәтьн Дьбә Хԝәде Һʹьз Бькьн» («Бьрща Ԛәрәԝьлийе», 1 Мьждаре, 2013)