Пешхәбәра Пʹара 6

Чахе Исраели кʹәтьнә Әʹрде Создайи, коне пироз бу щийе хьзмәткьрьна рʹаст. Кʹаһин щьмәʹт һин дькьрьн, ԝәки Ԛануне хԝәй кьн, ле һʹакьма рʹебәри дьданә ԝан. Ве пʹареда, ԝе бе кʹьфше, ԝәки чаԝа сафикьрьнед мәйә шәхси дькарә сәр йед дьн һʹӧкӧм кьн. Бал һʹәму Исраелийа һәбу щабдари, чаԝа һьндава Йаһоԝа, ӧса жи һьндава йед дьн. Бьдә кʹьфше чаԝа Дәбора, Наһоми, Йәшу, Һанна, ԛиза Йәфтаһ у Самуйел сәр мәрьвед дьн һʹӧкӧм дькьрьн. Мәсәлә, мәрьвед ӧса жи һәбун, ча Рʹәхаб, Рʹутʹ, Йаел у щьмәʹта Гибонийа, йед кӧ Исраели нибун, ле йәкә пьштгьрийа Исраелийа дькьрьн, чьмки заньбун, ԝәки Хԝәде тʹәви ԝан ә.