Wә Заньбу?
Мәсәла Иса дәрһәqа «сә» дьһатә һʹәсабе беһʹöрмәткьрьн?
Зарʹ тʹәви се, һәйкәла Йунанийа йан йа Рʹомайа (чекьрьна незики qьрна йәке Б.Д.М. у qьрна дöда Д.М.)
Щарәке чахе Иса жь Исраеле дәр бу, демәк ль һәрема Рʹома Сурийайе, кʹöлфәтәкә Йунани незики Иса бу у аликʹари жь wи хwәст. Иса щаба хwәда мәсәлә ани, кʹидәре кö нәщьһу бәрамбәри «са» дьбун. Ль гора Qануна Муса кучʹьк дьһатьнә һʹәсабе һʹәйwанед нәпаqьж (Qануна Кʹаһинтийе 11:27). Дьбә кö бь wе йәке Иса хwәст әве кʹöлфәта Йунани у нәщьһуйед дьн, беһöрмәт кә?
Һәмики на. Чаwа кö Иса шагьртед хwәрʹа шьроwәкьр, нета wийә сәрәкә әw бу, кö али Щьһуйа бькә. Ләма жи әwи әв мәсәлә ани, у готә кʹöлфәта Йунани: «Әв нә рʹаст ә, wәки нане бәр зарʹа һьлдьн у бавежьнә бәр са» (Мәтта 15:21-26; Марqос 7:26). Бал Йунанийа у Рʹомайа, кучʹьк һәйwанед һʹьзкьри дьһатьнә һʹәсабе, йед кö мала wанда дьжитьн у тʹәви зарʹа дьлистьн. Ләма жи хәбәра «сә» шькьләкә назьк у һʹәwас дәрбаз дькьр. Әw кʹöлфәта Йунани готә Иса: «Бәле Хöдан, нә сә жи wан һурькед кö жь сьфра хwәйе wан дькʹәвьнә әʹрде дьхwьн?». Иса пʹайе wе да сәва баwәрийа wе у qиза wе жи qәнщ кьр (Мәтта 15:27, 28).
Ширәта Паwлосе шанди дәрһәqа сәкьнандьна гәмийе, бь аqлайи бу?
Гәмийа мәзьнә баркьри (qьрна йәке Д.М.)
Гәми сәр кʹижани кö Паwлос дьбьрьнә Италйайе, wәʹде фьртоне чу сәр бәʹре. Паwлос ширәт да wәки нәчьнә сәр бәʹре у бьсәкьньн (Кʹаред Шандийа 27:9-12). Гәло мәʹни һәбу кö рʹийа хwә бәрдәwам нәкьн?
Бәре, гәмивана рʹьнд заньбун кö мәһед зьвьстане гәләк хоф ьн сәва гәми бькʹәвә Бәʹра Навбәре. Жь 15 Мьждаре һʹәта 15 Адаре, бәʹр ча бежи дадайи бу бона гәмийа. Ле чахе Паwлос дьгот кö рʹийа хwә бьдьнә сәкьнандьне, әв йәк мәһа Илоне йан Щотмәһеда бу. Ньвискʹаре Рʹомайи бь наве Вегетиус дь кʹьтеба хwәда «Epitome of Military Science» (qьрна чара Д.М), дәрһәqа кʹәтьна ль бәʹре öса шьроwәдькә: «Һьнә мәһ баш ьн бона кʹәтьна ль бәʹре, һьнәк жи ньзани wе баш бә йан на, ле мәһед дьнда qә набә бькʹәвнә бәʹре». Вегетиус гот кö мәһед даһа баш у бе хоф дәстпедьбьн жь 27 Гöлане һʹәта 14 Илоне. Ле дö мәһед хоф дәстпедьбьн жь 15 Илоне һʹәта 11 Мьждаре у жь 11 Адаре һʹәта 26 Гöлане. Паwлос йе кö гәмиване щерʹьбанди бу, әв тьшт рʹьнд заньбу. Сәрәк у хwәйе гәмийе жи әв тьшт рʹьнд заньбун, ле йәкә ширәта Паwлос авитнә пьшт гöһе хwә. Рʹийа wан бь һурдәхwәшибуна гәмийе хьлаз бу (Кʹаред Шандийа 27:13-44).