Һин бә ԝәки дь Ԛӧльхкьрьнеда Һе Щерʹьбанди би; Бьбә Һәвал-Хьзмәткʹаре кӧ Аликʹарийе Дьдә

Әв Йәк Чьрʹа Фәрз ә: Иса фәʹм дькьр кӧ чьԛас фәрз ә, ԝәки тʹәви һәвал-хьзмәткʹар даннасин бьки. Ләма жи чахе әԝи 70 шагьртед хԝә шанд, сәва кӧ әԝана даннасин бькьн, әԝи ԝана щот-щот дьшанд (Луԛа 10:1). Һәвал-хьзмәткʹар дькарә аликʹарийа лазьм бьдә ԝи мәрьви, тʹәви кʹижани кӧ даннасин дькә, мәсәлә чахе һәвале ԝи ньшкева дькʹәвә дәрәща гьран, йан жи нькарә щаба хԝәйе мале бьдә (Ԝаиз 4:9, 10). Һәвал-хьзмәткʹар дькарә али һәвале хԝә бькә кӧ әԝ жи бьбә щерʹьбанди у щарна жи ширәте дькарә бьде, кӧ али һәвале хԝә бькә ԝәки әԝ даннасинкʹарәки баш бә (Мәтʹлк. 27:17). Әԝ ӧса жи дькарә һелана бьдә һәвале хԝә, мәсәлә чахе әԝана бәр дери сәкьнинә у һәвале ԝи даннасин дькә, һьнге һәвал-хьзмәткʹар дькарә пьштгьрийа хәбәрдана ԝи бькә (Фили. 4:8).