Һәвал-Хьзмәткʹаре Керһати бә
1. Чаԝа әм дькарьн чʹәʹв бьдьнә Паԝлосе шанди, чахе тʹәви хушк-бьра дәртен даннасинкьрьне?
1 Чахе Паԝлосе шанди, тʹәви хушк-бьра ԝәʹдә дәрбаз дькьр, әв мәщаләкә баш бу сәва ԝи, ԝәки «дьл бьдә бәр» ԝан (Рʹом. 1:12). Ле чахе тӧ тʹәви хушк-бьра дәртей даннасинкьрьне, һьнге тӧ әве мәщале дьди хәбате кӧ ԝана һелан ки у али ԝан бьки? Сәва кӧ һәвал-хьзмәткʹаре керһати би, гәрәке хԝә кәр нәки, ле дькари гьли ки кӧ чь али тә дькә ԝәки ԛӧльхкʹарәки баш би.
2. Чь әм дькарьн бькьн, сәва кӧ һәвал-хьзмәткʹаре хԝә ԛәԝи кьн, у чьрʹа әв йәк фәрз ә?
2 Ԛәԝи кә: Һьнә ԛӧльхкʹар, ԝәʹде даннасинкьрьне сәрхԝә ниньн. У әв йәк жь рʹу у дәнге ԝан те кʹьфше. Ләма жи һәгәр бь һʹәлали пʹайе ԝан бьдьн, бь ԝе йәке әме бькарьбьн ԝана ԛәԝи кьн. Ле тӧ диса ча дькари ԝана ԛәԝи ки? Бәрпьрсийарәки рʹеԝи ӧса дьбежә, ԝәки әԝ һәвал-хьзмәткʹаре хԝәрʹа, гьли дькә дәрһәԛа тьрсед кӧ дь ԛӧльхкьрьнеда щәм ԝи һәнә. У ӧса жи дьбежә кӧ чаԝа әԝ дӧа дькә сәва аликʹарийе, ԝәки бькарьбә тьрса хԝә бьтәмьринә. Ле бьраки дьн гьли дькә дәрһәԛа ԝе йәке, һәла чь али ԝи дькә ԝәки сәрхԝә бә: «Чахе әз хәбәрдане дәстпе дькьм, дьхәбьтьм кӧ бәшәра мьн әшԛ у ша бә. У щар-щара әз Йаһоԝарʹа дӧа дькьм, ԝәки әв тьштәки бьчʹук жи щәм мьн бе стандьне». Ле гәло чь али тә кьрийә, кӧ тӧ дь ԛӧльхкьрьнеда сәрхԝә у ԛәԝи би? Дәрһәԛа ве йәке дькари һʹәвал-хьзмәткʹаре хԝәрʹа ԝәʹде даннасинкьрьне гьли ки.
3. Тӧ чь дькари бежи һәвал-хьзмәткʹаре хԝәрʹа, сәва кӧ али ԝи бьки кӧ дь ԛӧльхкьрьнеда һе щерʹьбанди бә?
3 Бежә Дәрһәԛа Методед Даннасинкьрьне: Ԝәдʹе даннасинкьрьне тә ԛә пьрсәкә, йан жи пешхәбәрәкә һеса дайә хәбате, йе кӧ рʹьнд дь мьһала тәда ль сәр мәрийа һʹӧкӧм кьрийә? Чь кʹарәкә баш ани әԝ йәк, чахе тә пешанинәкә хԝә дайә хәбате? Дәрһәԛа ван тьшта һәвал-хьзмәткʹарә хԝәрʹа бежә (Мәтʹлк. 27:17). Чахе тӧ дьчи сәрледана дӧбарә бьки, һәвал-хьзмәткʹаре хԝәрʹа гьли кә, дәрһәԛа ԝе йәке һәла тә чь пешхәбәр һазьр кьрийә, у чаԝа дьхԝази әве йәке бьди хәбате. Паши һинкьрьна Кʹьтеба Пироз, тӧ дькари һәвал-хьзмәткʹаре хԝәрʹа шьроԝәки кӧ тә чьрʹа готар, рʹез йан жи метода һинкьрьнейә ви щурʹәйи, жьбарт.
4. Чьрʹа әм гәрәке бьхԝазьн, кӧ али һәвал-хьзмәткʹаред хԝә бькьн?
4 Даннасинкʹаред ԛӧрна йәке нә кӧ тʹәне дьхԝәстьн али нәбаԝәра бькьн. Ле әԝана ӧса жи фәʹм дькьрьн ԛимәта һәв-һеланкьрьне у ԛәԝикьрьне (Кʹар.Шанд. 11:23; 15:32). Паԝлосе шанди, Тимотʹейо щаһьл һин дькьр, у әԝ һелан дькьр, ԝәки әԝ тьштед кӧ һин бу, йед дьненарʹа жи гьли кә (2 Тимтʹ. 2:2). Чахе әм бир накьн ԝәʹде даннасинкьрьне дәрһәԛа тьштед жоре готи тʹәви һәвал-хьзмәткʹаред хԝә хәбәр дьн, бь ԝе йәке әм шабуна ԝан зедә дькьн. Әм ӧса жи али ԝан дькьн кӧ дь ԛӧльхкьрьнеда керһати бьн, у әм хԝәха жи дьле Баве хԝәйи әʹзмана ша дькьн (Ибрн. 13:15, 16).