Кʹьтеба Пироз Дәрһәԛа Мәрʹданийе Чь Дьбежә?
Щаба Кʹьтеба Пироз
Кʹьтеба Пироз дьбежә кӧ мәрьв гәрәке бь нетәкә рʹаст мәрʹд бә у пʹешкʹеша бькә. Һьнге нә тʹәне әве кӧ пʹешкʹеше дьстинә ԝе ша бә, ле ӧса жи йе кӧ дьдә (Мәтʹәлок 11:25; Луԛа 6:38). Иса гот: «Хԝәзи ль дайийа, нә кӧ ль стандийа» (Кʹаред Шандийа 20:35).
Мәрʹданийа бь чь нети дьле Хԝәде хԝәш те?
Хԝәде хԝәш те гава әм бь рʹәзәдьли тьштәки дькьн. Хәбәра ԝи дьбежә: «Дьле һәр кәсирʹа чьԛас дәрбаз дьбә, бьра һаԛаси жи бьдә, нә кӧ бьдә ле дьле ԝи пәй бә йан бь борщдарийе бә, чьмки Хԝәде йе бь дьл у әшԛ дьдә һʹьз дькә» (2 Корьнтʹи 9:7).
Мәрʹдани һʹӧнӧре ԝан мәрьва йә, религийа кʹижана «рʹаст у беԛӧсур ә» (Аԛуб 1:27). Әм дькарьн мәрьве дәствәкьри кӧ аликʹарийа дьдә кәсед дьн, һʹәсаб кьн ча һәвалхәбаткʹаре Хԝәде, у Хԝәде һʹәсаб дькә кӧ әԝ дәйндаре ԝи мәрьви йә (Мәтʹәлок 19:17). Кʹьтеба Пироз дьбежә кӧ Хԝәде ԝе әʹсәйи мәрьве дәствәкьри кʹәрәм бькә (Луԛа 14:12-14).
Мәрʹданийа чь щурʹәйи дьле Хԝәде хԝәш найе?
Һәрге мәрьв бь нетәкә нәрʹаст у ԛәлп тьштәки дьдә. Бәʹса хәбәре әԝ дьхԝазә:
дина мәрьва бькʹьшинә сәр хԝә (Мәтта 6:2).
дәԝсе тьштәки бьстинә (Луԛа 14:12-14).
хьлазбуне ԛазанщ кә (Зәбур 49:6, 7).
Һәрге мәрьв бь мәрʹданийа хԝә, кәсед дьн һелан дькә бәрбь рʹабун-рʹуньштьн у хәйсәтед нәрʹаст кʹижана кӧ Хԝәде ԛәбул накә. Мәсәлә ԝе нәрʹаст бә пʹәра бьдьнә ԝи мәрьви, йе кӧ ԝе ван пʹәра сәр хӧмарлистьне, щьхаре йан наркотика хәрщ кә (1 Корьнтʹи 6:9, 10; 2 Корьнтʹи 7:1). Ӧса жи ԝе нәрʹаст бә пе пʹәра али ԝи мәрьви бькьн йе кӧ дькарә әʹбура хԝә бькә, ле нахԝазә бьхәбьтә (2 Тʹесалоники 3:10).
Һәгәр мәрьв борщдарийед хԝә йед кӧ Хԝәде данә ԝи, найнә сери. Кʹьтеба Пироз дьбежә кӧ сәред малбәте гәрәке әʹбура малбәта хԝә бькьн (1 Тимотʹейо 5:8). Ләма жи нәрʹаст ә һәрге әԝ дькʹәвә һʹәйра хәлԛе, у зьраре дьдә нәфәре хԝә. Иса ԝан мәрьва сущдар кьр, йед кӧ нәдьхԝәстьн де-баве хԝә йед әʹмьрда мәзьн хԝәй бькьн, у хԝә софи дькьрьн кӧ һәбука ԝан «дийарик ә кӧ Хԝәдерʹа те дайине» (Марԛос 7:9-13).