Бь сайа Кʹьрине, Мәщала Сахкьрьне Чебу

Евара Биранине мәщәләкә баш мәрʹа дьдә, сәва кʹур бьфькьрьн дәрһәqа кʹәрәмед ахьрийе, йед кӧ бь сайа кʹьрине һатә стандьн. Мәсәлә, сахкьрьн. Qьрара Йаһоwа нибу кӧ бәндә бьмьрә. Ләма жи гәләк гьран сәр дьле мә рʹудьне у дьбә кʹәдәр, чахе әм шина мәрьвед хwәйә незик дькьн (1 Кр. 15:26). Чахе Иса дит, кӧ шагьртед wи шина Лазар дькьн, һьнге кʹәсәра кʹур һате (Йн. 11:33-35). Әм заньн кӧ Иса мина Баве хwәй йә, ләма жи әм дькарьн баwәр бьн, кӧ дьле Йаһоwа жи дешә, чахе әw дьвинә кӧ чаwа әм шина мәрьвед хwәйә незик дькьн (Йн. 14:7). Йаһоwа һьзрәта wи wәʹдәйи йә, чахе кӧ хьзмәткʹаред хwә вәгәрʹинә жийине. У әwе әʹсәйи әве йәке бькә (Иб. 14:14, 15).

Йаһоwа Хwәдайе тʹәрбәт ә, у ләма жи әм дькарьн баwәр бьн, кӧ сахкьрьн жи wе бь тʹәрбәти бә (1 Кр. 14:33, 40). Әме нә кӧ ль сәр шина мәрийа тʹоп бьн, ле тʹоп бьн сәва кӧ бь шабуне сьлав кьн мәрьвед сахкьри. Тӧ дьфькьри дәрһәqа сахкьрьне, илаһи wи чахи, гава шина кәсәки дьки? (2 Кр. 4:17, 18). Тӧ спасийа хwә Йаһоwарʹа дьди кʹьфше, кӧ әw пʹешкʹеша кʹьрине да мә? У тӧ спасдар и кӧ әw жь Ньвисаред Пироз мәрʹа әʹйан кьр, wәки мьри wе диса бьжин? (Кл. 3:15).

• Жь һәвал у мәрьвед хwәйә незик, тӧ илаһи ке дьхwази диса бьвини?

• Жь хьзмәткʹаред Хwәдейә бәре, тӧ илаһи кʹе дьхwази бьвини у хәбәр ди?