Али Малбәта Хwә Бькә кö Йаһоwа Бир Нәкә

Йерәмйарʹа һатьбу готьне, wәки әw әʹлами Щьһуйа бькә дәрһәqа кʹöтакьрьна wан, чьмки wана Хwәдайе хwә Йаһоwа, бир кьр (Йерәм. 13:25). Гәло чаwа щьмәʹт Йаһоwа бир кьр у рʹöһʹанида сьст бу? Малбәтед Исраели йәкти у рʹöһʹанийа хwә öнда кьрьн. Әʹшкәрә бу wәки малхед мале пәй wе рʹебәрийа Йаһоwа нәдьчун, дәрһәqа кʹижани кö дь Qануна Дöщари 6:5-7-да те готьне.

Малбәтед рʹöһʹанида qәwи, аликʹарийе дьдьнә щьватед мә, wәки әв жи qәwи бә. Малхед мале дькарьн али нәфәред хwә бькьн кö әwана Йаһоwа бир нәкьн. Әв те һʹәсабе wәки әwана тʹьме, керһати дәрбаз дькьн Qöльхкьрьна Тʹәви Малбәте (Зәб. 22:27). Паши wе йәке ча һуне бьньһерʹьн видео «Әw Хәбәр Бьра Дьле Wәда бьн», щаба wан пьрса бьдьн:

• Чаwа һьнә малбәт карьбун чәтьнайед хwә бьдьнә алики, сәва кö тʹьме qöльхкьрьна тʹәви малбәте дәрбаз кьн?

• Әм чь кʹаре дьстиньн чахе тʹьме дәрбаз дькьн Qöльхкьрьна Хwәйә Тʹәви Малбәте?

• Чахе гәрәке qöльхкьрьна тʹәви малбәте дәрбаз кьм, чь чәтьнайи рʹасти мьн тен у чаwа әз дьхwазьм әве дәрәще сафи кьм?