ДӘРСА 02
Кʹьтеба Пироз Һевийе Дьдә Мә
Иро проблемед гәләк мәрийа һәнә жь бо чь жи әԝана дьлтәнг дьбьн, дьчәрчьрьн у еша дьл дькʹьшиньн. Дьбәкә тӧ жи кʹәтьбуйи һʹаләкә ӧса. Дьԛәԝьмә тӧ нәхԝәшийа гьран кʹәти, йан жи мәрьве тәйи незик мьрийә у тӧ дьлтәнг и. Дьбәкә щәм тә пьрс пешда те: «Гәло жийина мә ԝе алийе башда ԛә бе гӧһастьне?» Кʹьтеба Пироз сәр ве пьрсе щаба керһати дьдә.
1. Кʹьтеба Пироз дәрһәԛа ахьрийе чь һевийе дьдә мә?
Кʹьтеба Пироз нә тʹәне шьровәдькә кӧ нав тʹәмамийа дьнйайе чьрʹа һаԛас чәтьнайи һәнә, ле ӧса жи дьбежә кӧ әԝ чәтьнайи ԝәʹдәлу нә у зутьрәке ԝе кʹӧта бьн. Кʹьтеба Пироз «һевийе у ахьрийа баш» соз дьдә (Бьхунә Йерәмйа 29:11, 12). Әԝ соз али мә дькьн проблемед хԝәда сәбьр кьн, ньһерʹандьна рʹаст хԝәй кьн у ньһада бәхтәԝар бьн.
2. Кʹьтеба Пироз чь щурʹә ахьри соз дьдә?
Кʹьтеба Пирозда те готьне, кӧ «иди мьрьне тʹӧнәбә, нә шин, нә гьри, нә еш-ешук» (Бьхунә Әʹйанти 21:4). Әԝ чәтьнайи жь бо кʹижана мәрьв һевийа хԝә ӧнда дькьн, мәсәлә кʹәсиббун, нәрʹасти, нәхԝәши у мьрьн ԝе ида тʹӧнә бьн. Кʹьтеба Пироз соз дьдә, кӧ мәрьв Щьнәтеда сәр әʹрде ԝе жь әʹмьре һʹәта-һʹәтайе шабуне бьстиньн.
3. Тӧ ча дькари баԝәр би кӧ созед Кʹьтеба Пироз ԝе бенә сери?
Гәләк мәрьв һивийе нә кӧ һʹале ԝан ԝе хԝәш бә, ле әԝана нькарьн әве йәке сәд сәләфи баԝәр кьн. Ле Кʹьтеба Пироз һевийа мә ԛәԝи дькә. Чахе әм «ньвисарада кʹур» дьбьн, баԝәрийа мә дьшьдә (Кʹаред Шандийа 17:11). Ԝәʹде һинбуна Кʹьтеба Пироз тӧ дькари һеса тедәрхи, ԝәки чь кӧ Кʹьтеба Пироз дәрһәԛа ахьрийе дьбежә рʹаст ә йан на.
КʹУР ЛЕКОЛИН КӘ
Ԝәʹде леколине дина хԝә бьдә ԝан тьшта, чь кӧ Кʹьтеба Пироз дәрһәԛа ахьрийе соз дьдә у пебьһʹәсә кӧ ча һевийа жь Кʹьтеба Пироз иро али мәрийа дькә.
4. Кʹьтеба Пироз соз дьдә ԝәки әме һʹәта-һʹәтайе бе чәтьнайа бьжин
Дина хԝә бьдә созед кӧ Кʹьтеба Пироз дьдә. Жь ԝана кʹижан соз дьле тә дьгьрә у чьрʹа?
Бьхунә рʹезед жь Кʹьтеба Пироз кӧ жере һатьнә дайине у ԝан пьрса шеԝьр кә:
Тӧ ча дьфькьри, әԝ рʹез дькарьн кʹаре бьдьнә тә? Ле малбәт у һәвалед тә дькарьн жь ԝан рʹеза кʹаре бьстиньн?
Бьдә бәр чʹәʹве хԝә кӧ тӧ дьнйа тʹәзәда ни, кʹидәре:
ТʹӦ КӘС ԜЕ . . . |
ҺӘР КӘС ԜЕ . . . |
|---|---|
|
|
|
|
|
|
|
|
|
|
5. Һевийа жь Кʹьтеба Пироз дькарә жийина мә бәхтәԝар кә
Гәләк мәрьв дьлтәнг у сәрт бунә жь бо проблемед дәр-доре хԝә. Һьнәк жь ԝан жи гәләк ԛәԝате дьдьнә хәбате ԝәки һʹале хԝә баш кьн. Бьньһерʹьн кӧ ча әԝ созе Кʹьтеба Пироз кӧ ахьри ԝе баш бә, ида иро али мәрьва дькә. Вехә ВИДЕО у паше ԝан пьрса шеԝьр кә:
Ча видеода һатә кʹьфше, Рафика рʹасти чь нәһәԛийе һат?
Рʹастә әԝ нәһәԛийа кӧ әԝе дьдит хьлаз нәбу, ле Кʹьтеба Пироз ча али ԝе кьр?
Һевийа кӧ Кʹьтеба Пироз дәрһәԛа ахьрийе дьдә, дькарә али мә бькә кӧ дьлтәнг нәбьн у һәла һе нава чәтьнайада жи шабуна хԝә ӧнда нәкьн. Бьхунә Мәтʹәлок 17:22 у Рʹомайи 12:12, у паше ԝан пьрса шеԝьр кә:
Тӧ баԝәр дьки кӧ һевийа жь Кʹьтеба Пироз дькарә жийина тә бәхтәԝар кә? Чьрʹа?
ҺЬНӘ МӘРЬВ ДЬБЕЖЬН: «Чь кӧ Кʹьтеба Пироз дәрһәԛа ахьрийе соз дьдә, нәреали йә.»
Бь тʹәхмина тә чьрʹа фәрз ә тӧ хԝәха леколин бьки у избат би кӧ созед Кʹьтеба Пироз рʹаст ьн?
ТʹӘМАМКЬРЬН
Хәбәра Хԝәде дәрһәԛа жийина баш, диса гәләк созед дьн дьдә. Әԝ йәк ида ньһа һевийе дьдә мә у жийина мә дьһа бәхтәԝар дькә.
Ԝәкʹьландьн
Чьрʹа мәрьв һʹәԝще һевийе нә?
Кʹьтеба Пироз дәрһәԛа ахьрийе чь дьбежә?
Һевийа дәрһәԛа ахьрийе ча ида ньһа дькарә али тә бькә?
ҺЕ ЗЕДӘ ПЕБЬҺʹӘСӘ
Һе зедә дәрһәԛа ԛәԝата һевийе пебьһʹәсә.
«Гәло Һеви Дькарә бь Рʹасти Аликʹарийе Бьдә?» («Һʹьшйар Бьн!», 22 Нисане, 2004)
Пебьһʹәсә кӧ чаԝа һевийа дәрһәԛа ахьрийе али ԝан дькә, йед кӧ бь нәхԝәшийа кʹроники нәхԝәш ьн.
«Нәхԝәшийа Кʹроники; Гәло Кʹьтеба Пироз Дькарә Аликʹарийе Бьдә?» (Готара жь малпәре)
Чахе тӧ әве видео мьԛаме бьньһерʹи, бьдә бәр чʹәʹве хԝә кӧ тӧ у малбәта тә Щьнәтеда ньн у жийина хԝәрʹа ша дьбьн.
Бьхунә дәрһәԛа активистәки, кʹижан кӧ гава дәрһәԛа һевийа ахьрийе пеһʹәсийа, жийина хԝә гӧһаст.
«Ньһа Әз Ида Нафькьрьм, кӧ Гәрәке Дьнйайе Бьгӧһезьм» («Бьрща Ԛәрәԝьлийе», 1 Тирмәһе, 2013)