Дьлшәԝат бьн

Мәсәла Иса

ВИДЕО: Дьле Иса сәр Әʹлаләте Дьшәԝьтә

1. Бьньһерʹьн ВИДЕО, йан жи бьхуньн Маркос 6:30-34. Паше ван пьрса шеԝьр кьн:

1. а. Чьрʹа Иса у шагьртед ԝи дьфькьрин, ԝәки дькарьн «һәрʹьн щики хәԝлә» һеса бьн?

2. б. Чь Иса һелан кьр, ԝәки әʹлаләте һин кә?

Әм жь Иса Чь Һин Дьбьн?

2. Дьлшәԝати али мә дькә нә тʹәне шәʹдәтийе бьдьн, ле ӧса жи бона мәрьва хәм бькьн.

Чʹәʹв Бьдьнә Иса

3. Рʹьнд гӧһ бьдьн. Бьра мәрьв фькьред хԝә бежә. Гава әԝ бәʹса фькьр йан проблемәкә хԝә дькә, йан жи гава тʹәви һьнә тьшта ԛайил набә, дәрберʹа гьлийед ԝи нәбьрʹьн. Чахе һун рʹьнд гӧһ дьдьнә ԝи, бь ве йәке һун дьдьнә кʹьфше, ԝәки фькьред ԝи һьлдьдьн һʹәсаб.

4. Дәрһәԛа мәрьв бьфькьрьн. Ль гора хәбәрдана ԝә, жь хԝә бьпьрсьн:

1. а. «Чьрʹа әԝ һʹәԝще рʹастийе йә?»

2. б. «Чаԝа һинбуна Кʹьтеба Пироз ԝе һьм ньһа, һьм жи ахьрийеда жерʹа кʹаре бинә?»

5. Дәрһәԛа ван тьшта мәрьврʹа хәбәр дьн, чь кӧ ԝе жерʹа кʹаре бинә. Чьԛас зу һаԛас ԝе баш бә, һәрге һун жерʹа нишан кьн, кӧ чаԝа һинбуна Кʹьтеба Пироз дькарә щаба пьрсед ԝи бьдә у жийина һәррʹожида али ԝи бькә.