К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • lv рʹупʹ. 209–рʹупʹ. 211 абз. 2
  • Чьрʹа у Чьчах Хушк Гәрәке Сәре Хwә Гьредьн?

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Чьрʹа у Чьчах Хушк Гәрәке Сәре Хwә Гьредьн?
  • «Хԝә нава Һʹәзкьрьна Хԝәдеда Хԝәй кә»
  • Т′емед Мина Wе
  • Ԛӧтʹийа Пьрса
    Ԛӧльхкьрьна Мәйә Пʹадшатийе 2013
  • Сәре Щьвате Мәсиһ ә
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2021
«Хԝә нава Һʹәзкьрьна Хԝәдеда Хԝәй кә»
lv рʹупʹ. 209–рʹупʹ. 211 абз. 2

ӘʹЛАМӘТИЙА ЗЕДӘ

Чьма у Чьчах Хушк Гәрәке Сәре Хwә Гьредьн?

Ль гора Кʹьтеба Пироз чьрʹа у чьчах хушк гәрәке сәре хwә гьредьн? Wәрен әм бьньһерʹьн, һәла Паwлосе шанди дәрһәqа ве йәке, кʹа чь ньвисийә жь бина бәр Хwәде. Әw мәрʹа рʹебәрийа лазьм дьдә, wәки әм бькарьбьн сафикьрьнед рʹаст бькьн, йед кö Хwәде һöрмәт дькьн. Дь 1 Корьнтʹи 11:3-16-да, Паwлос дәрһәqа 3 тьшта гьли дькә, чь кö әм гәрәке һьлдьн һʹәсаб: (1) кʹижан шьхöлада хушк гәрәке сәре хwә гьредә, (2) чь дәрәщада гәрәке әве йәке бькә, у (3) жь бо чь мәʹнийа әw гәрәке öса бькә.

Жьн Мәсиһи сәре хwә гьредайә wәʹде дәрбазкьрьна һинбун Кʹьтеба Пироз кʹидәре кö мере ве жи йә

Шьхöл. Паwлосе шанди хәбәр дьдә дәрһәqа дö шьхöла: дöакьрьн у пʹехәмбәртикьрьн (Рʹезед 4, 5). Дöакьрьн, әв һәйә хәбәрдана һöрмәти тʹәви Йаһоwа. Ле пʹехәмбәртикьрьн, рʹожа иройин те һʹәсабе һәр һинкьрьна ль сәр һʹиме Кʹьтеба Пироз, йе кö Мәсиһи дәрбаз дькьн. Гәло Паwлос дьхwәст бьгота, кö, чахе жьн дöа дькә йан жи мәрийа һин дькә дәрһәqа рʹастийа жь Кʹьтеба Пироз, гәрәке һәр гав сәре хwә гьредә? На. Әw тʹәне һьнә дәрәщада гәрәке öса бькә.

Дәрәщә. Паwлос дәрһәqа дö дәрәща дьбежә: малбәт у щьват. Әw дьбежә: «Сәре жьне мер ә . . . һәр кʹöлфәта кö сәрqот дöа йан пʹехәмбәртийе дькә, әw сәре хwә беһöрмәт дькә» (Рʹезед 3, 5). Йаһоwа мер кʹьфш кьрийә ча сәре жьне. Әw кʹöлфәт йа кö сәрwертийа мере хwә qәбул накә, у щабдарийа кö Йаһоwа дайә дәсте мер һьлдьдә дәсте хwә, мере хwә беһöрмәт дькә у дьдә шәрме. Мәсәлә, һәрге лазьм ә кö хушк һинбуна Кʹьтеба Пироз дәрбаз кә, ле мере wе ль wе дәре йә, һьнге әw гәрәке сәре хwә гьредә wәки нишан кә кö сәрwерийа мере хwә qәбул дькә. Фьрqи тʹöнә мере wе һатийә ньхöмандьне йан на, әw гәрәке сәре хwә гьредә, чьмки мер сәре малбәте йә.a Һәрге хушк дöа дькә йан жи һинбуна Кʹьтеба Пироз дәрбаз дькә, у кöрʹе wейи ньхöманди wе дәре йә, фьрqи тʹöнә әw гьһишти йә йан на, хушк гәрәке сәре хwә гьредә, нә кö жь бо wе йәке кö кöрʹ сәре малбәте йә, ле чьмки дь щьвата мәсиһийада сәрwери һатийә дайине меред ньхöмандирʹа.

Дәрһәqа щьвате Паwлос дьбежә: «Һәрге йәк бьхwазә ве йәкерʹа бькʹәвә дәʹwе, әʹдәтәки мәйи дьн тʹöнә у нә жи йе щьвинед Хwәде» (Рʹеза 16). Дь щьвата Мәсиһийада, сәрwерти меред ньхöмандирʹа те дайине (1 Тимотʹейо 2:11-14; Ибрани 13:17). Тʹәне бьра тенә кʹьфшкьрьне чаwа рʹуспийед у бәрдәстийед щьвате, кʹижанарʹа кö щабдари жь Хwәде те дайине, wәки хәм бькьн дәрһәqа кәрийед пәзед Хwәде (Кʹаред Шандийа 20:28). Ле щарна дәрәщед öса жи дькарьн һәбьн, чахе жь хушка те дәʹwакьрьне wәки әwана wи шьхöли бькьн, йед кö бьред щерʹьбанди у ньхöманди гәрәке бькьрана. Мәсәлә, һәрге бьре ньхöманди йе щабдар тʹöнә, һьнге хушк дькарә щьвата сәва хьзмәткьрьне дәрбаз кә. Öса жи хушк дькарә бәр бьре ньхöманди һинбуна Кʹьтеба Пироз дәрбаз кә, кʹижан кö пешда һатьбу саз кьрьне.b Дәрәщед öсада хушк гәрәке öса бькә чаwа кö дь щьватеда wе бькьра. Демәк гәрәке сәре хwә гьредә. Бь wе йәке хушк wе бьдә кʹьфше кö qәбул дькә әwе сәрwертийе кʹижан кö мерарʹа һатийә дайине.

Хенщи wе йәке, диса гәләк дәрәщә һәнә, чахе хушк wәʹде хьзмәткьрьна Хwәдерʹа сәре хwә гьре надә. Мәсәлә, әв сәре хwә гьре надә, чахе щаба хwә ль сәр щьвата дьдә, йан жи чахе мал бь мал хьзмәт дькә тʹәви мере хwә, йан жи тʹәви бьре ньхöманди, әw öса жь сәре хwә гьре надә чахе тʹәви зарʹед хwәйи нәньхöманди һинбуне дәрбаз дькә у дöа дькә. Һәмьки жь бо ве йәке, диса гәләк пьрс дькарьн пешда бен, у һәрге хушк дь wан пьрсада дöдьли йә, әв дькарә һе зедә леколина бькә.c Һәрге хушк диса жи дöдьли йә у исафа wе һелан дькә wе кö сәре хwә гьре дә, дь ве йәкеда тьштәки нәрʹаст тʹöнә.

Мәʹни. Жь рʹеза 10 әм дö мәʹнийа дьбиньн, кö чьрʹа лазьм ә wәки хушк сәре хwә гьре дьн. «Гәрәке кʹöлфәт сәргьредайи бә, чаwа нишана бьн һʹöкöмда, бона мьлйакʹәтед кö дьбиньн». Йа пешьн, дина хwә бьдә ль сәр гьлийе «нишана бьн һʹöкöмда». Чахе хушк сәре хwә гьре дьдьн, бь ве йәке әw дьдьнә кʹьфше кö qәбул дькьн wе сәрwертийе, йа кö Йаһоwа сәва меред ньхöманди дь щьватеда кʹьфш кьрийә. Һәйнәсәр әwана һʹьзкьрьн у амьнийа хwә һьндава Йаһоwа Хwәде нишан дькьн. Мәʹнийа дöда әм жь wан гьлийа дьбиньн, «бона мьлйакʹәта». Гәло чахе хушк сәре хwә гьре дьдә, бь ве йәке әw чь щурʹәйи дькарә ль сәр мьлйакʹәта һʹöкöм кә?

Мьлйакʹәт бь һʹәwас дьньһерʹьн пәй wе йәке кö чаwа ль сәр әʹзмана у ль сәр әʹрде гöрʹа сәрwертийа Йаһоwа дькьн. Бь wе йәке әwана жи кʹаре дьстиньн жь мәсәла мәрьвед гöнәкʹар. Нә ахьр wанарʹа жи лазьм ә кö гöрʹа Йаһоwа бькьн у хwә ль рʹебәрийа wи бьгьрьн. Ча әм заньн wәʹде бәре һьнә мьлйакʹәт амьн нәман (Щьһуда 6). Мьлйакʹәт дьбиньн, кö щарна хушк жь бьре ньхöманди дьһа щерʹьбанди нә у аqьл ьн, йан жи һе зедә бь фәрәсәт ьн, ле йәкә әwана бь һазьрбуне гöһдарийа хwә һьндава сәрwертийа wан бьра дьдьнә кʹьфше. Öса жи һәнә хушкед кö рʹункьри нә. Чахе әwана ль ахьрийе тʹәви Иса ль әʹзмана сәрwерийе бькьн, әwана жь мьлйакʹәта wе дьһа бьльндтьр бьн. Ле иро әwана гöрʹа бьред кʹьфшкьри дькьн. Бь рʹасти жи, әв мәсәләкә баш ә сәва мьлйакʹәта! Ча те кьфше мәщаләкә пʹьрʹ мәзьн һәйә бона һʹәму хушка, wәки бь рʹабун-рʹуньштандьна хwә у амьнйа хwә, бәр чʹәʹве милйона мьлйакʹәта гöһдарибуна хwәйә бь дьл бьдьнә кʹьфше.

a Чаwа кö qәйдә йә, жьна мәсиһи бь дәнге бьльнд гәрәке бәр мере хwәйи Шәʹде Йаһоwа дöа нәкә. Әw тʹәне һьнге әве йәке дькарә бькә, чахе жь бо нәхwәшийе, мере wе нькарә хәбәр дә.

b Хушкрʹа нәлазьм ә сәре хwә гьре дә, чахе әw дәрбаз дькә һинбуна Кʹьтеба Пироз дәрһәqа кʹижани кö пешда һатьбу хәбәрдане у кö һәрге wе дәрәщеда хьзмәткʹаре нәньхöманди йә йе кö мере wе нинә.

c Һе зедә әʹламәти дәрһәqа ве йәке, дькарьн бьньһерʹьн «Бьрща Qәрәwьлийе», 15 Сьбате сала 2015, рʹупʹела 30; 15 Тирмәһе сала 2002, рʹупʹела 26–27, у 15 Сьбате сала 1977, рʹупʹела 125–128 (инглизи).

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн