ТʹЕМА ЖЬ РʹУЙЕ ЖУРНАЛЕ | ҺУН ДЬКАРЬН ФӘʹМ КЬН КʹЬТЕБА ПИРОЗ
Фәʹмкьрьна Кʹьтеба Пироз Чь Кʹаре Тинә?
«Кʹьтеба Пироз кʹьтеба религи йә, кʹижан кӧ бәлабуйи йә. Ле әԝ кʹьтеб бона Чинайа хәриб ә у мәхсус нинә» (ЛИН, ЧИН).
«Әз кʹьтеба хԝәйә пирозә религи йа Һьнди фәʹм накьм, ижа әзе ча Кʹьтеба Пироз фәʹм кьм?» (АМИТ, ҺЬНДЬСТАН).
«Әз ԛәдьре Кʹьтеба Пироз дьгьрьм ча кʹьтеба кәвьн у мьн бьһистийә кӧ әԝ кʹьтеб жь һʹәмушка зәʹфтьр те кʹьрʹине. Ле мьн хԝәха әԝ кʹьтеб ԛә нә дитийә» (ЙУМИКО, ЖАПОНЙА).
Гәләк мәрьв нава тʹәмамийа дьнйайе һьндава Кʹьтеба Пироз ԛәдьр дьдьн кʹьфше. Ле чь кӧ Кʹьтеба Пирозда ньвисар ә, әԝана һьндьки заньн дәрһәԛа ԝе йәке. Әԝе йәке әм дькарьн бежьн дәрһәԛа ԝан бь милйона мәрьва йед кӧ Асйайеда дьжин, у ӧса жи дәрһәԛа гәләк ԝан ԝәлата, кʹидәре кӧ Кʹьтеба Пироз гәләк бәлабуйи йә.
Ле дьбәкә һун жь хԝә бьпьрсьн: «Әзе чь кʹаре бьстиньм һәрге Кʹьтеба Пироз фәʹм кьм?» Фәʹмкьрьна ве кʹьтеба мәхсус, дькарә али ԝә бькә дь ԝан тьштада, мәсәлә:
Ча бәхтәԝар бьн
Ча проблемед малбәта хԝә сафи кьн
Ча хәмгин нәбьн
Ча һәләԛәтийа хԝә тʹәви мәрьва баш кьн
Ча бь билани пʹәра хәрщ кьн
Әм бьньһерʹьн мәсәла Йошико жь Жапонйайе: Ԝерʹа һʹәԝас бу бьзаньбә кӧ чь ньвисар ә дь Кʹьтеба Пирозда, у әԝе сафи кьр кӧ хԝәха Кʹьтеба Пироз бьхунә. Әԝе йәке чь кʹар ани? Әԝ дьбежә: «Кʹьтеба Пироз али мьн кьр, кӧ мьн фәʹм кьр чь йә нета әʹмьр у ида әз бе гӧман нибум». Амит, дәрһәԛа кʹижани жоре һатьбу готьне, сафи кьр кӧ хԝәха Кʹьтеба Пироз леколин бькә. Әԝи гот: «Әз гәләк әʹщебмайи мам. Кʹьтеба Пироз бона һʹәмушка информасийа керһати дьдә».
Кʹьтеба Пироз әʹщеб һʹӧкӧм буйә сәр әʹмьре бь милйона мәрьва. Һун жи дькарьн хԝәха леколин бькьн Кʹьтеба Пироз у бьвиньн кӧ чаԝа әԝ дькарә ԝәрʹа жи кʹаре бинә.