Жийина Нәдәwләти Шабуне Тинә
ДАНИЕЛ У МИРИАМЕ һәв стандьн мәһа Илоне сала 2000, у әwана Барселонеда (Испанйа) бь әʹмьре рʹьһʹәт у комфорт дьжитьн. Даниел гьли дькә: «Мә хwәрʹа рʹьнд дьжит. Хәбата мә öса баш бу кö мә хwарьн ресторанед бьһада дьхwар, щурʹә-щурʹә wәлатада хwәрʹа һеса дьбун, у кʹьнще бьһа хwә дькьр. Әм öса жи тʹьме дьчунә хьзмәтийе». Ле паше тьштәк qәwьми кö әʹмьре wан һатә гöһастьне.
Сәр щьвата мәзьн йа сала 2006, Даниел готареда гьлийед öса бьһист кö дьле wи гьртьн. Готареда пьрс һатә дайине: «Гәло һун һәр тьшти дькьн сәва ‹йед кöштьнерʹа дайи› биньн сәр рʹийа жийина һʹәта-һʹәтайе?» (Мәтʹлк. 24:11) Ве готареда һатә шьровәкьрьне кö әм борщдар ьн сәва мьзгинийа Кʹьтеба Пироз әʹлами мәрьва бькьн, чьмки әʹмьре wан ве йәкева гьредайи йә (Кʹар. Шанд. 20:26, 27). Даниел дьбежә: «Мьн тʹьре Йаһоwа тʹәви мьн хәбәр дьда». Ве готареда öса жи дьһатә готьне, кö чахе әм хьзмәтийа Хwәдеда гәләк кʹар дькьн, әм дьһа бәхтәwар дьбьн. Даниел заньбу wәки әw йәк öса нә, чьмки Мириаме кö ида ча пешәнг хьзмәт дькьр гәләк бәхтәwар бу.
Даниел дьбежә: «Мьн фәʹм кьр wәки әз гәрәке әʹмьре хwә лаптә бьгöһезьм». У әwи öса жи кьр. Әwи сьһʹәтед хәбата хwә кем кьр, дәстпекьр ча пешәнг хьзмәт кә. Әw öса жи дьфькьри кö тʹәви Мириаме дәрбази wи щийи бә, кʹидәре кö һʹәwщәтийа мьзгинвана һәйә.
ПЕШИЙЕ ЧӘТЬНАЙИ, ПАШЕ ӘʹЛАМӘТИЙА ПʹЬРʹ ША
Мәһа Гöлане сала 2007, Даниел у Мириаме хәбата хwә һиштьн у дәрбази Панамайе бун, кʹидәре кö щарәке әwана ида чубун. Гьравед Бәʹра Карибе нава територийа wанда бун. Ль wедәре һʹәчʹи зәʹф щьмәʹта Гоами дьжин. Даниел у Мириам дьфькьрин, wәки бь пʹәре кö wана хwәрʹа тʹоп кьрийә, дькарьн Панамайеда wәкә һʹәйшт мәһа бьминьн.
Әwана нава гьравада бь qәйьке у пе бисиклете дьчун-дьһатьн. Һʹәта иро те бира wан, чахе әwана щара пешьн qьжә-qьжә гәрмеда пе бисиклете 32 километра сәр тʹәпарʹа чун. Даниел öса вәстийайи бу, кö һьнәк мабу бьхәрьqә. Ле мәрьвед Гоами меванһʹьзийа мәзьн wанрʹа данә кʹьфше, илаһи чахе әwана чәнд гьли бь зьмане wан һин бун. Зутьрәке wана ида тʹәви 23 мәрьва һинбуна Кʹьтеба Пироз дәрбаз дькьрьн.
Гава пʹәре wан хьлаз бу, әwана гәләк бәрхwә кʹәтьн. Даниел гьли дькә: «Чахе әм дьфькьрин кö гәрәке вәгәрʹьнә Испанйайе, һесьр чʹәʹве мә дьһатьн. Дьле мә дьешийа кö әме 23 мәрьва бьһельн, тʹәви кʹижана әм һинбуна Кʹьтеба Пироз дәрбаз дькьн». Ле мәһәк дәрбаз бу, у wана әʹламәтийа пʹьрʹ ша станд. Мириам дьбежә: «Әм кʹьфш кьрьн ча пешәнгед мәхсус. Әм гәләк ша бун кö диса ль wедәре ман сәва хьзмәт бькьн!»
ШАБУНӘКӘ ЛАПӘ МӘЗЬН
Сала 2015-да, жь бо гöһастьнед тʹәшкиләтеда, Даниел у Мириамерʹа готьн кö һәла әwана дькарьн хьзмәтийа хwә чаwа пешәнг бәрдәwам кьн. Гәло wана чь кьр? Wана итʹбарийа хwә созе Хwәде анин, кʹижан ньвисар ә Зәбур 37:5-да: «Рʹийа хwә жь wирʹа бьһелә хwә бьсперә Хöдан, Әwе бинә щиһ һʹәму пеwьстийан, ИМ». Wана һәрдö жи хwәрʹа хәбат дитьн сәва бькарьбьн ча пешәнг хьзмәт кьн, у иро әwана хьзмәт дькьн щьвата Верагуаседа, (Панама).
Даниел дьбежә: «Пешийа кö әм жь Испанйайе бьчуна, әм дöдьли дьбун кö әме нькарьбьн бь жийина нәдәwләти бьжин. Ньһа әм һәма öса жи дьжин, ле әм чьда һʹәwщә нә, һʹәму тьштед мә һәнә». Ле шабуна wанә лапә мәзьн чь йә? Әwана дьбежьн: «Чахе али мәрьвед мьлук дьки wәки дәрһәqа Йаһоwа пебьһʹәсьн, әw шабунәкә лапә мәзьн ә, кʹижан кö тʹәви тʹö тьшти нькари бәрамбәр ки».