2 Аликʹари кö Проблема Сафи кьн

ГӘЛӘК ХӘМГИНИ

Рози дьбежә: «Мьн тʹьме гәләк бәрхwәдькʹәт бона тьшта у сәва мьн әв ча барәки гьран бу. Ле бь рʹасти һʹәму тьшт öса хьраб нибу, чаwа кö мьн тʹьре». Кʹижан рʹезед жь Кʹьтеба Пироз али wе кьрьн? Йәк жь wана Мәтта 6:34: «Иди бона рʹожа сьбе хәма нәкьн, чьмки рʹожа сьбе wе бона хwә хәма бькә. Хәмед рʹоже бәси wе нә». Рʹози дьбежә кö гьлийед Иса али wе кьрьн хәма нәкә дәрһәqа wе йәке, чь кö дькарә сьбе бьqәwьмә. Әw зедә дькә: «Щәм мьн епʹещә чәтьнайи һәбун, сәрда жи әз хәмгин дьбум дәрһәqа wан дәрәща йед кö нәqәwьмин».

Кʹöлфәтәки жи бь наве Йасемин, тʹәхмин дькьр кö хәмгинийа wе әw зәфт кьрьбу. «Чәнд рʹожа әз дьгьрийам, у хәw нәдькʹәтә чʹәʹве мьн. Мьн тʹәхмин дькьр кö фькьред нәрʹаст, шабуна мьн дьтәмьрандьн». Кʹижан рʹез али wе кьр? Әw дина хwә дьдә 1 Пәтрус 5:7: «Һʹәму хәмед хwә бавежьнә сәр wи [Хwәде], чьмки әw бона wә хәм дькә». Йасемин дьбежә: «Мьн бәрдәwам дькьр Йаһоwарʹа дöа кьм, у Әw щаба дöайед мьн дьда. Те бежи барәки гьран жь стийе мьн кʹәт. Һәмьки щар-щара фькьред нәрʹаст диса дькʹәвьнә сәре мьн, ле ньһа ида әз заньм чь бькьм».

ТʹӘМБӘЛИ

Кʹöлфәтәкә щаһьл бь наве Изабелла дьбежә: «Әз дьфькьрьм wәки тʹәмбәли бь генетики дәрбази мьн буйә, чьмки баве мьн жи йәки öса йә. Мьн хwә әглә дькьр, кö тьштед фәрз нәкьм, ле тʹәне һәвәк һеса бьм у телевизйоне бьньһерʹьм. Әв хәйсәтәкә нәбаш ә, чьмки әв стреса мәрьв зедә дькә у әw нькарә баш хәбата хwә бькә». Принсипа кö али wе кьрьбу әм дьвиньн 2 Тимотʹейо 2:15-да, йе кö дьбежә: «Бькә кö тö ль Хwәде хwәш бейи, пʹаләки öса кö шәрм нәки». Изабелла дьбежә: «Мьн нәдьхwәст, кö наве Йаһоwа жь бо хәбата мьн хьраб буйа, чьмки мьн тʹәмбәлийе дькьр». Ле Изабелла карьбу хwә бьгöһезә.

Анәгори wе, Келси жи дьбежә: «Хәбата мьн һәбу, ле мьн һʹәта сәнийа пашьн дькʹьшанд у паше дькьр. Әз дьгьрйам, хәwн нәдькʹәтә чʹәʹве мьн у әз бәрхwәдькʹәтьм. Әв бона мьн нәбаш бу. Келси аликʹари жь Мәтʹәлок 13:16 дит: «Һәр кәсе аqьл бь заньстийе дькә, ле йе ахмах, ахмахтийе дьдә кʹьфше». Әw шьроwәдькә кö чаwа фькьред ве рʹезе әw һин кьрьн: «Баш ә кö әм керһати бьн у пешда һʹәму тьшти сафи кьн. Ньһа ль сәр сьфьра мьн дәфтʹәрәк һәйә, кʹижанеда әз кʹьфш дькьм хәбата кö гәрәке бькьм. У әв йәк али мьн дькә щабдар бьм у һʹәта сәнийа пашьн хәбата хwә нәкʹьшиньм».

ТʹӘНЕБУН

Кʹöлфәта бь наве Кирстен дьбежә: «Мере мьн әз тʹәви чар зарʹа һиштьм». Кʹижан принсипа жь Кʹьтеба Пироз али wе кьр? Дь Мәтʹәлок 17:17-да әм дьхуньн: «Һәвал һәр тьм һʹәз дькә у бьра дь рʹожа тәнгда хöйа дьбә». Кирстен хwә ль щьвате дьгьрт у ль wьр аликʹари дьгәрʹийа. Әв йәк чь wерʹа ани? Әw дьбежә: «Һәвалед мьн һʹәму алийава тʹәви мьн бун! Һьнәка жь wана, хwарьн у кöлирка бәр дәре мьн дьһиштьн. Се щара, хушк-бьра али мьн у зарʹед мьн кьрьн, кö жь маләки дәрбази мала дьн бьн. Әwана öса жи али мьн кьрьн хәбат бьвиньм. Һәвалед мьн тʹьме тʹәви мьн бун».

Зәйнәб, дәрһәqа кʹижани кö жоре һатьбу готьне, жь бо тʹәнебуне дьчәрчьри. Дьлтәнгийа хwәда, кö әwе һаqас тьшт öнда кьр, әw дьбежә: «Мьн тʹьре кö жийина мьн нәжийин ә, чьмки гьшк тʹәвайи бәхтәwарийеда дьжитьн, ле әз тʹәне бум». Рʹезәк кö али wе кьр жь Зәбур 68:6 бу, кʹидәре кö те готьне: «Хwәде мале дьдә бекәсан». Әw дьбежә: «Мьн заньбу wәки ве рʹезеда ньһа хут дәрһәqа маләкә реали найе готьне. Мьн фәʹм кьр кö Хwәде маләкә рʹöһʹани дьдә мә, демәк щийе бехофийе, кʹидәре кö һәләqәтийа незик дькарьн тʹәви мәрийа һәбьн, у йед кö Йаһоwа һʹьз дькьн. Ле мьн фәʹм дькьр кö әзе нькарьбьм незики мәрийа бьм, һәрге незики Йаһоwа набьм. Зәбура 37:4 гәләк али мьн кьр. Ль вьр öса ньвисар ә: ‹Бьра Хöдан шабуна тә бә, Әwе хwәстьнед дьле тә бьдә тә›».

Зәйнәб тʹәмам дькә: «Мьн тедәрхьст кö әз гәрәке qәwи хwә ль Йаһоwа бьгьрьм. Әw Достәки лапи баш ә». Паше, мьн хwәрʹа кʹьфш кьр һьнә шьхöла, кʹижан кö әз дькарьбум тʹәви йед дьнена бь шабун бькьм, тʹәви wан текли бьм чьмки әwана жи Йаһоwа һʹьз дькьн. Әз һин бум тьштед баш нав мәрийада бьвиньм у шашийед wан гәләк һьлнәдьм бәр дьле хwә, ле фәʹм бькьм кö әwана жи гöнәкʹар ьн.

Һәмьки, һәвалед мә кö Хwәдерʹа хьзмәт дькьн, әwана жи гöнәкʹар ьн. Шәʹдед Йаһоwа wәк һʹәму мәрийа, рʹасти щурʹә-щурʹә чәтьнайа тен. Ле һинбуна Кʹьтеба Пироз мәрийа һелан дькә али йед дьнена бькьн. Wе баш бә һәрге әм һәвален öса хwәрʹа бьгәрʹьн. Принсипед Кʹьтеба Пироз дькарьн проблемен даһа чәтьнда жи али мә бькьн, мәсәлә нәхwәшийед кö найенә qәнщкьрьне у öндакьрьна мәрьвед незик.