Qisim 7 Pêşgotin

Ev qisim behsa 80 salên jiyana Saûl û Dawid Padîşah dike. Saûl ewilî yekî dilnizm bû û ji Xwedê ditirsiya. Piştre ew hat guhertin û êdî guh nedida Xwedê. Yehowa ew red kir û ji Samûyêl re got ku gerek ew Dawid bike padîşahê nû yê xelkê Îsraîl. Saûl hesûdiya Dawid dikir û gelek caran hewl dida ku wî bikuje. Lê Dawid tu carî heyfa xwe jê nestand. Kurê Saûl Yonatan dizanibû ku Yehowa Dawid hilbijartiye. Ji ber vê yekê, ew ji Dawid re dilsoz bû. Dawid gunehên mezin kirin, lê gava Yehowa ew serrast dikir, wî şaşiyên xwe qebûl dikirin. Alî zarokên xwe bikin ku ew vê yekê fehm bikin: Gelo çima ew qas muhîm e ku em her tim bi dilsozî destekê bidin kesên ku Yehowa ew tayîn kirine?