12 Nêt

EW ÇI TÊ HESABÊ

Nêt ne ku tenê merem e, lê hê zêde ye. Dêmek tiştekî ku tu hizret î wekî biqewime. Fikirandin, safîkirin û rast wedebijartin, dikeve nava nêtên rast.

Nêt dikarin kin bin, kîjan ku nava çend heftiyada dikarî bînî sêrî. Usa jî hene nêtên usa, ku nava çend mehada dikarî bînî sêrî. Û hene yên dirêj jî, yên ku sala yan hê zêde dikişînin. Bi saya nêtên biçûk em dikarin bigihîjin nêt-meremên xweye dirêj.

ÇIMA FERZ E

Çaxê digihîjî nêtên xwe, ew alî te dike xweda bawer bî, hevaltiya xwe qewî kî û şabûna xwe zêde kî.

Xwebawerî: Çaxê tu nêtên biçûk datînî pêşya xwe û digihîjî wan nêta, tu xweda bawer dibî û hêlan dibî bigihîjî nêtên mezin jî. Bi vê yekê tu usa jî nava problêmên her rojîda, xweda bawer dibî û hêlan dibî nekevî ber bayê merivên din.

Hevaltî: Meriyara xweş tê nava wanda bin, yên ku nêta datînin pêşiya xwe. Dêmek ewên ku zanin çi dixwazin û hazir in bona wê yekê şixul bikin. Xêncî wê yekê, seva ku hevaltiya xwe qewî kin tevî merivekî din, lazim e tevî hev şixulkariyê bikin ku nêtên xwe tevayî bînin sêrî.

Bextewarî: Çaxê tu digihîjî nêtên xwe tu daha bextewar dibî.

Xortekî bi navê Krîstofêr dibêje: “Ez hiz dikim nêta dayînim pêşiya xwe. Bi saya wê yekê ez timê tiştekîva mijûl dibim û hêlan dibim evê yekê bikim. Û çaxê tu digihîjî nêtên xwe, tu lezetê distîni û dibêjî ‘Ça baş e, bal min hate standin! Ez gihîştime nêta xwe’”.

PRÎNSÎPA KITÊBA PÎROZ: “Yê çevdêriyê li bayê dike, naçîne û yê ku li ewran binêre, çinandine nake” (Waîz 11:4).

TU ÇI DIKARÎ BIKÎ

Evan gava hilde hesab ku bigihîjî nêt-meremên xwe.

Têderxe. Nêtên xwe binivîse, ku çi peyî çi dixwazî bikî. Bijbêre kîjan ji wan nêta tu dixwazî pêşiyê bînî sêrî, kîjan ya duda, sisiya û yên din.

Tivdîrê bike. Bona her nêteke xwe evê yekê bike:

• Zelal kifş ke ku çiqas wede tera lazim e, wekî nêtên xwe bînî sêrî.

• Gav bi gav safî ke.

• Pêşda bifikire ku çi dikare riya te bigire, û ewan çetinaya teyax ke.

Bike. Hîviyê nîbe heta ku her tişt tera dest bide, ku destpêkî nêta xwe bînî sêrî. Hela bifikire: “Berî pêşin ez çi gerekê bikim, seva ku nêzîkî nêta xwe bim?” Paşê îda destpêke. Dîna xwe bidê, ku çawa tu hêdî-hêdî digihîjî nêta xwe.

PRÎNSÎPA KITÊBA PÎROZ: “Tivdîra merivê xîret ese karê tîne” (Metelok 21:5)