Kitêba Pîroz Çi Dibêje?

Gelo navê Xwedê heye?

HINEK MERIV BAWER DIKIN wekî navê Xwedê tune hinek jî dibêjin wekî Xwedê û Xudan, ev îda nav in, hene yên usa jî, ku dibêjin wekî pir navên Wî hene. Hûnê çi bêjin?

KITÊBA PÎROZ ÇI DIBÊJE?

“Navê te Yahowa ye! Û yê ku li ser tevahiya Gerdûnê [Dinyayê] Herî Bilind . . . tenê tu yî!” (Zebûr 83:18, DO).

DÎSA ÇI EM PÊDIHESIN JI KITÊBA PÎROZ?

• Xêncî wê yekê gelek sernavên Xwedê hene, lê ewî tenê navek xwera daye (Derketin 3:15).

• Xwedê xwe ji me venaşêre; ew dixwaze wekî em wî nas kin (Karêd Şandiya 17:27).

• Gava pêşin seva ku tevî Xwedê destpêkin hevaltiyê bikin, gerekê navê wî pêbihesin (Aqûb 4:8).

Gelo îzine navê Xwedê hildin?

HÛNÊ ÇI BÊJIN?

• Erê

• Na

• Dibek

KITÊBA PÎROZ DIBÊJE

“Navê Xudan Xwedêyê xwe [Yehowa, DT] badîhewa nedî ser zarê xwe” (Derketin 20:7). Îzin tune navê Xwedê hildin, hergê bêqedir ev didine xebatê (Yêremya 29:9).

DÎSA ÇI EM PÊDIHESIN JI KITÊBA PÎROZ?

• Mûsa û Îsa navê Xwedê zanibûn û ew didane xebatê (Yûhenna 17:25, 26).

• Xwedê dibêje, wekî em navê wî hildin (Zebûr 105:1).

• Dijminên Xwedê hemû tiştî dikin, seva ku meriv, navê Wî bîr kin (Yêremya 23:27).