Hîn be wekî di Qulixkirinêda Hê Cêribandî bî; Nîşan ke wekî Çawa Derbaz Dibe Hînbûna Kitêba Pîroz bi Pirtûka, “Çi Hîn Dike Kitêba Pîroz?”
Ev Yek Çira Ferz e: Gelek meriv dikarin fem nekin, ku çi tê hesabê çaxê em wanara dibêjin wekî tevî wan hînkirina Kitêba Pîroz derbaz kin. Ewana dikarin dişirmîş bin, ku wê tevî komekê bibine yek, yan jî gerekê xwe li tiştekî bigirin. Dewsa ku meriyara bêjin wekî em dixwazin tevî wan hînkirinê destpêkin, em dikarin wanara nîşan kin ku çawa derbaz dibe hînkirina Kitêba Pîroz. Nava çend deqada, hela hê ber derî jî, tu dikarî nîşan kî wekî çiqas hewas û kêrhatî dikare bibe ev hînkirin.
Çawa Bikin:
• Paşî wê yekê çaxê tu nasiya xwe bidî xweyê malê, ji wî bipirse wekî dibeke ew derheqa axiriya dinyayê berxwe dikeve.
• Bêjê, ku gelek meriv jî derheqa wê yekê berxwe dikevin û dîna wî bide serecemê ji kitêba “Çi Hîn Dike Kitêba Pîroz?”. Şiroveke ku di vê kitêbêda hene dersêd usa, yêd ku hêsa têne femkirinê, û yêd ku nîşan dikin wekî çi hîn dike Kitêba Pîroz derheqa axiriyê. Usa jî bêje ku li wir derheqa cûre-cûre têmêd din jî tê şirovekirinê, û ji wî bipirse wekî kîjan serî wî xweş tê.
• Kitêbê wîra bide û dîna wî bide li ser wî serî, ku ewî bijart. Şiroveke ku abzasada têne dayînê cabêd wan pirsa, yêd ku destpêka serîda nin.
• Bêje xweyê malê ku hergê ew dixwaze, bira abzasa pêşin bixûne. Paşê jî, pirsa abzasê bixûne û tevayî caba pirsê bivînin. Dîna xwe bide û şêwir bike derheqa rêzêd ji Kitêba Pîroz, yêd ku vê pirsêva girêdayî ne. Xweyê malêra nîşan ke, wekî çawa tu kitêba xweda caba pirsa xez dikî.
• Bixûnin abzasa din, lê îjar bêje xweyê malê wekî ew bi giliyê xwe caba pirsê bide.
• Payê wî bide û xeber de derheqa serlêdana dubare, seva ku evê dersê xilaz kin.
• Hergê dibe, dîna xweyê malê bide li ser vîdêo “Ça Derbaz Dibe Hînbûna Kitêba Pîroz?”, ya ku li ser jw.org heye.
Evê Yekê vê Mehêda Bide Xebatê:
• Yahowara dua bike, wekî qewata te kerem ke û wekî tu bikaribî hînkirina Kitêba Pîroze teze destpêkî (Fîlî. 2:13).
• Bixebite ku nîşan kî, wekî çawa derbaz dibe hînkirina Kitêba Pîroz bi pirtûka “Çi Hîn Dike Kitêba Pîroz?”. Yan jî bixebite ku çaxê derdikevî dannasînkirinê, lapî kêm carekê bikaribî meriyara nîşan kî vîdêo “Ça Derbaz Dibe Hînbûna Kitêba Pîroz?”.