Çawa bi Belavoka, Xeberdanê Destpêkin

Destpêbûyî ji meha Çileyê sala 2018, Bernama Civînêda “Mîna Îsa Mesîh Bijîn û Xizmet kin” ser rûpêla pêşin hene cûrên belakirina mizgîniyê. Ev yek me hêlan dike hê zêde bifikirin, ku çawa tevî meriya xeber din, ne ku tenê edebyeta wanra bihêlin. Hine vîdêo hatine çêkirinê, kîderê tê nîşankirinê, wekî ça em dikarin tenê bi Kitêba Pîroz xeberdanê destpêkin. Ev alî xizmetkara dike, wekî pêşanîna xwe hinekî biguhêzin. Gelo ev tê hesabê, wekî em gerekê edebyeta nedine xebatê, gava mal bi mal dannasîn dikin? Hemikî na! Mesele, bi saya belavoka em dikarin xeberdanê, rind destpêkin. Em dikarin mêtodên jêrê dayî bidine xebatê, çaxê belavoka bela dikin:

1. Pirsê bide, kîjan ku ser rûyê belavokê hatiye dayînê.

2. Nîşan ke caba Kitêba Pîroz ji rêzê, ku ser rûpêla duda hatiye dayînê. Hergê wede dest dide, bixûne û şêwir ke hine elametî ji belavokê.

3. Belavokê bide xweyê malê, û ew hêlan ke, wekî ew xwexa paşê bixûne.

4. Pêşiya çûyînê, nîşan ke pirsa ji çargoşê “Derheqa vê yekê Bifikirin” û bêje ku careke din, hûnê caba vê pirsê bi Kitêba Pîroz şêwir kin.

Çaxê tu cara duda serlêdana vî merivî bikî, cabê şêwir ke û dîsa pirseke vekirî bihêle bona careke din. Tu dikarî pirsê bijbêrî ji malpera me yan ji vê edebyetê, ku ser rûpêla paşin hatiye dayînê. Çaxê wede dest dide, nîşan ke broşûra “Mizgîniya Xwedê seva Meriya”, yan jî edebyeteke bona hînbûnê bide xebatê.