Gelo Kitêba Pîroz Hîn Dike, ku Erd Pen e?

Caba Kitêba Pîroz

Na, Kitêba Pîroz hîn nake, wekî erd pen e.a Rast e Kitêba Pîroz ne kitêba zandariyê ye, lê çi têda nivîsar e himberî zandariyê nîne. Xeberên Kitêba Pîroz rast in û “heta-hetayê hîmgirtî ne” (Zebûr 111:8).

• Çi tê hesabê xebera Kitêba Pîroz “çar aliyên erdê”?

• Çi cûreyî Mîrê-cina “hemû padşatiyêd dinyayê” nîşanî Îsa kir?

Çi tê hesabê xebera Kitêba Pîroz “çar aliyên erdê”?

Xebera Kitêba Pîroz “çar aliyên erdê” yan jî “çar niçikên erdê” gerekê raste-rast fem nekin, ku yan çi erd çargoşe ye yan jî sînorên vê hene (Îşaya 11:12; Îbo 37:3). Eşkere ye, ev xeber têne hesabê rûyê temamiya erdê. Bi vî cûreyî xebera çar aliyên erdê tê hesabê temamiya erdê (Lûqa 13:29).

Ça tê kifşê gotinên Îbranî yên ku hatine welgerandinê ça “aliyên erdê” û “niçikên erdê” îdîyoma ye, û nava vêda xeber heye, ya ku tê hesabê “per”. Di “The International Standard Bible Encyclopedia” tê gotinê: “Ev yek ku çivîk perê xwe vedike ku cûcikên xwe veşêre, fikireke usa dide kifşê ça niç yan jî dirêjayên sînorkirî. Usa jî tê gotinê wekî di Îbo 37:3 û Îşaya 11:12-da ev gotin tê hesabê qulb, sînor yan jî niçê rûyê erdê. b

Çi cûreyî Mîrê-cina “hemû padşatiyêd dinyayê” nîşanî Îsa kir?

Çaxê Mîrê-cina xwest Îsa bicêribîne, ewî wî bire “ser çiyakî gelekî bilind” û “hemû padşatiyêd dinyayê”, nîşanî wî kir (Metta 4:1-8). Hine meriv difikirin ku ev rêzên Kitêba Pîroz îzbat dikin, wekî erd pen e û ji bilindciyekî, rind tê kifşê. Vê derecêda gotina “çiyakî gelekî bilind” diqewime bi sîmbolîkî ye û cîkî rêalî nîne. Werên em hine îzbatiya bivînin.

• Ser erdê çiyayekî usa tune ye ji kîjanî ku hemû padşatiyên dinyayê dikarin bêne kifşê.

• Mîrê-cina ne tenê hemû padşatiyên dinyayê nîşanî Îsa kir, lê usa jî hemû “rewşa” wan. Eşkere ye ku dûrva rewş û rûmeta temamiya erdê nikare bê kifşê. Diqewime Mîrê-cina ev yek bi saya xeyalê nîşanî Îsa kir, mîna ku îro bi saya hacetên elektronîkî cûre-cûre ciyên ser erdê nîşan dikin.

• Di Lûqa 4:5-da tê gotinê, ku Mîrê-cina “deqêda hemû padşatiyêd dinyayê” nîşanî Îsa kir. Çevê meriv nikare derbekêra haqas tişt bivîne. Dêmek Mîrê-cina hemû padşatiyên dinyayê bi cûrekî netebiyetî nîşanî Îsa kir.