PARA 5

Ji dîltiya Babîlonê heta avakirina dîwarêd Orşelîmê

Wedê dîltya li Babîlonê baweriya cimeta Îsraêl gele car hate cêribandinê. Şedrak, Meşak û Abed-Nego hatin avîtinê nav firna gur vêxistî. Lê Yahowa wana xilaz dike. Wede şûnda, gava Babîlon bi destê Meda û Farisa hate zeft kirinê, Daniyêl avîtine bîrê tevî şêra. Lê Yahowa devê şêra da girtinê û Daniyêl xilaz kir.

Paşwextiyê, Koreş padşê Faristanê îsraêliya ji dîl girtinê aza kir. Paşî 70 sala dîltiyê, cimeta Îsraêl vegeriyan welatê xweye helal. Tiştêd pêşin, yê ku wana di Orşelîmêda kir, ev avakirina paristgeha Yahowa bû. Lê dijminêd wan avakirin dane sekinandinê. Lema jî avakirina paristgehê ji vegerandina Orşelîmê paşî 22 sala hate xilaz kirinê.

Paşî avakirina paristgehê weke 47 sal derbaz dibe, û Ezra vedigere Orşelîmê, seva ku paristgehê teze ke û bedew ke. Paşî hatina Ezra weke 13 sal derbaz dibe, û niha Nehemiya tê Orşelîmê, wekî alî wan bike dîwarêd Orşelîmê ava kin. Di Para PÊNCADA tê gilî kirinê derheqa 152 salêd terîxiya îsraêliya.