MÎNA ÎSA BIJÎN
Di Xizmetêda hê Cêribandî Bin—Mizgîniyê Bela ke Hemûşkara yên ku Mihala Teda nin
EV YEK ÇIMA FERZ E: Zekerya pêxembertî kir ku merivên ji her miletî û zimanî, wê bi şabûn mizgîniya xêrê qebûl kin (Zek. 8:23). Lê gelo kî wê wana hîn ke? (Rm. 10:13-15). Borcdariya me ew e, ku hemû meriyara yên ku di mihala meda rastî me tên, mizgîniya xêrê bela kin (od 84 ¶10-11).
ÇAWA BIKIN:
Xwe hazir ke. Tu rastî merivên usa têy, yên ku li ser zimanê din xeber didin? Tu dikarî bidî xebatê JW Language app, seva ku pêşanînên hêsa hîn bî. Yan jî têla xweye mobîlê bide xebatê û merivra nîşan ke, ku çawa ew dikare elametiya zêde li ser zimanê xwe li ser jw.org bivîne
Rind dîna xwe bide. Hergê tu mal bi mal xizmet dikî, dîsa jî mecalê bernede ku xeber dî tevî wan meriya, yên ku rêda rastî te tên, yan ewên ku avtêda hîviyê ne. Hergê tu xizmet dikî wê derê, kîderê ku gelek meriv hene, yeke nêta xwe bîr neke ku şedetiyê bidî
Xîret be. Berdewam ke qewatê bide xebatê ku bivînî wan meriya, yên ku ser serlêdana teyî pêşinda malda nîbûn. Bila nêta te ew be, ku ber her dêrî tevî kesekî xeber dî. Tu dikarî wedekî dinda bêy, yan jî rojekî din. Diqewime wê lazim bê ku hinekara bi nema xeber dî, bi têlê, yan jî rêva şedetî bidî
Pêk bîne. Hergê divînî ku meriv hewasa xwe daye kifşê, paş nexe û zû serlêdanê bike. Çaxê divînî ku meriv li ser zimanê din xeber dide, kesek dikarî bivînî, yê ku li ser zimanê wî xeber dide wekî alîkariyê bidê. Berdewam ke serlêdanê bike wî merivîra, heta ku xizmetkarên ku li ser zimanê wî xeber didin, bên (od 94 ¶39-40)
BINIHÊRE VÎDÊO BELAKIRINA MIZGÎNIYÊ “LI CIYÊ LAPÎ DÛRDA”, Û PAŞÊ CABA WAN PIRSA BIDE:
Xûşk-bira çawa xwe hazir kirin, seva ku bikaribin xeber din tevî wan meriya yên ku dûr dijîtin? (1 Kr. 9:22, 23)
Çi çetinayada wana karibûn teyax kin?
Wana çi kerem standin?
Tu çi dikarî bikî, seva ku bikaribî xeber dî tevî hê zêde meriva di mihala xweda?