MÎNA ÎSA BIJÎN
Yehowa Wedê Çetinaya Alî Me Dike
Van rojên paşin em rastî gelek çetinaya tên. Cara dibeke em difikirin ku çetinayên me ji qewata me der e. Lê hergê em berdewam kin diha nêzîkî Yehowa bin, ewê alî me bike hela hê ber çetinayên lape giran jî teyax kin (Îş. 43:2, 4). Wedê çetinaya em ça dikarin diha nêzîkî Yehowa bin?
Dua. Çaxê em duada dilê xwe Yehowara vedikin, ew edilayê dike dilê me û êmosiyalîda me qewî dike, wekî em sebir kin (Flp. 4:6, 7; 1 Ts. 5:17).
Civat. Îlahî niha em diha hewcê xwarina ruhanî û heleqetiya tevî xûşk-bira ne, kîjan ku Yehowa bi saya civata dide me (Îbr. 10:24, 25). Çaxê em xwe bona civata hazir dikin û civatada kar dikin, bi vî cûreyî em ji alîkariya Yehowa diha zêde karê distînin, kîjan ku ew bi saya ruhê pîroz dide me (Ent. 2:29).
Xizmetî. Hergê em çi destê me tê dikin, wekî xizmetiyêda xîret bin, wî çaxî mera diha hêsa ye dîna xwe bidine ser tiştên pozîtîv. Usa jî bi saya vê yekê heleqetiya me tevî Yehowa û xûşk-bira diha qewî dibe (1 Kr. 3:5-10).
BINIHÊRIN VÎDÊO YEHOWA WÊ TE QEBÛL KE, Û PAŞÊ CABA WAN PIRSA BIDIN:
Çi alî Malû kir, wekî wedê çetinaya ji Yehowa dûr nekeve?
Mîna dereca Malû, xeberên ji Zebûr 34:18, çawa wedê çetinaya dikarin berdiliyê bidine me?
Serhatiya Malû ça nîşan dike, wekî Yehowa wedê çetinaya “zorayiya qewatê” dide me? (2 Kr. 4:7)