Zanebûna ku Me Nêzîkî Xwedê Dike
Efirandarê me ne ku tenê xweyê qewata mezin e, lê usa jî xweyê xeyset-hunurên gelek bedew û baş e. Û ew dixwaze wekî em derheqa wî pêbihesin û nêzîkî wî bin (Yûhenna 17:3; Aqûb 4:8). Lema jî ewî derheqa xwe mera gelek tişt eyan kiriye.
Navê Efirandarê Me Heye
“Bira meriv bizanibin ku navê te Yehowa ye, û li ser temamiya erdê yê Hêrî Jorin tenê tu yî” (ZEBÛR 83:18, DT).
Kitêba Pîroz hîn dike ku Yehowa ew heye Xwedêyê rast. Ew e Efirandarê gerdûnê û jîyînê. Û tenê ew hêjayî hebandinê ye (Eyantî 4:11).
Yehowa Xwedêyê Hizkirinê ye
“Xwedê hizkirin e” (1 YÛHENNA 4:8).
Bi saya Kitêba Pîroz û tebiyeta dor-berê me, Yehowa gelek hunurên xwe mera eyan kiriye. Hunurê wîyî sereke hizkirin e. Ew her tiştî ji hizkirinê dike. Em çiqas zêde derheqa Yehowa pêbihesin, haqas hê zêde emê wî hiz bikin.
Yehowa Xwedêkî Rem e û Ew Dibaxşîne
“Tu Xwedayê lêborînê dikî [dibaxşînî]” (NEHEMIYA 9:17).
Yehowa zane wekî em gunekar in. Lema ew hazir e bibaxşîne me. Heger em baxşandinê ji wî dixwazin û aliyê xweda her tiştî dikin wekî van tiştên nerast îda nekin, ewê bibaxşîne me û tu car wê van şaşiya neke bîra me (Zebûr 103:12, 13).
Yehowa Dixwaze Em Wîra Dua Bikin
“Xudan nêzîkî wan hemûya ye, kîjan ku gazî Wî dikin . . . zarînîya wan dibihê û wan xilaz dike” (ZEBÛR 145:18, 19).
Yehowa naxwaze wekî em edet û rîtûala bikin, yan pûta bidine xebatê wekî wî bihebînin. Ew guh dide duayên me, mîna bavekî ku bi hizkirin guh dide zarên xwe.