Kufuma mu Ijipita Kuya mu Ntanda ya Mulaye

BANTU ku mapunzha onse bayuka Kulupuka kwa bena Isalela mu Ijipita. Pano byo baabukile Kalunga Kachila, bintu ka byajinga kulutwe ya ba Mosesa ne bantu ba Lesa? Batajile jepi kabiji bafikile byepi ku mukola wa Yodano ne kutwela mu Ntanda ya Mulaye?

Bailenga ku kyalo kya Kenana, bino Mosesa kechi waendele nabo mu jishinda jakuchibijila ja ku musezho wa Meditelanya javula musenga jalepele 400 kilomitazi ne kupita mu nyaunda ya bena Filishitiya balwanyi babo ne. Kabiji kechi bakilañenye pakachi ka musanza wa ku Mutumba wa Sinai, mwajinga mushiji ne mitumba ya laimu yatwanga kyuya kya malwa na mambo a kuzonga kwa mute ne. Bino, Mosesa wayile na bantu banji ku kabeta ka ku bulenge, shoo kukafika ne ku musanza mucheche. Kampu itanshi po batebelejile yajinga mu Mala, Yehoba mo aalwile mema ke atobala.a Byo bafumine mu Elimu, bantu batendekele kunyinyita na mambo a kajo, kabiji Lesa watumine bitentu apa bino ne manna. Kabiji byo bafikile ku Lefidimu, bamunenenenga jibiji Mosesa pa mambo a mema. Bena Isalela bavizhizhe bena Ameleki baishile mu kwibalwisha. Mosesa bamutundaikile kwi shanjivyala kusalululamo banabalume bafwainwa kukwasha.—Lup, byapitala 15-18.

Kufuma kokwa, Mosesa watangijiile bena Isalela mwine munkonkoso ku mitumba ya ku kabeta ka ku bulenge, ne kutebelela ku Mutumba wa Sinai. Kuno ko batambwijile mizhilo bantu ba Lesa, batungileko ne tente wazhila ne kulambula milambo. Mu mwaka wa bubiji, baimene kuya ku kabeta ka ku buyeke ne kupita ‘mu kiselebwa kyabaisha kilengesha moyo,’ kabiji baendele moba 11 pa kuba’mba bafike mu Kadeshi (Kadeshi-balaneya). (Mpi 1:1, 2, 19; 8:15) Na mambo akuba bantu baumvwine moyo na sawakya wa bubela waambile baendejile ntanda jikumi, bantu batwajijile kupitañana mu jisaka pa myaka 38. (Bal 13:1–14:34) Mapunzha amo obatebelejilepo ajinga Abilona ne Eziona-gebela. Kufumapo babwelele jibiji ku Kadeshi.—Bal 33:33-36.

Pano byo kyafikile kimye kya kutwela mu Ntanda ya Mulaye, bena Isalela kechi banankamine kuya ja ku kabeta ka buyeke ne. Bapichijile monka mukachi mu Edomu, ku muzhika kukafika ne “mu Mukwakwa wa mfumu.” (Bal 21:22; Mpi 2:1-8) Kechi kyapelele mukoka yense kwenda mu uno mukwakwa mucheche na baana kinkokombela, banyama, ne matente abo ne. Bakunkulukilenga ne kutuntuka mikolo yuba ne lushe ya kakola ka Zeleda ne Alanonyi (yalepele ma mita pepi na 520).—Mpi 2:13, 14, 24.

Kepo bena Isalela bafikile ku Mutumba wa Nebo. Milyama wafwijile pa Kadeshi, Alona wafwijile pa mutumba wa Hola, Mosesa aye wafwijile pa yenka uno mutumba poamwenejile ntanda yoakebeshe bingi kutwelamo. (Mpi 32:48-52; 34:1-5) Byoafwile Mosesa, nswanamumi wanji Yoshua yewaikele ke ntangi wakutangijila bena Isalela mu Ntanda ya Mulaye pa lwendo lwa myaka 40.—Yos 1:1-4.

[Tubyambo twa mushi]

a Mapunzha avula po batebelejile kechi ayukanyikwa ne.

[Mapu pa paja 9]

(Umvwe mukeba bine byambo, monai mu buku)

Jishinda jo baendelemo

Jishinda Japichilemo bena Isalela

A7 IJIPITA

A5 Lamasesa?

B5 Sukota?

C5 Etama?

C5 Pi-hahilota

D6 Mala

D6 Elimu

E6 KISELEBWA KYA SHINA

E7 Dofika

F8 Lefidimu

F8 Mutumba wa Sinai (Holeba)

F8 KISELEBWA KYA SINAI

F7 Kibilota-hataba

G7 Hazelota

G6 Limona-mpeleza

G5 Lisa

G3 Kadeshi

G3 Bene-yakana

H5 Hola-hagigada

H5 Yotabata

H5 Abilona

H6 Eziona-gebela

G3 Kadeshi

G3 KISELEBWA KYA ZINI

H3 Mutumba wa Hola

H3 Zalamona

I3 Punona

I3 Iye-abalimu

I2 MOABU

I1 Dibona

I1 Alimona-dibalataimu

H1 Yeliko

[Mapunzha akwabo]

A3 GOSHENYI

A4 Onyi

A5 Memfisa (Nofu)

B3 Zowana

B3 Tapanesa

C5 Migidolo

D3 SHULA

D5 KISELEBWA KYA ETAMA

F5 KISELEBWA KYA PALANA

G1 FILISHITIYA

G11 Ashadoda

G2 Gaza

G2 Belesheba

G3 Azimona

G3 NEGEBA

H1 Yelusalema

H1 Hebulona (Kiliata-alaba)

H2 Alada (Mwina Kenana)

H4 SEILA

H4 EDOMU

I7 MIJANYI

Mashinda Ene

Jishinda jaya ku Kyalo kya bena Filishitiya

Jishinda jaya ku Shula

I4 Mukwakwa wa Mfumu

Jishinda ja Bakañenda

Jishinda ja El Haj

[Mitumba]

E6 KISELEBWA KYA SHINA

F8 Mutumba wa Sinai (Holeba)

I1 Mutumba wa Nebo

[Tulunga twa meema]

E2 Kalunga ka Meditelanya (Kalunga Kakatampe)

D7/G8 Kalunga Kachila

I1 Kalunga ka Mukele

[Mikola ne Tukola]

A6 Mukola wa Nile

F3 K. kya mu Ijipita

I2 Alanonyi

I3 Zeleda

[Kipikichala pa jipa 8]

Mabumba a bakañenda akilañanyanga musanza wa ku Mutumba wa Sinai

[Kipikichala pa jipa 8]

Bena Isalela batebelejile ku Mutumba wa Sinai

[Kipikichala pa jipa 9]

Bataine mema mu mishima na kunangijila ku Kadeshi

[Kipikichala pa jipa 9]

Bena Isalela bonse baabukile kimpachiko kya Alanonyi