Biji mu Kipungu 14

Bena Kilishitu batanshi basapwijile mambo awama a Bufumu mu mapunzha avula mwaya ntanda. Yesu wibabulanga kwa kuya na kusapwila kabiji wibalengejile ne kuyuka milaka yapusana pusana mu jishinda ja kukumya pa kuba’mba bafunjishenga bantu mu milaka yabo. Yehoba wibalengejile kuchinchika kabiji wibapele bulume bwa kushinda meseko o bapichilengamo.

Yesu wamwesheshe mutumwa Yoano lukumo lwa Yehoba mu kimwesho. Mu kimwesho kikwabo, Yoano wamwene Bufumu bwa mwiulu byo bwashinjile Satana ne kuzhiya bukalama bwanji myaka ne myaka. Kepo Yoano amwene Yesu saka aji pa Bufumu na kulama pamo na ba 144,000. Kabiji Yoano wamwene ne ino ntanda byo yaalukile ke paladisa muji bantu bakwatankana bapopwela Yehoba mu mutende.