Mutanchi Wa Kupwila Kwa Mwingilo

YUKAI’MBA: Kupwila kwa Mwingilo kwa milungu yonse ya mu bañondo ba kupwila kwa nkambi kukatanchikwa mu Butumwa Bwetu bwa Bufumu. Bipwilo byafwainwa kupimpula mutanchi pa kuba’mba batanwe ku Kupwila kwa Nkambi kwa “Ba Kuba Kyambo kya kwa Lesa.” Mulungu wa kupezhako saka mukyangye kuya na kupwila kwa nkambi ingijishai maminiti 15 pa kupituluka mu bishinka biji mu kya mukachi kya mu Butumwa Bwetu bwa Bufumu bwa July 2000 pa mapeja 3-4. Tundaikai bonse ne kwibabula babulai buneme bwa kutala pa pologalamu ne kumona bisa kwambiwa, kila lukelo ne pa kimye kya kukokoloka kupwila kwa mabanga saka kukyangye kutendeka. Kino kikakwasha kuta muchima ku pologalamu ne kunemba byambo bicheche, bino biji na bishinka. Umvwe papita milungu ibiji nangwa ina kufuma kimye kyapwile kupwila kwa nkambi, kukekala kupituluka mu bishinka bikatampe bya kupwila kwa nkambi pa ka kimye ka maminiti 30. Kuno kupituluka mu bishinka kukatanchikwa mu Kupwila kwa Mwingilo. Pa kyo kyo kimye yense winengezha ukakumbulapo inge bamwipuzha ku balongo basatu bafikapo bakatongolwa kwamba luno lubaji. Mu kukumbula kwabo bakamba pa byo basambijile pa kupwila kwa nkambi ne byo bakebingijisha mu bwikalo bwabo ne mu mwingilo wa butumwa. Kya mankumanya kimo nangwa bibiji bipi, byasalulwilwa jimo byafwainwa kushimikizhiwa. Kupichila mu kunengezha bulongo, tukalengela Kupwila kwa Mwingilo kwikala kwawama kabiji kwa kufunjisha.

Mulungu wa Kutendeka August 14

Lwimbo 114

Mamini. 12:Bya kubijika bya pa kipwilo. Bya kubijika byasalululwa mu Butumwa Bwetu bwa Bufumu. Ambai pa lipoti ya mwingilo ya mu bujimi ya April ya mu kyalo kyetu ne ya kipwilo kyenu. Kwashalatu milungu ibiji kuba’mba August apwe, onkao mambo tundaikai bonse kwingilako mwingilo wa butumwa ñondo saka akyangye kupwa. Pitulukai mu mutanchi wa kusambakana kwa kuya mu mwingilo wa mu bujimi byo kukekala pa mpelo ya mulungu.

Mamini 15:‘Lwainga Bulwi Bwawama bwa Lwitabilo.’ Ambaipo mawi atanshi acheche akubula kupitaila pa miniti umo, bino mutendeke mwisambo wa mepuzho ne mikumbu. Nungaipo byambo bikwabo kufuma mu buku wa Abateyanishiwa, pa mapeja 44-5, bibena kwamba pa bakutangijila Masambijilo a Buku pa Kipwilo byo banengezha kusambakana kwa kuya mu mwingilo wa mu bujimi ne kuta muchima ku boba bakeba bukwasho bwa kwikalamo na lubaji mu butumwa ne kuba lipoti kimye kyonse.

Mamini. 18:Mingilo ya kwa Kalume Utala pa Mabuku . Utangijila mwingilo wa mu bujimi ubena kwisamba na Kalume utala pa mabuku, kupituluka mu mingilo ijimo. (Monai ka buku ka Kalume utala pa mabuku kaji na mutwe wa kuba’mba: “Akatabo Kalondolola Ifya Kuorda Impapulo sha Watch Tower,” S(d)-15a, bibaba 2.2; 4.1; 4.4 ne 10.1 kufika ku 10.3) Kyakonsha kuwama umvwe mwaamba ne pa kukajilwa kwa pa kipwilo kyenu pa kuwamishako mashinda a kupainamo mabuku kupwila saka ku kyangye kutendeka ne pa nyuma ya kupwila. Inge kimye ko kikiji, pitulukai mu bishinka bikatampe biji mu Butumwa Bwetu bwa Bufumu bwa January 2000 bwa mu Kibemba pa mutwe wa kuba’mba, “Beni Abashilimuka pa Kutambika Impapulo Shesu.”

Lwimbo 127 ne lulombelo lwa kupezhako.

Mulungu wa Kutendeka August 21

Lwimbo 143

Mamini 12:Bya kubijika bya pa kipwilo. Lipoti ya maakaunti. Nengezhai kimwesho kya mu mwingilo wa mu bujimi ne kupitulukamo bulongo, pa kukumbula jino jipuzho ja kuba’mba: “Mambo ka Lesa wa butemwe o aswishisha buyanji kutwajijila pa kimye kyalepa bibye?” (Monai buku wa Ukupelulula, peja 312.) Umvwe mwina nzubo watambula buku pa nyuma ya kwisamba nanji, twafwainwa kwamba byapasha bino kuba’mba: “Mwingilo wetu wingijiwa mu ntanda yonse kabiji ukwashiwa na bupe bwa kwitemenwa. Umvwe mwakonsha kutemwa kupana bupe lelo, nsakwibutambula.” Tundaikai bonse kwingilako mu butumwa ku mpelo ya uno mulungu.

Mamini 8:“Juba ja Kupwila Kupya Kwiikajila.” Jashi. Umvwe juba ja kupwila kwiikajila ja yukanyikwa, bijikai ne kutundaika bonse kukatanwako juba jonse. Tundaikai basapwishi kwita bakasekela bapya ne basambi ba Baibolo.

Mamini 25:“Nanchi Mubena Kumwenamo Nyi?” Mepuzho ne mikumbu. Tangai kila palagalafu ne kwisambapo.

Lwimbo 152 ne lulombelo lwa kupezhako.

Mulungu wa Kutendeka August 28

Lwimbo 165

Mamini 10:Bya kubijika bya pa kipwilo. Vululaiko basapwishi kutuma lipoti ya mwingilo ya mu bujimi ya August. Batangijila masambijilo a Buku pa Kipwilo bafwainwa kumona kuba’mba bonse mu jibumba jabo bapana ma lipoti kuba’mba abelengwe juba ja pa 6 September saka jikyangye kufika.

Mamini 15:Byo mwakajilwa pa kipwilo kyenu.

Mamini 20:“Kupwila Kukwasha Bakyanyike.” Mukulumpe mu kipwilo atangijile mwisambo wa mepuzho ne mikumbu. Byo mubena kwisamba palagalafu 8, ambai pa bishinka bimo bingila bulongo pa kuba’mba muntu omvwishenga ne kuta mana ku bibena kwambiwa pa kupwila. (Monai Loleni! wa October 8, 1998, mapeja 19-20.) Tundaikai bansemi kukosesha bana babo kutanwa kimye kyonse ku kupwila.—Monai mankumanya aji mu Ulupungu lwa kwa Kalinda lwa September 1, 1997, peja 25.

Lwimbo 176 ne lulombelo lwa kupezhako.

Mulungu wa Kutendeka September 4

Lwimbo 196

Mamini 15:Bya kubijika bya pa kipwilo. Ipuzhai basapwishi kushimikizha mankumanya o bajinga nao mu busapwishi bwa pa kuya na kupwila kwa nkambi, mu kimye kya kupwila nangwa pa kubwela kufuma na kupwila kwa nkambi.

Mamini 10:Tuleikala mu Nshita Yaibela. Jashi jambiwe na mukulumpe mu kipwilo, kufuma mu Ulupungu lwa kwa Kalinda lwa November 15, 1996, mapeja 22 ne 23.

Mamini 20:“Nanchi Mwakoselamo Nyi?” Jashi ne kwisamba na luonde. Tundaikai bonse kulanguluka pa byo babena kwingila ne kukosela mu butumwa bwa Bwina Kilishitu. Umvwe twamweka kukoka, tweseke kwikosesha atwe bene lwa ku mupashi. Vwangaimo byambo kufuma mu Ulupungu lwa kwa Kalinda lwa October 1, 1999, mapeja 20 ne 21, mapalagalafu 17-21. Ipuzhai basapwishi babiji nangwa basatu bakosela mu lwitabilo pa myaka yavula bambe kyo babena kuba pa kino kimye kyalengela kuba’mba batwajijile kukoselamo.

Lwimbo 206 ne lulombelo lwa kupezhako.