Byakwamba Pakutambika Magazini

Kyamba Usopa Nov. 1

“Kika kikebewa pakuwamisha bwikalo bwa ino ntanda? [Mulekai akumbulepo.] Bantu baeseka kubikapo makafulumende apusana-pusana’mba awamishe bintu. Pano bino umvwai Lesa byoaamba pamambo akino. [Tangai Yelemiya 10:23.] Ino magazini ibena kwamba pa ‘Bukalama Bukawamisha Bwikalo Bwa ino Ntanda,’ nekumwesha kino byokisakukobiwa katatakatu.”

Loleni! Nov. 8

“Nanchi mwayuka kuba’mba bantu lelo jino babena kumanama bingi mubwikalo kukila kalanyi? [Mulekai akumbulepo.] Baibolo yaambijile jimo kino. [Tangai 2 Timoti 3:1.] Bantu bavula babena kuyanda bingi mubwikalo kyakuba kibapezha maana. Ino magazini ibena kwitukosesha bingi. Ibena kwitumwesha byotwafwainwa kubula kulukusha michima nekusangalala nabumi.”

Kyamba Usopa Nov. 1

Panyuma yakwambapo kintu kimo kyatama kyaubiwe, shikishai kuba’mba: “Nga mamboka bantu kyobobila bintu byatama bibye? Bonse twafwainwa kuyuka kyawama nekyatama, pano bino bantu ne luno bakyuba bintu byatama. Mamboka? [Panyuma yakuba wakumbulapo, tangai Lumwekesho 12:9.] Ino magazini ibena kulumbulula Lesa katatakatu byoakapwisha byubilo byatama byakwa Diabola.”

Loleni! Nov. 8

“Naketekela mwayuka kuba’mba tubena kwikala mubimye byamalwañano. [Panyuma yakuba wakumbulapo, tangai 2 Timoti 3:3.] Javula ‘kushinta’ kubena kubiwa nemubisemi. Ino magazini iji namutwe wakuba’mba ‘Ubwafwilisho ku Banakashi Abapumwa,’ iji namawi apana luketekelo. Mwakonsha kwiimweshapo nekuumo yemwayuka.”