Mutanchi Wakupwila Kwamwingilo
Mulungu Wakutendeka January 14
Mamini. 15: Byakubijika byapakipwilo. Byakubijika byasalululwa mu Mwingilo Wetu wa Bufumu. Isambai pa Kabokoshi “Bije Byaswishiwa Namuzhilo Byalengwa Katataka.”
Mamini. 20: “Bansemi—Funjishai Baana Benu Kufuma Kubwanyike.”a Vwangaimo nebyambo biji mu Kyamba kya Usopa kya Kibemba April 15, 1998, peja 32. Ipuzhai bansemi bashimikizhe bintu byawama byafuma mukutatula kufunjisha baana babo kumupashi saka baji banyike.
Mamini. 10: “Byakwamba Pakutambika Magazini.” Mweshai byakutambika Kyamba kya Usopa kya February 1 ne Loleni! wa December 8. Koseshai basapwishi bonse kuya mumwingilo pa Juba ja Magazini.
Lwimbo 55 nelulombelo lwakupezhako.
Mulungu Wakutendeka January 21
Lwimbo 104
Mamini. 10: Byakubijika byapakipwilo. Sawakya wamaakaunti. Isambai pa Kabokoshi “Tujilai Jimo Byamilambo.”
Mamini. 13: Abya Mubena Kubalaula-balaula Binembelo Moba Onsenyi? Kisemi kisambe, byakubaisha mfweto yakwisamba moba onse kinembelo kyajuba. Besambe pabyambo biji mu Kyamba kya Usopa kya Kibemba December 15, 1996, peja 18, mapalagalafu 13-14. Bapitulukeko pacheche mubinembelo byajuba byobesambilepo pamoba abiji nangwa asatu kunyuma nekulumbulula bino byambo byobibakwashishe. Bakonkomwene’mba kubalaula-balaula Binembelo juba nejuba kwafwainwa kwikala lubaji lwalufunjisho lwa Baibolo lwakisemi lwakimye kyonse nekwibakwasha kwikala babambakana mumwingilo.
Mamini. 22: “Twajijilai Kubika Bufumu Palutwe.”b Vwangaimo mepuzho acheche pabishinka bikatampe biji mu Kyamba kya Usopa kya Kibemba September 1, 1998, mapeja 19-21.
Lwimbo 168 nelulombelo lwakupezhako.
Mulungu Wakutendeka January 28
Lwimbo 196
Mamini. 10: Byakubijika byapakipwilo. Vululaiko basapwishi kuleta masawakya amwingilo wamubujimi a January. Kwingijisha ñambilo iji papeja 8, mweshai bimwesho bibiji bipi byakutambika magazini, kimo kikale kyakwingijisha Kyamba kya Usopa February 1 kikwabo Loleni! wa December 8. Tongolai buku wakutambika mu February, nekutongaula mabuku omuji nao pakipwilo.
Mamini. 20: Kumwenamo Mulunengezho Lwabutemwe. Jashi namukulumpe mukipwilo wafikapo, kwisamba palunengezho lwanengezhiwa kwimukwasha kimye kyomubena kufuukula kwimubuka, nabiji kikachi kya Directive ne “Mepuzho Kufuma Kubatanga” mu Kyamba kya Usopa kya Kibemba June 15, 2000 ne October 15, 2000. Kipwilo kyafwainwa kwikala nabikachi byavula bya Advance Medical Directive/Release. Kino kikachi kisakupewatu kubasapwishi babatizwa panyuma yakuno kupwila, bino KECHI kyafwainwa kunembwapo lelo jonkane. Kusaina, kwiimenako bukamonyi, nekunembapo juba pabikachi kukobiwa panyuma ya Lufunjisho lwa Buku pa Kipwilo, nekukwashiwa kumvwisha pobabula kumvwisha na mukulumpe utangijila lufunjisho lwabuku. Aba babena kwimenako bukamonyi pakusaina bafwainwa kumona’mba yebabena kwimenako wasaina pakikachi saka bamonako nameso. Basapwishi babula kubatizwa bakonsha kwinembela kikachi kyabo bene ne baana babo kukopolola byambo biji pakino kikachi kwesakana nalwitabilo lwabo nebyobakeba. Konkomwenai pabuneme bwamaana akufuukwila JIMO mwakubukilwa kwaimena pajiwi jamuchima jafunjishiwa na Baibolo. (Byambo bya Mana 27:12; 14:15) Kwisambila jimo nabamingilo yamukipatela nekwibalumbulwila patoka jishinda jomukeba kubukilwamo nemichi yomukeba kyanema bingi. Lufunjisho lwapabunke lukebewa bingi pakuba’mba tufuukule mwakubukilwa mwafwainwa. Tangai mapalagalafu mubibaba biji mumagazini a Kyamba kya Usopa atongolwa pano. Bakulumpe mukipwilo bakeba kwimukwasha pano bino kechi bafuukwilako bakwabo byakubane. Lumbululai mashinda mwakunembela pepala yabyobafuukula.
Mamini. 15: Lukatazho luji pakipwilo. Ipuzhai basapwishi kushimikizha byamwekele pakwingijisha buku wa Ukupelulula, nekutambika buloshuwa wakonsha kukumbula mepuzho abantu, nangwa kupana lutekenesho lwamu Binembelo kufuma mu buloshuwa wa Ilyo Untu Watemwa Afwa. Kimo kimye mweshaipo kimwesho kimo nangwa bibiji kyabyokyamwekele.
Lwimbo 202 nelulombelo lwakupezhako.
Mulungu Wakutendeka February 4
Lwimbo 212
Mamini. 8: Byakubijika byapakipwilo.
Mamini. 17: “Bakomvwa Byepi?”c Lombai luonde kwambapo pabyotwakonsha kwingijisha binembelo. Vwangaimo nemepuzho aji mumapalagalafu 17-18 mu Kyamba kya Usopa kya Kibemba August 15, 1998, papeja 20.
Mamini. 20: “Ñambilo imo Yakwamba Mumwingilo Wamubujimi.” Kwisamba naluonde kubiwe nautangijila mwingilo. Mukino kyamukachi muji ñambilo iji mumakope akunyuma a Mwingilo Wetu wa Bufumu neñambilo ikwabo yakatataka. Pabishilwa pabula kunembwa mwakonsha kunembapo ñambilo ikwabo ikamweka kulutwe ayo yakonsha kwingila bulongo munyaunda yenu. Ipuzhai luonde kutongolapo ñambilo yobatemwa neene mambo obeitemenwa. Mweshaipo imo nangwa ibiji yakonsha kwingila pamo nabuku wakutambika mu February. Koseshai basapwishi bonse kusunga kino kyamukachi nekumonangamo kimye kyobabena kwinengezha kuya mumwingilo.
Lwimbo 224 nelulombelo lwakupezhako.
[Tubyambo twa mushi]
a Ambaipo mawi atanshi acheche akubula kupitaila paminiti umo, apa bino mutendeke mwisambo wa mepuzho nemikumbu.
b Ambaipo mawi atanshi acheche akubula kupitaila paminiti umo, apa bino mutendeke mwisambo wa mepuzho nemikumbu.
c Ambaipo mawi atanshi acheche akubula kupitaila paminiti umo, apa bino mutendeke mwisambo wa mepuzho nemikumbu.