“Bakomvwa Byepi?”
1 Yesu wakonkomwejile’mba: “Kyafwainwa ne mambo awama akasapwilwe patanshi ku mikoka yonse ya bantu.” (Mako 13:10) Nangwa kyakuba tubena kwibikako kwingila nangovu, kukiji bantu bavula bakyangye kusapwilwapo kala. Makafulumende amo akanya mwingilo wetu. Mubyalo bimo bantu bavula bingi kabiji babena kuya nakuvujilakotu kikupu. Nanchi bano bantu, “bakomvwa byepi?”—Loma 10:14.
2 Ketekelai mwi Yehoba: Twafwainwa kuvulukanga’mba Yehoba wayuka biji michima yabantu bonse. Nangwa bwikalo bwamuntu bwikale byepi, umvwe mubukishinka keakebekebe bukine bwamambo a Lesa ukebutana.—1 Moba. 28:9.
3 Abalahama waakaminwe pamambo abangikazhi bajinga mu Sodoma ne Gomola. Bino Lesa wamubujishetu’mba Sodoma kechi akonaunwene umvwe kyakuba mwatanwa bantu baoloka jikumi. (Nte. 18:20, 23, 25, 32) Yehoba ukyangye konaunapo kala baoloka pamo nababi, byonka byokyamwekele mulupulukilo lwakwa Lota nebaana banji babakazhi.—2 Pe. 2:6-9
4 Kimye kimo Elaija walangulukile’mba wajingatu bunke pakwingijila Lesa wakine. Bino, Yehoba wamubujishetu’mba kechi wajinga bunkene kabiji nemwingilo yeatatwile amba ukengijiwa. (1 Mfu. 19:14-18) Ibyepi muano moba etu alelo?
5 Payankanai Mumwingilo wa Lesa: Kechi twayuka kimye kyashalako kyakwingijilamo mwingilo wabusapwishine. Yehoba yemwina uno mwingilo kabiji ubena kwingijisha bamalaika banji kumutangijila. (Lum. 14:6, 7) Ye yenka wayuka kimye kyashalako kyakusapwilamo kuba mumikoka yonse. Umvwe Yehoba wakeba, wakonsha kuleka mambo awama a Bufumu kusapwilwa mumashinda akonsha kwitukumisha kuba’mba bantu bavula ‘bomvwe mambo awama ne kwietaba.’ (Byu. 15:7) Byuba Yehoba biswañana nabyoaji—mambo ke Lesa wabutemwe, wamaana kabiji wabololoke.
6 Kejishuko bingi kwingijila Yehoba monka mwaswila muchima wanji, kwingila nangovu amba bantu bonse bomvwe mambo awama.—1 Ko. 9:16.