‘Tujilai Jimo Byamilambo’

Mukipwilo kyabwina Kilishitu kitanshi, mwajinga bakajiilwe kumubiji bakebewenga bukwasho. Bonse pamuntu pamuntu mobashukijilwe, bakambizhiwe ‘kwitujila jimo kwabo byamilambo’ byakukwashishamo bano bakajiilwe. (1 Ko. 16:1-3) Kyafuminemo mubumpanyi bwabo, bonse basekejile mukupana “ne sante kwi Lesa mu bavula.”—2 Ko. 9:11, 12.

Lelo jino mwingilo wabantu ba Yehoba wantanda yonse ubena kutwajijila nakunanuka, akyo kibena kukebewa bukwasho bukatampe bwamubumali. Kitufwainwa netuwa ‘kwitujila jimo byamilambo’ kikupu kukwasha kufikizha bibena kukebewa. (2 Ko. 8:3, 4) Kupana byakumubiji kwakonsha kubiwa mumashinda apusana-pusana. (Monai Kyamba kya Usopa kya Kibemba kya November 1, 2001, mapeja 28-9.) Jino ke jishuko jileta lusekelo lwakine bingi.—Byu. 20:35.