Byakwamba Pakutambika Magazini

Kyamba kya Usopa June 1

“Kifyele kya Yehoba kubantu kyamwekele kimye kyoatumine mwananji kwiya nakufwa nekwikala kenkuulo. Muntu wafwainwa kuba byepi kuba’mba amwenemo munkuulo ya Yesu? [Lekai akumbule] Baibolo yakumbula. [Tangai Masalamo 5:7] Moyo wakuchina kufichisha Yehoba pamuchima, uketulengela kuyuka’mba ye Nchibamambo Mukatampe kabiji Wabulume bonse, uji nalūsa lwakumanyika, nekwipaya boba bakana kumukokela. Ino magazini yaamba pabyotwafwainwa kuba pakuba’mba tukamwenemo mukifyele kya Lesa.”

Loleni! Apr.-Jun.

“Javula, pekala byavula byubiwa mukunengezha juba jamasongola. Twafwainwa kuba byepi pakuba’mba tunengezhe masongola mujishinda jafwainwa? [Lekai akumbule] Masongola akukeba byavula kuba’mba atakaikwe akonsha kusangajika balongo nebantu mukimasamasa, bino akonsha kusha boba besongola katataka nekisemi kyabo sabakoka mubiji, nekukajilwa mubya mali, kino kibalengela kubula kwikala nalusekelo lobafwainwa kwikala nalo. Ino magazini iji namutwe waamba pabintu byafwainwa kulangulukwapo pakunengezha masongola.”—Yoa. 2:9.

Kyamba kya Usopa June 1

“Binkunka bimo bibamwekanenga pakachipe byalengela bantu kukumya ene mambo bantu babula mambo kyobafwila lufu lwakupulumukatu. Abya mwakilangulukapo bantu kyobafwilanyi? [Lekai akumbule, binopa muzhikule pachati iji papeja 7.] Abya mukeba kuyuka Baibolo byoyaambapo pabya bubela bwamba bavulanyi?” Umvwe kyakonsheka, tangai kinembelo kijimo.

Loleni! Apr.-Jun.

Bantu bavula batwela mumasongola balanguluka’mba: ‘Umvwe bintu byatama, twakonsha kwikana.’ Nanchi mumona’mba kwikana jojishinda jakupwishishamo makatazho amumasongola? [Lekai akumbule.] Naketekela musakwitaba’mba mizhilo yawama yotwafwainwa kulondela paano mambo yafwainwa kufumatu kwi Lesa yenka watendekeshe masongola. Monai Mwananji byoaambile mukino kinembelo [Tangai Mateo 19:4-6] Uno Loleni! wakonkomwena pabyubilo bikebewa pakuba’mba masongola ekale bulongo.