Mutanchi Wakupwila Kwamwingilo

Mulungu Wakutendeka December 8

Lwimbo 221

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bya kutambika Kyamba kya Usopa kya January 1.

Mamini. 20: “Kukwatankana Kwa Bena Kilishitu Bakine Kwakonsha Kwiyako Byepi?”a Pa kwisamba palagalafu 5, ipuzhai luonde lwambepo bimo byo bamwene bibena kumwesha kukwatankana kwa bwina Kilishitu bwetu pa kimye kya kupwila Kukatampe kwa Mikoka, mu mwingilo wa buntungi bwa teokalasi, nangwa mu mwingilo wa kukwasha baponenwa mu malwa.

Mamini. 15: “Sukulu ya Mwingilo wa Teokalasi ya mu 2004.” Jashi jambiwe na mukulumpe utangijila sukulu ya mwingilo wa teokalasi. Ambaipo ne pa byambo biji mu kya mukachi kya Mwingilo Wetu wa Bufumu wa October 2003.

Lwimbo 108 ne lulombelo lwa kupezhako.

Mulungu Wakutendeka December 15

Lwimbo 71

Mamini. 10: Bya kubijika bya pa kipwilo. Isambai Kabokoshi ka kuba’mba, “Mwane Bwelaiko Bukiji Bukiji.” Umvwe muji na kapepala ka S-70, kamweshai ku luonde. Tongolai ne mutanchi wiikajila wa kwingila mwingilo wa mu bujimi pa juba ja December 25 ne January 1.

Mamini. 15: Lufunjisho lwa pa Bunke ke Lubaji Lumo lwa Mpopwelo. Jashi kufuma mu Kyamba kya Usopa kya October 1, 2001, mapeja 14-15, mapalagalafu 6-10.

Mamini. 20: “Kwashai Boba ‘Batongwelwa Bumi Bwa Myaka’”b Ipuzhai mepuzho anembwa. Pitulukaimo mu mashinda abena kumwesha bya kubwelako ku bantu bamwesheshe lusekelo aji mu kabokoshi mu Mwingilo Wetu wa Bufumu wa May 1997 wa Kibemba, peja 3.

Lwimbo 42 ne lulombelo lwa kupezhako.

Mulungu Wakutendeka December 22

Lwimbo 10

Mamini. 12: Bya kubijika bya pa kipwilo. Sawakya wa maakaunti. Kwingijisha mashinda apelako abiji aji pa peja 8, mweshai bya kutambika Kyamba kya Usopa kya January 1. Vululaiko bonse pa mambo a Kupwila kwa Mwingilo kwiikajila kukekalako mulungu wiya kuba’mba kukekala kupana bikachi bya Dokotala/Wakwibafumya Mumambo ne tubikachi twa baana twa Identity Card.

Mamini. 15: “Twamupele Lesa Wetu Lukumo.” Mukulumpe utangijila mwingilo kikatakata ye wafwainwa kwamba jino jashi ja lutundaiko. Ambaipo mashinda alutundaiko a sawakya wa kipwilo wa August. Tongolaipo mashinda abena kukebewa kuwamishako kulutwe na lwendo akalengela kipwilo kuyilako palutwe ne kulumbulula byo kyakonsheka kubiwa pa kuwamishako. Sanchilai balongo pa kwingila kwabo mu mwingilo wa mu bujimi.

Mamini. 18: “Kwipuzhamo Bantu Bafwainwa.”c Ambai bimweka koko kwenu. Kimye ka bantu kyo batemwa kwikala pa mazubo? Kika kyafumamo mu kwingila na kimye kya mute nangwa na kimye kya mabanga? Mashinda ka afwainwa kwingijishiwa kwisambilamo na bantu babula kutanwa javula pa mazubo?

Lwimbo 209 ne lulombelo lwa kupezhako.

Mulungu Wakutendeka December 29

Lwimbo 200

Mamini. 13: Bya kubijika bya pa kipwilo. Tundaikai basapwishi bonse kupana masawakya a mu mwingilo wa mu bujimi a December. Tongolai mabuku a kutambika mu January.

Mamini. 17: “Kuzhila Mashi kya Kine.” Jambiwe na mukulumpe mu kipwilo wafwainwa kwijamba bulongo. Tangai Byubilo 15:28, 29, ne kwambapo pacheche kuba’mba kishinka kikatampe kilengela bena Kilishitu kukana kubikwamo mashi ke kuba’mba banemeke muzhilo wa Lesa waamba pa mambo a kuzhila mashi. Apa bino mutendeke kwisamba byambo bine. Pa kupezhako, tundaikai luonde kulangulukapo bulongo pa mepuzho aji mu kabokoshi ka Mepuzho a Kwiipuzha Anweba Bene.

Mamini. 15: Kupwisha Makatazho a Kukipatela Saka Mwachinchika. Jashi jambiwe na mukulumpe mu kipwilo wafikapo, engijishe autulaini yafuma ku ofweshi ya musampi. Pitulukaimo mu bishinka bikatampe biji mu kabokoshi ka “Lunengezho lwa Kwitukwasha Kuzhila Mashi.”

Lwimbo 182 ne lulombelo lwa kupezhako.

Mulungu Wakutendeka January 5

Lwimbo 103

Mamini. 5: Bya kubijika bya pa kipwilo.

Mamini. 10: Lukatazho lo muji nalo pa kipwilo.

Mamini. 15: Mwingilo Wenu Kechi ye Watutu Ne. (1 Ko. 15:58) Kwisamba na luonde. Nengezhezhai jimo basapwishi baingila pa myaka yavula na kizaku bashimikizhepo mwingilo byo aingijiwenga ku myaka ya kunyuma. Banga baingilanga na kipwilo pa kyokyo kimye? Nyaunda ya kwingijilamo kipwilo yabaile byepi? Nga bantu baubilengapo byepi pa mambo a Bufumu? Makatazho ka o mwapichilemo? Nga mwingilo wa Bufumu wayilako byepi palutwe mu nyaunda yenu pa myaka yapitapo?

Mamini. 15: Kabokoshi ka Mepuzho. Jashi jambiwe na mukulumpe mu kipwilo.

Lwimbo 7 ne lulombelo lwa kupezhako.

[Tubyambo twa mushi]